Fréttatíminn - 20.12.2013, Blaðsíða 42
Var með skýr markmið
og fékk draumastarfið
Margrét Linnet er ein af fáum konum sem vinna sem flugmenn en
konum hefur verið að fjölga í stéttinni að undanförnu. Hún segir
fordóma gagnvart kvenkyns flugmönnum sjaldgæfa en þá komi
þeir líklega fram hjá karlrembum.
Á fermingardaginn til-kynnti ég að ég ætlaði að verða flugstjóri á farþegaþotu. Ég vissi því frá því að ég var lítil hvað
ég vildi verða. Ég tel mig vera mjög
heppna hvað það varðar. Ég byrjaði
í raun strax og ég gat að læra og tók
einkaflugmannsprófið með mennta-
skóla. Þegar þú hefur safnað upp í
500 flugstundir þá ertu gjaldgeng
að sækja um hjá íslensku flugfélög-
unum. Ég var með skýrt markmið
og hélt áfram að klára þetta og fékk
svo vinnu,“ segir Margrét Linnet,
ung kona sem er í draumastarfinu
sem flugmaður hjá Atlanta, en kon-
ur eru í miklum minnihluta í þessu
starfi. Hún segir mikla samkeppni
um að fá vinnu á Íslandi en þeir sem
hafa raunverulegan áhuga megi ekki
gefast upp þó að það geti tekið langan
tíma að fá fasta vinnu hjá flugfélagi.
Margrét hefur unnið hjá Atlanta í þrjú
ár en hafði áður verið tvö ár hjá Flug-
félagi Íslands.
„Frá því að ég man eftir mér þá ætl-
aði ég að læra flug. Afi átti litla rellu
og var með einkaflugmannspróf og
fékk ég stundum að fara með honum
vestur á firði,“ segir Margrét. Hún
fékk vinnu hjá Flugfélagi Íslands árið
2007 og vann þar til ársins 2008 en þá
hafði efnahagshrunið þær afleiðingar
að mjög margir misstu vinnuna. Lenti
Margrét í uppsögn en uppsagnirnar
eru framkvæmdar eftir ströngum
reglum. Margrét fékk svo vinnu hjá
Atlanta á árinu 2010.
Konum er að fjölga
Konur sem starfa sem flugmenn eru í
miklum minnihluta en Margrét telur
að hlutfallið sé mjög svipað hér og
annars staðar á Vesturlöndum. „Ég
tel að ástæða þess að konur eru ekki
fleiri hjá Atlanta sé sú fjarvera sem
fylgir starfinu. Segir hún að mikil
aukning hafi verið á fjölda kvenna
sem fara í flugnám. „Við vorum tvær
í mínum bekk í atvinnuflugnáminu
en núna eru þær talsvert fleiri. Það er
mýta, eins og með flest önnur störf
þar sem karlar eru í meirihluta, að
starfið henti þeim frekar. Þú þarft
ekki að vera sérstaklega líkamlega
sterkur til fljúga flugvél. Ég held að
það sem skipti mestu máli sé að hafa
almenna skynsemi og mjög mikinn
áhuga á þessu,“ segir Margrét, sem
flýgur núna Boeing 747 vélum en þær
vélar geta flutt allt að 500 farþegum.
Fjórar ungar konur vinna sem flug-
menn hjá Atlanta. „Ef maður fer í
flugið og er ánægður þá hagar maður
lífinu eftir því,“ segir Margrét. Flug-
menn hjá Atlanta vinna í þrjár vikur er-
lendis og koma svo heim í þrjár vikur.
„Prinsessustælar“‘ virka ekki
Þar sem konur eru í minnihluta í
fluginu heyrast stundum raddir for-
dómafullra aðila með óskemmtilegar
og tilhæfulausar athugasemdir um að
konum sé til dæmis ekki treystandi.
„Allir flugmenn sem við vinnum
með taka okkur sem jafningjum,“
segir Margrét. „Ég held að konur taki
ekki svona athugasemdir inn á sig en
við erum eins misjafnar og við erum
margar. Ég held að það sé mjög lítið
um fordóma innan flugmannastéttar-
innar,“ segir Margrét. „Ég held að þú
getir fundið mjög góðan flugmann af
hvoru kyni sem hann er,“ segir Mar-
grét.
„Það eru ekki bara karlar sem geta
sinnt þessu starfi. Ég veit ekki til þess
að karlkyns flugmenn séu að láta
kvenkyns flugmenn fara í taugarnar á
Framhald á næstu opnu
Margrét við
hjólabúnað
Boeing 747
vélar. Mynd/
Óskar Eggertsson
Margrét í flugstjórnarklefanum þar sem hún nýtur þess að vera. Mynd/Ólafur Sigmundsson
Ég tel að
ástæða
þess að
konur eru
ekki fleiri
hjá Atl-
anta sé sú
fjarvera
sem fylgir
starfinu.
42 viðtal Helgin 20.-22. desember 2013