Fréttatíminn - 20.12.2013, Blaðsíða 97

matur & vín 97Helgin 20.-22. desember 2013
„Þetta er ótrúlegur heið-
ur fyrir okkur og bætist í
þennan fjölda viðurkenn-
inga sem Bríó hefur
þegar hlotið á heimsvísu
á stuttum tíma. Við erum
í skýjunum,“ segir Stur-
laugur Jón Björnsson,
bruggmeistari Borgar
Brugghúss.
Bjórinn Bríó er einn
þeirra sem fjallað er um
í nýrri útgáfu hinnar
kunnu bjórbiblíu 1001
Beers You Must Try Be-
fore You Die. Ný útgáfa
bókarinnar kom út á
dögunum. Ekki er vitað
til þess að íslenskur bjór
hafi áður ratað í bók sem
þessa.
Höfundar bókarinnar
eru þeir Adrian Tierney-
Jones og Neil Morrissey.
Sá fyrrnefndi dásamaði
einmitt Surt nr. 8.1 á
bloggi sínu, maltworms.
blogspot.com, fyrr á
árinu.
„Gullverðlaun í World
Beer Cup og World Beer
Awards ásamt síðu í einni
af þekktari bjórbókum
nútímans var ekki alveg
það sem maður bjóst við
þegar við vorum að klára
fyrsta bjór Borgar, en
það er bara eitthvað við
þennan Bríó,“ segir Stur-
laugur ennfremur.
Í umsögn um Bríó í
bókinni segir að mark-
mið Borgar-manna hafi
verið að framleiða alvöru
pilsner að þýskum sið
sem myndi gleðja hip-
stera og bóhema bæjarins
og það hafi tekist vel.
Bríó í
þekktri
bjórbók
Bríó er einn þeirra bjóra sem
fólki er ráðlagt að prófa áður
en það deyr, samkvæmt vinsælli
erlendri bjórbók.
Ítalskar biscotti tvíbökur
Bragðbætt biscotti er frábært með kaffi og
sætum vínum í eftirmat. Nafnið er dregið af
biscoctus sem þýðir tvíbaka. Ítalir voru iðnir
við að baka slíkt brauð þar sem það geymdist
vel og var afar vinsælt á tímum Rómaveldis í
nestistösku hermanna. Þetta tvíbakaða brauð
er afar einfalt að búa til. Hér er uppskrift með
jólalegu ívafi:
2/3 bolli sykur
2 stór egg
1 tsk. vanilludropar
1 tsk. lyftiduft
¼ tsk. salt
1¾ bolli hveiti
½ bolli pistasíuhnetur
½ bolli trönuber
Aðferð
Hitið ofninn í 175 gráður.
Þeytið eggin og sykurinn saman þar til þau
verða létt og ljósgul, ca 5 mín., bætið van-
illudropum í. Blandið þurrefnum saman og
hrærið saman við deigið. Bætið þar næst
hnetunum og berjunum út í og blandið saman.
Setjið á bökunarplötu og formið hleif sem er
ca 30 cm langur og 8 cm breiður.
Bakið í 25 mín. Takið úr ofninum og látið
standa í 10 mín., lækkið ofnhitann í 165
gráður.
Skerið brauðið í sneiðar sem eru ca 2 cm
þykkar og leggið sneiðarnar aftur á plötuna.
Bakið í 10 mín. Snúið sneiðunum og bakið í
aðrar 10 mínútur.
Látið kólna og geymið á þurrum stað. Dugar
í 16-20 sneiðar.
Það er tilvalið að breyta til og bragðbæta
með því sem manni þykir best, t.d. pecan-
hnetum, súkkulaði, rúsínum eða öðru
góðgæti. Þar sem jólin nálgast er einnig til-
valið að dýfa sneiðunum í bráðið súkkulaði.