Fréttatíminn - 20.12.2013, Blaðsíða 8

K ortavelta Íslendinga á erlendri grundu hefur aukist um 6,2% það sem af er ári en kortavelta innan-
lands hefur aðeins vaxið um 0,7% á sama
tíma. „Þessi aukning á kortaveltu Íslendinga
erlendis er athyglisverð,“ segir Greining
Íslandsbanka, „sér í lagi í ljósi þess að utan-
ferðum Íslendinga hefur aðeins fjölgað um
1,1% á milli ára á sama tímabili. Við teljum
afar líklegt að þessi mikli munur sé til-
kominn vegna þess að Íslendingar eru í
mjög auknum mæli að versla við erlendar
netverslanir, á borð við kínversku síðuna
Aliexpress.“
„Nýjustu tölur yfir greiðslukortaveltu
benda til þess að þó nokkur vöxtur hafi verið
í einkaneyslu í nóvember síðastliðnum frá
fyrra ári. Líkt og að undanförnu var sá vöxt-
ur að miklu leyti drifinn áfram af aukinni
veltu innlendra korta erlendis. Þá má lesa út
úr tölunum að mikil aukning var á notkun
erlendra korta hérlendis í nóvember á milli
ára, sem rímar vel við tölur Ferðamálastofu
um þá miklu fjölgun sem var á erlendum
ferðamönnum hér á landi í mánuðinum,“
segir Greiningin.
Samkvæmt tölum Seðlabankans, sem
birtar voru síðastliðinn föstudag, jókst korta-
velta Íslendinga innanlands að raungildi um
0,9% í nóvembermánuði frá sama mánuði í
fyrra, en kortavelta þeirra erlendis jókst hins
vegar um 15,6% á sama mælikvarða. Síðar-
nefndi vöxturinn er talsvert hraðari en sá
10% vöxtur sem átti sér stað á brottförum Ís-
lendinga um Flugstöð Leifs Eiríkssonar.
„Vöxturinn í kortaveltu einstaklinga í
nóvember er svipaður og sá 2,3% raunvöxtur
kortaveltu sem var í október, en talsvert
hraðari en sá 1,2% vöxtur sem hefur að jafn-
aði verið á árinu. Vöxturinn á árinu er að
miklu leyti drifinn áfram af aukinni veltu
innlendra korta erlendis en lítil aukning
er á veltu innlendra korta hérlendis,“ segir
Greiningin og bendir um leið á nýlega um-
fjöllun Fréttablaðsins um aukna póstverslun
frá Kína kom til að mynda fram að póstsend-
ingum þaðan til Íslands fjölgaði fimmfalt á
fyrstu tíu mánuðum ársins frá sama tíma í
fyrra, og raunar virðist hafa hert á þessari
aukningu eftir því sem liðið hefur á árið.
„Þrátt fyrir að ofangreind þróun leiði til
þess að einkaneysla vaxi meira en ella, þá
er hún ekki til þess fallin að ýta undir meiri
vöxt vergrar landsframleiðslu. Ef sú er raun-
in að vöxtur einkaneyslu eigi sér að miklu
leyti stað utan landsteinanna gætu framan-
greindar tölur bent til eitthvað hægari hag-
vaxtar en ella,“ segir Greining Íslandsbanka.
„Ástæðan er sú að erlend neysla, þá hvort
sem það sé eyðsla Íslendinga sem halda
erlendis eða þeirra sem láta sér það nægja að
vera heima og versla á netinu, kemur að fullu
til frádráttar í innflutningsliðum þjóðhags-
reikninga en innlend neysla aðeins að hluta.“
Jónas Haraldsson
jonas@frettatiminn.is
Kortin straujuð
í Kínabúðunum
Íslendingar
versla í
auknum
mæli við
erlendar
netverslanir
á borð við
kínversku
síðuna
Aliexpress.
Erlendar net-
verslanir á borð
við kínversku
síðuna Aliex-
press virðast
höfða mjög til
Íslendinga.
 AuKin netverslun drifKrAftur einKAneyslu?
Ólafur Garðar Halldórsson og
Sigríður Mogensen hafa verið
ráðin til Samtaka atvinnulífs-
ins sem hagfræðingar á nýju
efnahagssviði samtakanna.
Efnahagssvið SA hefur faglegt
sjálfstæði innan samtakanna
en meginverkefni þess er að
annast rannsóknir og greining-
ar á íslensku efnahagslífi.
Ólafur er með M.Sc. gráðu
í hagfræði frá University of
Essex og með B.Sc. gráðu í
hagfræði frá Háskóla Íslands.
Hann hefur áður starfað á hag-
fræði- og peningastefnusviði
Seðlabanka Íslands og sem sér-
fræðingur í greiningu hjá IFS
ráðgjöf.
Sigríður er með B.Sc. gráðu
í hagfræði frá Háskóla Íslands.
Hún hefur síðustu ár starfað
sem hagfræðingur hjá embætti
sérstaks saksóknara og sem
stundakennari í fjármálum og
hagfræði við Háskóla Íslands.
Þá hefur Sigríður starfað sem
fréttamaður á Stöð 2 og var
blaðamaður á Viðskiptablaðinu.
Ólafur hefur þegar hafið
störf en Sigríður mun hefja
störf í byrjun nýs árs. - jh
Ólafur Garðar og Sigríður til SA
Ólafur Garðar Halldórsson og Sigríður Mogensen.
ÍTALSKT
JÓLABRAUÐ
Sími: 561 1433
mánudaga-föstudaga 7.30 -17.30
laugardaga 8.00 -16.00
sunudaga 8.00 -16.00
Grípandi lög
sem allir geta
sungið með !
FIMMUND
Útgáfa og dreifing ehf. Sími 822 6866 • hugarflug@internet.is
Bráðskemmtileg barnaplata !il l !
Fimmtán ný lög eftir Inga Gunnar
Jóhannsson, við ljóð Þórarins Eldjárns úr
ljóðabókinni „Grannmeti og átvextir“.
Flytjendur: Katla Margrét Þorgeirsdóttir,
Ingi Gunnar Jóhannsson, Hilmar Sverrisson,
Ómar Ragnarsson og Örn Árnason.
8 fréttir Helgin 20.-22. desember 2013