Fréttatíminn - 20.12.2013, Blaðsíða 58

- Hrein snilld -
Í ELDAMENNSKUNA
Gerðu máltíðina enn betri með teningunum frá Bong
því þeir laða fram það besta úr góðu hráefni.
EKKERT MSG
ENGIN TRANSFITA
ENGIN LITAREFNI
Anthony ólst upp í litlum bæ í
Kalíforníu sem heitir Paso Robles
og er ekki ólíkur Hafnarfirði að
stærð en bjó einnig um tíma í San
Diego, San Franscisco og New
York. „Ég varð mjög þreyttur á því
að búa í stórborgum því að mér
fannst ég ekki mynda alvöru tengsl
við fólk og það var mjög oft að fólk
spurði þig ... já og hvað getur þú
gert fyrir mig? og eftir það var það
búið,“ segir Anthony.
„Það er erfitt að kynnast fólki í
Bandaríkjunum en þegar ég kom
hingað þá hitti ég nokkra ein-
staklinga og þeir hafa orðið eins
og fjölskylda mín og þeir þekkja
mig betur en fólk sem ég hef þekkt
allt mitt líf. Svona fólk sem þú vilt
eiga að þegar þú verður gamall.
Við erum á eyju og flestir sem fara
í burtu koma aftur, er það ekki?,“
segir Anthony.
Sameinuðu ólíka hæfileika
Anthony, Ýr og Lísa hafa á liðnu ári
stofnað fyrirtækið sitt Reykjavík
Trading Co. Lísa lærði innan-
húsarkitektúr í London sem og
húsgagnasmíði á meðan Ýr hafði
lært ferðamálafræði og viðskipti
en fékk svo áhuga á tísku og lærði
fatatækni. „Ýr og Lísa eru æsku-
vinkonur og ólust upp saman. Þær
hafði alltaf langað að gera eitthvað
saman og ég var með alls konar
hugmyndir. Við höfðum þessa
hæfileika og hæfni og við ákváðum
að finna leið til þess að nýta þessa
þekkingu í sameiningu,“ segir
Anthony.
„Lísa hefur búið í Nýja Sjálandi
og London og Ýr bjó í Kaupmanna-
höfn um tíma en ég held að það sé
ástæða fyrir því að við hittumst
hér. Við komum frá ólíkum stöðum
og það er ákveðin tenging sem
færir okkur saman. Við höfum
svipuð gildi og okkur finnst fjöl-
skylda skipta miklu máli,“ segir
Anthony.
Dóttir Anthony og Ýrar hefur
fengið nafnið Mía Ísabella Baciga-
lupo. Lísa er gift leikstjóranum
Einari Baldvini Arasyni og saman
eiga þau dótturina Ólöfu Yrju Ein-
arsdóttur.
„Við erum hrifin af gamla
tímanum og gamaldags munum
og í raun varð nafnið Reykjavík
Trading Co. til út frá því. Ég var
alltaf að koma með fallega muni
með mér til Íslands. Í raun þarf
að flytja allt inn og þá kom hug-
myndin um vöruskipti eða „trad-
ing“ til. Við völdum þetta nafn
vegna þess að það hljómaði svo
vel og hljómar eins og það hafi
verið til í 100 ár og það er svona
„old feeling“ við nafnið og sam-
einar Ísland og Kalíforníu. Það
virðist sem fólki líki við hugtakið
okkar en við eru enn mjög lítil,“
segir Timothy.
„Við vildum búa til hluti sem
endast vel og eru tímalausir. Þegar
við byrjuðum ákváðum við að gera
fáa hluti mjög vel og vörunum
okkar hefur verið mjög vel tekið,“
segir Anthony. Einnig eru þau
staðföst á því að vörurnar verði ein-
göngu framleiddar á Íslandi.
Ullarhulstrin fyrir iPad frá fé-
laginu hafa notið mikilla vinsælda
en stelpurnar hönnuðu mynstrið.
Þau vildu hafa útlit á þeim sem
ekki væri of kvenlegt og myndi
höfða til allra og fundu litablöndu
sem er innblásin er af íslensku
vetrarlitunum. Leðrið sem þau
nota kemur frá Sauðárkróki.
Hugmyndin er líka innblásin af
gömlu amerísku dagbókunum
en Anthony segir að iPadar séu
dagbækur nútímans. „Flestum
útlendingum sem við höfum talað
við finnst allt íslenskt mjög flott,“
segir Anthony.
Vilja gamaldags gæði
„Við viljum veita persónulega þjón-
ustu og það er orðið frekar sjald-
séð. Ég er hrifinn af því hvernig
þetta gekk fyrir sig í gamla daga
þegar fólk fór inn í verslun og bað
búðareigandann um að búa til
fyrir sig hluti sem það elskaði,“
segir Anthony. Segir hann að fólk
sýni fyrirtækinu mikinn áhuga
vegna þess að þau séu með alvöru
íslenska framleiðslu. Þess vegna
hefur félagið einbeitt sér að því að
velja vel þær búðir sem selja vör-
urnar þeirra og nú eru það verslan-
irnar Aurum og Epal.
Félagið hefur notað mikið sam-
félagsmiðlana til þess að koma
vörum sínum á framfæri með
árangursríkum hætti. „Við höfum
farið í gegnum það hversu mikla
framleiðslugetu við höfum og ég
hef ákveðið að opna verslun í vor
sem mun selja aðallega okkar
vörur en líka aðrar vörur í Banda-
ríkjunum sem eru í svipuðum stíl,“
segir Anthony.
Anthony segir að þau hafi verið
heppin hingað til en að þau hafi
ákveðið að fá ekki fjárfesta að
borðinu og eru þau mjög meðvituð
um hvernig fer fyrir mörgum fyrir-
tækjum á Íslandi. „Við óskum þess
innilega að okkar hönnun lifi af og
við á einhverjum tímapunkti grætt
peninga. En við vitum að við get-
um ekki ætlast til þess að græða
peninga strax. Við viljum stækka
hægt og rólega,“ segir Anthony.
Ýr og Anthony munu halda
sveitabrúðkaup á nýju ári en þau
hafa þó nú þegar gift sig.
„En ég og Ýr áttum að hitt-
ast,“segir Anthony.
Áhugasamir um geta kynnst
félaginu á www.reykjaviktrading.
com eða www.anthonybacigalupo.
com
María Elísabet Pallé
maria@frettatiminn.is
Ýr og Lísa ásamt dætrum sínum Míu Ísabellu og Ólöfu Yrju. Þær eru æskuvinkonur og eignuðust börnin sín í apríl síðastliðnum.
58 viðtal Helgin 20.-22. desember 2013