Bændablaðið - 20.06.2013, Page 24
24 Bændablaðið | Fimmtudagur 20. júní 2013
Einyrkinn Jóhanna B. Magnúsdóttir á Dalsá:
Amma náttúra
Í Mosfellsdal, undir Helgafelli, kúrir
lítil garðyrkjustöð sem heitir Dalsá.
Þar býr Jóhanna B. Magnúsdóttir og
rekur samhliða ræktunar störfum
lítið fræðslusetur, sem gengur út
á að kenna börnum og fullorðnum
matjurtaræktun. Börnunum
kennir hún sem Amma náttúra
og í því hlutverki aðstoðar hún
leikskóla á höfuðborgarsvæðinu
við að setja upp matjurtagarða
og skipuleggja fræðslu í tengslum
við þá.
Jóhanna situr í stjórn VOR –
félags framleiðenda í lífrænum
búskap. Ræktun hennar tekur því
að vonum mið af þeirri nálgun og
sömuleiðis miðlar hún þekkingu
sinni með áherslu á lífræna ræktun.
Hún er þó sjálf ekki með vottun
fyrir sína framleiðslu og segir
ástæðuna vera þá að ef hún sæktist
eftir slíkri vottun færi hreinlega of
stór hluti kostnaðar af starfseminni
til að standa undir þeim merkjum.
Hún biðlar því til stjórnvalda
um að koma til móts við smærri
framleiðendur í lífrænum búskap
og lækka eitthvað kostnaðinn
við vottunarferlið, sem yrði þá í
samræmi við umsvif viðkomandi
starfsemi. „Það færi vel á því,
sérstaklega í ljósi þess að fyrir
rúmu ári var þingsályktunartillaga
um eflingu Græna hagkerfisins
samþykkt á Alþingi, með öllum
greiddum atkvæðum, sem gerir ráð
fyrir að lífrænt vottuð framleiðsla
verði aukin úr einu prósenti í 15
prósent fram til ársins 2020,“ segir
Jóhanna.
Amma náttúra
„Þetta er annað árið sem ég er í
þessu hlutverki og það er náttúru-
lega rosalega ánægjulegt að
fara í leikskólana og vinna með
krökkunum. Hluti af lokaverkefni
mínu í Waldorfs-uppeldisfræði vorið
2007 var að setja upp matjurtagarð
við Waldorf-leikskólann Yl í
Lækjarbotnum. Síðan hef ég tekið
þátt í vorverkunum hjá þeim. Þar
hef ég sannfærst um uppeldislegt
mikilvægi ræktunar fyrir börn. Í
þeim tæknivædda heimi sem við
lifum í er nauðsynlegt að börnin
komist í beina snertingu við hringrás
náttúrunnar og ég held að það sé
hvergi aðgengilegra en í gegnum
ræktun, uppskeru og framreiðslu
grænmetisins upp á matborðið.
Nú er þessum heimsóknum í
leikskólana nýlokið þetta sumarið.
Ég hef einnig fengið börn til mín
Jóhanna mótaði þetta beð sem Lífsins tré fyrir nokkrum árum. Hún segir að „greinarnar“ séu þannig í forminu að auðvelt
sé að sinna plöntunum og hreinsa beð. „Tréð“ var að taka á sig mynd þegar blaðamaður var í heimsókn. Myndir / smh
Jóhanna í garðskálanum þar sem hún ræktar hitakærar plöntur.Nýbúin að planta matjurtunum út.
Þann 5. maí síðastliðinn var
stækkun Garðyrkjustöðvarinnar
Sunnu formlega tekin í notkun
á Sólheimum. Nýbyggingin telst
vera stærsta hús sem reist hefur
verið á Sólheimum, alls um 1.689
fermetrar með góðri lofthæð,
og er líklega stærsta einstaka
gróðurhús sem hýsir lífræna
ræktun á Íslandi.
Upphaf lífrænnar ræktunar
á Íslandi má rekja til Sesselju
Hreindísar Sigmundsdóttur, sem
flutti heim frá útlöndum árið 1930
að loknu námi í Þýskalandi, Sviss og
Danmörku, settist að í Grímsnesinu
og stofnaði Sólheima. Jafnvel er talið
að Sesselja hafi verið fyrst á öllum
Norðurlöndunum til þess að rækta Valdimar Ingi Guðmundsson, forstöðumaður Garðyrkjustöðvarinnar Sunnu.
Lífræn ræktun enn í sókn á Sólheimum:
Eitt stærsta gróðurhús sinnar tegundar á Íslandi
– verður eitt það tæknivæddasta næstkomandi haust
Góð lofthæð er í nýbyggingunni og þar er afar bjart. Myndir / smh