Bændablaðið - 20.06.2013, Síða 35
35Bændablaðið | Fimmtudagur 20. júní 2013
Naut sem falla úr almennri
dreifingu
Ákveðið var að dreifingu yrði hætt úr
eftirtöldum nautum:
Hegri 03014 – fullnotaður, farið að
draga mjög úr notkun.
Tópas 03027 – fullnotaður, farið
að draga mjög úr notkun.
Salómon 04009 – fullnotaður,
lækkaði heldur í mati.
Stássi 04024 – fullnotaður, styrkti
þó mat sitt í 114 í heildareinkunn.
Ári 04043 – fullnotaður, farið að
draga mjög úr notkun.
Stöðull 05001 – fullnotaður, lítið
notaður undanfarna mánuði.
Vindill 05028 – sæði nánast búið,
afgangnum verður dreift á næstu
vikum.
Birtingur 05043 – sæðisbirgðir á
þrotum.
Röskur 05039 – próteinhlutfall í
mjólk dætra of lágt.
Koli 06003 – sæði nánast uppurið,
afgangnum verður dreift á næstu
vikum.
Töfri 06043 – lækkar í mati, lítið
verið notaður.
Besta naut 2006 árgangsins
Fagráð tók ákvörðun um val á besta
nauti 2006 árgangsins. Að þessu sinni
fellur sú nafnbót í skaut Kola 06003
frá Sólheimum í Hrunamannahreppi.
Koli er sonur Fonts 98027 og
móðurfaðir hans er Kaðall 94017.
Dómsorð Kola eru: „Afurðasemi
dætra Kola er góð, einkum hvað
varðar efnahlutföll. Þær eru stórar og
sterkbyggðar, malir eru vel lagaðar,
fremur flatar og fótstaða góð. Þetta eru
júgurhraustar kýr með mjög vel borin
júgur, afar sterkt júgurband og mjög
góða júgurfestu. Spenar eru vel lagaðir
og vel staðsettir en fremur stuttir og
granir. Mjaltir eru í góðu meðallagi og
kýrnar skapgóðar. Koli 06003 hlýtur
nafnbótina besta naut 2006 árgangs
nauta frá nautastöð BÍ.“
Yfirlit um eldri nautsfeður
Ef litið er til þess hvernig mat eldri
nautsfeðra hefur staðist tímans tönn
er ljóst að árgangurinn frá 1994 sem
eru margir hverjir móðurfeður þeirra
nauta sem við erum að nota nú hafa
staðið undir væntingum. Þannig standa
Kaðall 94017 og Punktur 94032 nú
með 113 í heildareinkunn. Völsungur
94006 er í 106, Pinkill 94013 í 103 og
Frískur 94026 í 102. Títt nefndur Stígur
97010 stendur nú í 112 í heildareinkunn
þar sem sterkustu eiginleikar hans eru
afurðir, júgurhreysti, júgurgerð og
ending. Hersir 97033 er nú með 109 í
heildareinkunn. Hann sækir styrk sinn
í afurðaþættina og júgurhreysti sem
hann hefur alltaf verið þekktur fyrir.
Hins vegar eru byggingareiginleikarnir
ásamt mjöltum og skapi undir
meðallagi en ending dætranna er góð.
Synir hans hafa komið misvel út en
meðal þeirra er að finna sterk naut
og þeir skila áfram afurðagetunni og
júgurhreystinni.
Árgangurinn frá 1998 sem hefur
verið að skila sonum sínum úr dómi
undanfarin misseri heldur sínu mati
með ágætum. Fontur 98027 er með 111
í heildareinkunn og sækir hann styrk
sinn einkum í afurðir, júgurhreysti,
júgur- og spenagerð auk endingar en til
lækkunar koma mjaltir og skap. Synir
hans koma heilt yfir mjög sterkt út
og virðist arfleifð Fonts ætla að verða
góð júgur- og spenagerð auk endingar.
Glanni 98026 stendur með 108 í
heildareinkunn. Dætur hans hafa aldrei
verið taldar til afreksgripa í afurðum þó
verðefni séu há. Styrkur Glanna liggur
í frábærri spenagerð, úrvalsskapi og
mjöltum auk mikillar endingar.
Þessum þáttum virðist hann skila
áfram gegnum syni sína. Umbi 98036
hefur dalað mikið frá því hann var til
notkunar sem nautsfaðir og stendur í
102 í heildareinkunn. Fáir synir hans
munu koma til framhaldsnotkunar.
Þrasi 98052 hefur haldið velli og er
með 110 í heildareinkunn. Þar er á
ferðinni naut sem sýnt hefur mikla
kynfestu hvað júgurgerð snertir og
skila synir hans því vel áfram. Dætur
Þrasa hafa reynst endast vel.
Úr 1999 árgangnum kom aðeins
einn nautsfaðir, Þollur 99008. Hann
stendur nú í 108 í heildareinkunn þo
Skjöldur 91022, faðir hans, sé honum
allt annað en til framdráttar nú. Þollur
virðist ætla að skila góðum sonum,
en hans sterku hliðar eru afurðasemi,
frjósemi, júgur- og spenagerð, mjaltir
og ending. Skapið er honum hins vegar
nokkur fjötur um fót en þar virðast á
ferðinni skapmiklar kýr án þess þó
að um óeigandi vandræðagripi sé að
ræða.
Í 2000 árgangnum hefur Laski
00010 staðið við fyrri dóm með sóma,
stendur nú í 111 í heildareinkunn.
Það er orðið ljóst að hann mun skila
sterkum sonum til framhaldsnotkunar
og einkum bæta júgur- og spenagerð
auk skaps. Náttfari 00035 stendur með
heildareinkunn í 109 og það eru einkum
afurðir sem eru honum til framdráttar.
Verðefni eru hins vegar lág. Kynfesta
er nokkuð mikil því synir hans líkjast
honum um margt. Frá Náttfara erfast
miklar afurðir og góð spenagerð.
Árgangur 2001 hefur valdið
nokkrum vonbrigðum. Nautsfeðurnir
Snotri 01027, Spotti 01028 og Kappi
01031 hafa allir fallið í mati með
árunum og eru nú á bilinu 100-104
í heildareinkunn, lægstur er Spotti.
Snotri er undir meðallagi í afurðum
en sterkur í byggingu, mjöltum og
skapi. Spotti er kominn á meðallag í
afurðum, júgurhreysti er slök en júgur-
og spenagerð og skap er gott. Kappi er
um meðallag í flestu en þó öflugur í
mjöltum og skapi auk þess sem kýrnar
virðast frjósamar. Það verður fróðlegt
að sjá hvernig synir þeirra reynast en
þeir fyrstu kom að öllum líkindum úr
prófun haustið 2014.
Árgangurinn frá 2002 hefur bæði
staðist væntingar og valdið nokkrum
vonbrigðum. Það ánægjulega er að
Glæðir 02001 stendur geysisterkur
með 115 í heildareinkunn, öflugur í
prótein%, júgurgerð, mjöltum, skapi
og endingu. Ás 02048 hefur einnig
staðist væntingar og er með 114 í
heildareinkunn. Ás er afurðanaut
og sterkur í byggingu og mjöltum
en undir meðallagi í skapi. Skurður
02012 er með 110 í heildareinkunn
og gefur skemmtilegar kýr að mörgu
leyti. Þær eru afurðasamar, með góða
júgur- og spenagerð en nokkuð ber á
fullþungum mjöltum. Aðall 02039 og
Ófeigur 02016 eru með 111 og 110 í
heildareinkunn. Þessi naut standa undir
fyrri dómum. Flói 02029 hefur heldur
dalað, heildareinkunn er 109, þó að
margar af skemmtilegri kúm bænda
sé að finna í dætrahópi hans. Flói er
afurðanaut og gefur úrvalsmjaltir en
júgurgerðin er aðeins breytileg. Síríus
02032 stendur í 109 í heildareinkunn
og fátt út á hann að setja nema að
framspenar dætra hans eru fullgleitt
settir. Lykill 02003 hefur lækkað í mati
og stendur nú í 109 í heildareinkunn.
Mat hans fyrir prótein% er mjög hátt
en að sama skapi lágt fyrir fitu%.
Góðar mjaltir og gott skap ásamt
spenagerð eru sterkustu þættir hans en
júgurgerð hefur sýnt sig vera fullveik
ásamt því að júgurhreystin er ekki
nægilega mikil. Fyrstu synir nautanna
frá 2002 koma væntanlega til notkunar
sem reynd naut vorið 2015.
S
K
E
S
S
U
H
O
R
N
2
01
2
Sími 480 0400 jotunn@jotunn.is
Austurvegur 69 - 800 Selfoss Lónsbakki - 601 Akureyri www.jotunn.is
Jötunn Vélar ehf. - Kt. 600404 2610
Massey Ferguson 3645
Massey Ferguson 3645 er frábær kostur fyrir þá
sem þurfa extra lága og lipra vél í sína þjónustu.
Vélin er mjög öflug miðað við stærð og þarf mjög
lítið athafnasvæði. Vélin er búin öllum þeim helstu
eiginleikum sem góð dráttavél þarf til almennra nota.
Staðalbúnaður í MF3645:
Hafðu samband við sölumenn okkar í síma 480 0402.
Eigum úrval af nýjum og notuðum vélum
á hagstæðu verði til afgreiðslu strax.
Hafið samband: E.G. Heild ehf. c/o Elías Gíslason
Stórhöfða 17, 110 Reykjavík. Símar: 8616264, 5877685
netfang: eg.heild@simnet.is Heild ehf
Æðardúnsbændur
Óska eftir að kaupa fullhreinsaðan æðardún
Getum bent á og mælt með hreinsunaraðilum
Nú eru góð verð í boði
r únsbændur
s ftir f ll r i saðan æðardún
tekið að mér hreinsun
er i