Bændablaðið - 20.06.2013, Page 42
42 Bændablaðið | Fimmtudagur 20. júní 2013
Í Þjóðólfshaga II búa Stefán Þór
Sigurðsson, Þórhalla Guðrún
Gísladóttir og börn þeirra Brynjar
Gísli, Margrét Heiða og Dagný
Rós. Þau hófu sauðfjárbúskap
1993 og þá sem leiguliðar í Meiri-
Tungu í Holtum.
Svo var það árið 2004 að þau
fengu Þjóðólfshaga II leigðan, en
jörðin er ríkisjörð og fluttu þau
þangað haustið 2005.
Þegar þau tóku við jörðinni var
þar aðeins lítið íbúðarhús, gamall
braggi og fullt af hellum. Þau rifu
braggann og byggðu við húsið og
fjárhús en hafa ekki enn nýtt hellana
nema sem kartöflugeymslu og til
að sýna gestum. Þegar þau fluttu í
Þjóðólfshaga II var ræktað land um
7 ha en er í dag um 40 ha.
Býli? Þjóðólfshagi II.
Staðsett í sveit? Í Holtum, í
Rangárþingi ytra.
Ábúendur? Stefán Þór
Sigurðsson, Þórhalla Guðrún
Gísladóttir.
Stærð jarðar? Rúmlega 300 ha.
Gerð bús? Sauðfjárbúskapur.
Fjöldi búfjár og tegundir? 380
fjár, 30 hross, 2 hundar og köttur-
inn Ragnar Bjarnason.
Hvernig gengur hefðbundinn
vinnudagur fyrir sig á bænum?
Þessa dagana er verið að klára
flög, reka fé úr túnum og járna,
milli þess sem húsbændur stunda
vinnu utan bús.
Skemmtilegustu/leiðinlegustu
bústörfin? Skemmtilegast er
sauðburður, fjallferðir og fjárstúss
á haustin. Leiðinlegast að farga/
afsetja gripi.
Hvernig sjáið þið búskapinn
fyrir ykkur á jörðinni eftir
fimm ár? Með svipuðu sniði en
bættri vinnuaðstöðu.
Hvaða skoðun hafið þið á félags-
málum bænda? Litla skoðun.
Hvernig mun íslenskum land-
búnaði vegna í fram tíðinni?
Vonandi vel, þar sem fæða er gull
framtíðarinnar.
Hvar teljið þið helstu tækifærin
í útflutningi íslenskra búvara?
Lambakjöti og mjólkurvörum.
Hvað er alltaf til í ísskápnum?
Mjólk, rjómi, sultur og lýsi.
Hver er vinsælasti maturinn á
heimilinu? Lambalæri eldað í 3-4
tíma að hætti karlanna á heimilinu.
Eftirminnilegasta atvikið við
bústörfin? Þegar við fengum
Þjóðólfshagann leigðan.
Líf og lyst
BÆRINN OKKAR
Þjóðólfshagi II
Fjölskyldan skoðar norska jökla sumarið 2011.
Áning undir Krókagiljabrúnum.
Það er fljótlegt og auðvelt að útbúa
góðar samlokur. Kartöflusalat er
kjörið meðlæti en best er að útbúa
það með fyrirvara og láta standa
í kæli.
Hin fullkomna samloka
BLT – beikon, salat og tómatar
› 6 sneiðar beikon
› 4 sneiðar gott samlokubrauð
› 4 msk. létt majónes
› Salat
› ½ sítróna (safinn)
› 1-2 tómatar (eftir stærð), skornir frekar
þykkt
› Salt og pipar
Aðferð:
Hitið ofninn í 200 °C. Setjið beikonið
á grind yfir ofnskúffu og bakið í
15-25 mínútur. Leggið á eldhúspappír
og látið fituna leka af.
Ristið brauðið og smyrjið með majó-
nesi.
Leggið salat á tvær sneiðar, þá tómata
og beikonið ofan á þá.
Kryddið með salti og pipar.
Sítrónan er kreist yfir tómatana og
salatið. Ferskt bragð á móti feitu
beikoninu og þroskuðu tómötunum
sem fullkomnar samlokuna.
Lokið samlokunni og skerið í tvennt.
Egg- og beikonsamloka með
kartöfluskífum
› Gott brauð
› 2 msk. smjör
› 1 tsk. Dijon-sinnep
› 1 tómatur, skorinn í báta
› 3-4 sveppir, skornir í sneiðar
› 3 egg
› 3-4 sneiðar beikon
› Rifinn parme -
sanostur
› Kartöflur
Aðferð:
Skerið kartöflur í
örþunnar sneiðar,
t.d. með ostaskera.
Hitið olíu í potti (2-
3 msk) og steikið
kartöfluskífurnar
í 2-3 mín. í heitri
olíunni. Leggið
kartöflurnar á
eldhúspappír til
að draga úr þeim
mestu f i tuna.
Steikið beikonið
þar til það verður stökkt. Leggið
það á eldhúspappír og látið mestu
fituna renna af. Steikið egg á pönnu í
smjörinu 2-3 mín. Smyrjið smá Dijon-
sinnepi á brauðið og raðið hráefninu
á samlokuna. Rífið parmesanost yfir.
Kartöflusalat með sýrðum
rjóma og graslauk úr garðinum
› 400 g kartöflur (soðnar,flysjaðar og
skornar í bita við hæfi)
› 2 msk. grísk jógúrt
› 2 msk. sýrður rjómi
› 1 msk. sætt sinnep
› 2 msk. súrar gúrkur (fínt saxaðar)
› 2 msk. blaðlaukur, skorinn niður
› 1 msk. fersk steinselja (gróft söxuð)
› 4 msk. paprika (fínt skorin)
› 1 tsk. paprikuduft
› ½ tsk. hvítlaukssalt
› Nokkur strá af graslauk – skorin fínt
› Salt og pipar
Aðferð:
Blandið fyrst grísku jógúrtinni,
sýrða rjómanum, sinnepinu og
súru gúrkunum vel saman. Bætið
blaðlauknum, paprikunni, kryddinu
og steinseljunni út í og loks
kartöflunum. Passið að mauka ekki
kartöflurnar þegar hrært er saman við
hitt hráefnið. Smakkið til með salti og
pipar. Stráið graslauknum yfir. Það
er gott að láta kartöflusalatið standa
í lágmark 5 klst. í kæli en best er að
láta það standa í 24 tíma.
Samlokur í dagsins önn
MATARKRÓKURINN
BJARNI GUNNAR KRISTINSSON