Bændablaðið - 24.01.2013, Blaðsíða 20

20 Bændablaðið | Fimmtudagur 24. janúar 2013
„Við höfum verið gæfusöm í okkar
rekstri, aldrei reist okkur hurðarás
um öxl en starfsemin hefur vaxið og
dafnað og farið hægt og sígandi upp
á við,“ segja þau Valmundur Pétur
Árnason og Ingibjörg Ringsted,
eigendur Lostætis á Akureyri.
Fyrirtækið er nú á sextánda
starfsári.
Fyrirtækið var stofnað 1. september
árið 1996 og þá voru starfsmenn þess
5 talsins en eru nú um 60. Félagið
sérhæfir sig í veitingaþjónstu við
fyrirtæki og hópa, rekur kaffi teríur
og mötuneyti svo eitthvað sé nefnt.
Allt að 2.000 manns fá hádegisverð
hjá fyrirtækinu daglega og magnið
sem höndlað er með er gríðarlegt, um
250 kíló af fiski þarf fyrir svo stóran
hóp og allt að 350 kíló af kjöti.
Starfsemin vatt upp á sig
Valmundur var á sínum tíma kokkur
hjá Slippstöðinni en þegar þar fór að
halla undan fæti og fyrirtækið fór
í þrot og síðan endurnýjun lífdaga
var fyrirkomulaginu breytt; óskað
var eftir að hann sæi áfram um
matinn, en á eigin vegum. „Eftir
nokkra umhugsun ákvað ég að slá
til og úr varð að við stofnuðum
fyrirtækið Lostæti í kringum þetta,“
segir Valmundur, en með honum í
eldhúsinu störfuðu þá fjórar konur.
Auk þess að sjá starfsfólki Slippsins
fyrir staðgóðum hádegisverði var
matur sendur í bökkum til nokkurra
annarra fyrirtækja í bænum. Þar með
var grunnurinn lagður að því fyrirtæki
sem Lostæti nú er, stærsta fyrirtæki
á sínu sviði á landsbyggðinni
með starfsstöðvar á Akureyri og
Reyðarfirði.
Þau Ingibjörg og Valmundur segja
að starfsemin hafi í tímans rás smám
saman aukist. „Þetta vatt upp á sig og
eiginlega án þess að við værum mikið
að gera í því að markaðssetja okkur,
verkefnin hafa að stórum hluta komið
til okkar,“ segir Ingibjörg. Þannig
tók félagið við rekstri kaffistofu
Háskólans á Akureyri um mitt ár
2000, það heitir nú Kaffi Hóll, og árið
2005 bættist kaffitería og mötuneyti
Verkmenntaskólans á Akureyri við.
Haldið í víking austur á land
Stóra stökkið var í júlí árið 2007, en
þá tók Lostæti við rekstri mötuneytis
Alcoa – Fjarðaráls á Reyðarfirði.
Félagið hefur síðan þá séð um rekstur
og umsjón með mötuneyti sem og
veitingaþjónustu fyrir Alcoa.
„Okkur var ásamt fleiri
fyrirtækjum boðið að taka þátt í útboði
á þessu verkefni og fórum austur til
að skoða aðstæður og kynna okkur
málið. Á leiðinni ræddum við um að
þetta væri nú bara kjaftæði, ekkert
vit í að fara með starfsemina svona
langt austur á firði,“ segir Valmundur.
Forsvarsmenn Alcoa voru á öðru máli
og sýndu því strax mikinn áhuga að
Lostæti tæki verkefnið að sér, en
áður höfðu þeir gert heilmikla úttekt
á fyrirtækinu sem og öðrum þeim sem
til greina komu. „Þeir skoðuðu okkar
rekstur ofan í kjölinn og niðurstaðan
var sú að þetta væri gamalgróið og
traust fyrirtæki, fyrir hendi væri mikil
reynsla og þekking á þessu sviði og
það varð úr að þeir völdu okkur úr
hópnum,“ segir Ingibjörg og bæði
kváðust þau afar stolt af því sú varð
niðurstaðan.
Við tók mikil vinna, en eldhúsið og
allt í kringum framleiðsluna var nýtt
og hannað frá upphafi í samráði við
fyrirtækið. „Þetta var mjög erfitt og
krefjandi verkefni,“ segir Valmundur
„en líka skemmtilegt og maður lærði
heilmikið af þessu ferli. Þetta var
góður skóli og mikil reynsla sem við
búum að um alla framtíð.“
Unnið er allan sólarhringinn
í álverinu og matur stendur
starfsfólkinu líka til boða á hvaða
tíma sólarhrings sem er. Allt að 800
manns koma í mat yfir sólarhringinn
og því þarf alltaf að vera á vaktinni
í eldhúsinu. Matur er borinn fram á
hlaðborði og er úrvalið fjölbreytt, allir
fá eitthvað við sitt hæfi.
Brauð og ávextir
Starfsemin fyrir austan er nú komin
í fastar skorður og gengur vel.
Valmundur fer reglulega austur og
starfar í mötuneytinu nokkrar vikur
í senn og líkar vel. Þau létu ekki
staðar numið fyrir austan, því í
fyrrahaust keyptu þau hús í miðbæ
Reyðarfjarðar, byggðu við það og
opnuðu handverksbakarí, Sesam
brauðhús, þar sem framleitt er
úrvalsbrauð og ilmandi kökur.
Þá má geta þess að árið 2009
stofnuðu þau Ávaxtaland, en
félagið býður áskriftarþjónustu á
ávaxtasendingum í fyrirtæki. Þetta
var m.a. gert til að auka fjölbreytni
í starfseminni, en þjónustan sem
í boði er, ferskir ávextir í körfum,
bökkum eða boxum fyrir hópa af
öllum stærðum, hefur mælst sérlega
vel fyrir á Akureyri. Einkum eru það
starfsmenn fyrirtækja og stofnana sem
nýta þjónustuna og ávaxtabakkar eru
einnig vinsælir þegar halda á fundi,
ráðstefnur eða móttökur.
Starfsemin stokkuð upp
Árið 2010 var starfsemi fyrirtækisins
stokkuð upp og stofnað var eitt
móðurfélag, Lostæti ehf., auk þriggja
Ingibjörg Ringsted og Valmundur Pétur Árnason eiga og reka veitingaþjónustuna Lostæti:
Framreiða hádegismat fyrir allt
að 2.000 manns á hverjum degi
– reka umfangsmikla starfsemi á Norður- og Austurlandi
„Við höfum verið gæfusöm í okkar rekstri, aldrei reist okkur hurðarás um öxl en starfsemin hefur vaxið og dafnað og farið hægt og sígandi upp á við,“
segja þau Valmundur Pétur Árnason og Ingibjörg Ringsted, eigendur Lostætis. Mynd / MÞÞ
Lostæti framreiðir mat fyrir allt að 2.000 manns á dag og í því liggur í augum uppi að gríðarmikið magn þarf til
að metta svo marga munna. Þessi mynd er úr mötuneyti álvers Alcoa-Fjarðaráls, en þar borða að jafnaði um 800
manns á sólarhring.
Í fyrrahaust keyptu þau Ingibjörg og Valmundur gamalt hús í miðbæ Reyðarfjarðar, gerðu það upp, byggðu við og
opnuðu þar bakarí og kaf hús. Eins fer þar fram stórframleiðsla á brauðum.