Bændablaðið - 28.11.2013, Page 1
23. tölublað 2013 l Fimmtudagur 28. nóvember l Blað nr. 408 l 19. árg. l Upplag 31.000
Á þessari öld hefur aldrei selst
annað eins magn af kindakjöti
í einum mánuði og í október
síðastliðnum. Þá seldust 1.210
tonn og nemur aukningin 8,7%
frá sama tíma í fyrra þegar salan
nam 1.113 tonnum.
Þá var salan 17,4 prósentum meiri
frá byrjun ágúst til loka október 2013
en á sama tíma bili 2012. Ef miðað
er við 12 mánaða tímabil frá byrjun
nóvember 2012 til októberloka 2013
hefur kindakjöstsalan aukist um 5,1
prósent miðað við tólf mánuðina þar
á undan samkvæmt tölum Lands
samtaka sláturleyfishafa.
Þegar skoðuð er 12 mánaða
markaðs hlutdeildin á kjöti í hinum
ýmsu greinum landbúnaðarins var
alifuglakjöt í 1. sæti með 31,4%,
kindakjöt í 2. sæti með 27,1%,
svínakjöt í þriðja með 22,4%,
síðan nautakjöt með 16,5% og loks
hrossakjöt 2,6% markaðshlutdeild.
Kjötsala í heild jókst um 2,9%
á tímabilinu. Allar framangreindar
tölur miðast eingöngu við íslenskt
kjöt sem afurðastöðvar seldu í heild
sölu á innanlandsmarkað. Innflutt
kjöt er ekki talið með.
Heildarafsetning fyrstu 10 mánuði
ársins er 8.349 tonn, sem er 9% meira
en á sama tímabili í fyrra og er mesta
10 mánaða sala það sem af er öldinni.
Útflutningur á íslensku kjöti nam
855 tonnum í október, samanborið við
568 tonn í október 2012. Framleidd
voru 5.344 tonn, enda er október
síðari mánuður sláturtíðar, en alls
höfðu þá verið framleidd 9.644 tonn
það sem af er ári. Eigi að síður er útlit
fyrir örlítið minni framleiðslu í ár en
í fyrra. Meginskýring þess er lakara
árferði víða um land og að lömb eru
því léttari. /fr/HKr.
– Sjá nánar um kjötframleiðslu og
innflutning á bls. 2
Ekkert lát virðist vera á vinsældum íslenska kindakjötsins:
Í október náðist mesta sala
aldarinnar í einum mánuði
– Eigi að síður er búist við að heildarframleiðslan á kindakjöti dragist örlítið saman á þessu ári vegna lakara árferðis
Vignir Þorsteinsson í Stjörnublikki var í óða önn að rafsjóða forláta ramma, líklega fyrir einhvern í sveitinni, þegar þessi mynd var tekin. Segja vinnufélagarnir að honum falli aldrei verk úr hendi,
enda sé hann bóndasonur að austan. Hann gaf sér samt örfáar sekúndur til að ræða við ljósmyndarann. Sagði hann að bíða þyrfti mjög lengi ef ætlunin væri að ná af honum mynd við að vinna.
Hjá honum er tíminn því greinilega afstæður því um leið og hann sleppti orðinu var hann búinn að skella rafsuðuhjálminum fyrir andlitið og byrjaður að sjóða. Mynd / HKr.
– Sjá nánar umfjöllun um Stjörnublikk og búskap eigendanna á Fornusöndum á bls. 24-26
Úr sláturhúsi Sláturfélags Austur-Húnvetninga á Blönduósi. Mynd / HKr.
18
Lærði að prjóna sem barn
og prjónar nú lopapeysur
af mikilli list
Konur elska
þessa hesta
32-35 38
Hægt að reka
hugbúnaðarfyrirtæki
hvar sem er