Bændablaðið - 28.11.2013, Blaðsíða 31

31Bændablaðið | Fimmtudagur 28. nóvember 2013
- í allar sortir -
23 A
uglýsingastofa
Menntaskólinn á Ísafirði
Húsasmíðanám með vinnu – lokaönn 2014
Á vorönn mun nám á lokaönn í húsasmíði verða í boði við
skólann ef næg þátttaka fæst. Kennslan mun fara fram um
helgar og í fjarnámi. Eftirfarandi áfangar verða kenndir:
ÁGS102, HÚB102, SVH102 og TEH303 sem eru fagbóklegir
áfangar og TRS102, TST101 og LHÚ104 sem eru verklegir
áfangar. Sveinspróf verður í maí og útskrift þann 24. maí.
Námið er lánshæft hjá LÍN.
Nánari upplýsingar um skipulag námsins má finna á misa.is.
Við skólann er heimavist með 20 nýuppgerðum herbergjum
með sturtu og snyrtingu. Nokkur herbergjanna henta vel
fyrir pör. Við skólann er mjög gott mötuneyti sem er vel nýtt
af nemendum og starfsmönnum skólans. Skráning fer fram
í gegnum menntagátt eða heimasíðu skólans.
og 2008. Það hefur orðið aukning
öll árin nema árið 2009 en þá fór
stuðningur eilítið niður á við,“ segir
Ragnar.
Algengast er að foreldrar sem einu
sinni hafa tekið að sér barn styðji það
á meðan það býr í barnaþorpinu og
jafnvel lengur. Það er þó ekki alveg
einhlítt að sögn Ragnars.
„Auðvitað getur fólk lent í
áföllum, veikindum eða atvinnumissi
til að mynda. Þá hafa sumir gripið
til þess ráðs að segja upp stuðningi
við barnið. Oftast er það gert með
miklum trega og af illri nauðsyn. Við
spyrjum ekki um ástæður þegar fólk
ákveður að hætta stuðningi. Þegar við
hins vegar tökum að okkur barn er
það komið undir okkar verndarvæng
og fer ekki frá okkur fyrr en það er
fullorðið eða því bjóðast aðrar betri
aðstæður. Svo eru dæmi um að
þegar staða fólks hefur lagast hefur
það aftur tekið til við að styðja sama
barn.“
Einnig hægt að styðja barnaþorp
Að gerast styrktarforeldri barns
kostar 3.750 krónur á mánuði, eða
123 krónur á dag. Slík upphæð
dugir þó ekki til og standa því fleiri
en einir styrktarforeldrar að baki
hverju barni. Þó er aðeins ein íslensk
styrktarfjölskylda að baki hverju
barni.
„Mörg þessara barna þurfa á
miklum stuðningi að halda, sér í
lagi fyrsta kastið. Þau eru að koma
úr aðstæðum sem krefjast kannski
áfallahjálpar eða sálfræðiaðstoðar.
Þau geta hafa horft upp á heimilis-
ofbeldi eða verið fórnarlömb
stríðsátaka. Við þurfum því að
græða sárin og sjá til þess að börnin
komist yfir þessi áföll. Kostnaðurinn
getur því verið mun meiri, en við
fjár mögnum það með öðrum fram-
lögum,“ segir Sunna. Einnig er hægt
að gerast barnaþorps vinur, en þá
styður fólk ákveðið barnaþorp með
mánaðarlegu framlagi að upphæð
3.250 krónur.
Rekstur samtakanna hér á
landi er alfarið fjármagnaður með
framlögum og stuðningi. Stuðningur
styrktarforeldra fer eingöngu í
að styðja við fósturbarn þeirra í
barnaþorpunum. Styrktar foreldrum
er sömu leiðis frjálst að skrifa
börnunum, senda þeim gjafir og
styðja þau frekar.
Hamfarir og hátíðir ýta við fólki
Þau Sunna og Ragnar játa því að
þegar fréttir berist af hamförum
erlendis aukist vitund fólks varðandi
hjálparstarf.
„Til dæmis núna eftir að fellibylur
gekk yfir Filippseyjar höfum við
orðið vör við mikinn stuðning. Fólk
hefur haft samband við okkur og stutt
við uppbyggingarstarfið þar. Fyrir
fellibylinn vantaði fjölda barna á
Filippseyjum styrktarforeldra. Nú
hafa nálega öll börn þar fengið
styrktarforeldra. Svona atburðir hafa
mikil áhrif á fólk. Við verðum líka
mikið vör við áhuga og aukningu í
kringum hátíðir eins og jól.“ /fr
SOS barnaþorpin
SOS barnaþorpin hafa starfsemi
í 133 löndum eða landsvæðum.
Samtökin reka 545 barnaþorp
víðs vegar um heiminn.
Um 80.000 börn og ungmenni
búa í þorpunum.
Yfir ein og hálf milljón manns
njóta stuðnings samtakanna.

Á Íslandi eru um 6.000
styrktarforeldrar barna í SOS
barna þorpunum.
Það kostar 3.750 krónur á
mánuði að gerast styrktarforeldri
barns.
Það jafngildir 123 krónum á dag.
Ung stúlka í SOS barnaþorpi á leið í skólann.