Bændablaðið - 28.11.2013, Page 6

Bændablaðið | Fimmtudagur 28. nóvember 20136
Málgagn bænda og landsbyggðar
Bændablaðið kemur út hálfsmánaðarlega. Því er dreift til allra bænda landsins og fjöl margra annarra er tengjast land búnaði.
Bændablaðinu er dreift ókeypis til þeirra er stunda búskap en þéttbýlisbúar geta gerst áskrifendur að blaðinu.
Árgangurinn kostar kr. 6.900 en sjötugir og eldri og lífeyrisþegar greiða kr. 3.450.
Bændablaðið er í eigu Bændasamtaka Íslands.
Bændablaðið, Bændahöll við Hagatorg, 107 Reykjavík. Sími: 563 0300– Fax: 562 3058 – Kt: 631294-2279
Ritstjóri: Hörður Kristjánsson (ábm.) hk@bondi.is – Sími: 563 0339 – Rekstur og markaðsmál: Tjörvi Bjarnason tjorvi@bondi.is
Blaðamenn: Margrét Þ. Þórsdóttir mth@bondi.is – Freyr Rögnvaldsson fr@bondi.is – Sigurður M. Harðarson smh@bondi.is
Auglýsingastjóri: Erla H. Gunnarsdóttir ehg@bondi.is – Sími: 563 0303 – Myndvinnsla og frágangur: Prentsnið.
Netfang blaðsins (fréttir og annað efni) er bbl@bondi.is Netfang auglýsinga er augl@bondi.is Vefsíða blaðsins er www.bbl.is
Prentun: Landsprent ehf. – Upplag: sjá forsíðu – Landsprent og Íslandspóstur annast dreifingu blaðsins. ISSN 1025-5621
LEIÐARINN
Að byggja upp jákvæða ímynd
fyrir framleiðslu góðra matvæla
og þjónustu er þrotlaus vinna sem
aldrei tekur enda. Illa ígrunduð
gróðasjónarmið geta líka hæglega
eyðilagt áralangt uppbyggingar-
starf á örskots stundu.
Á undanförnum árum hefur verið
unnið margvisst að því í íslenskum
landbúnaði að bæta rekstur og
auka vörugæði og sjálfbærni
greinarinnar. Þar hefur verið lögð
mikil áhersla á hreinleika íslenskra
landbúnaðarafurða, ekki síst með tilliti
til minni lyfja- og aukaefnanotkunar
en þekkist í flestum ef ekki öllum
löndum sem við miðum okkur við.
Málið lýtur líka að umræðunni um
nauðsyn tollverndar, sem harðlega
hefur verið gagnrýnd. Um þetta hafa
verið haldnar ráðstefnur og merkar
ræður vísindamanna og fagfólks í
greininni og ritaður fjöldi greina, m.a.
í Bændablaðið.
Hluti af umræðunni snýst um
heilsu þjóðarinnar og heilbrigði þeirrar
matvöru sem hér er á boðstólum.
Hafa sérfræðingar í dýrasjúkdómum
og faraldursfræðum ásamt læknum
á Landspítalanum rætt þar um þær
hættur sem stafað geti af innfluttum
matvælum og fært fyrir því haldbær
rök.
Á síðum þessa blaðs hefur m.a.
verið ítarlega fjallað um alifuglarækt
þar sem gríðarlegur árangur hefur
náðst í ræktun án fúkkalyfja, sem er
viðvarandi vandamál í öðrum löndum.
Árangur íslenskra kjúklingabænda og
afurðastöðva hefur vakið athygli víða
um heim. Því hefur verið afar dapurlegt
að fylgjast með fréttum að undanförnu
um að innflytjendur á kjúklingum
hafi verið að blekkja neytendur með
því að fela innflutta kjúklinga undir
íslenskum vörumerkjum. Þetta er
jafnvel enn sárara þegar haft er í huga
að afurðafyrirtækin eru að hluta í eigu
bændanna sjálfra.
Alifuglageirinn er ekkert einsdæmi
hvað þetta varðar. Við innflutning
á grænmeti hafa fyrirtæki beitt
svipuðum blekkingarleik við að klæða
klórþvegið útlent grænmeti í íslenskar
umbúðir. Einnig er alveg ljóst að ekki
fer allur innflutningur á svína- og
nautakjöti í söluborð verslana með
erlendum upprunamerkingum. Það
kjöt fer ekki síður í kjötvinnslur og á
veitingahús þar sem neytandinn hefur
enga möguleika á að átta sig á uppruna
afurðanna.
Svona vinnubrögð eru kjafts-
högg fyrir þá sem af heilindum hafa
unnið að upp byggingu ímyndar
ís lenskra landbúnaðaravara. Því ber
að fagna yfir lýsingum afurðastöðva
í kjúklinga framleiðslu um að þessum
blekkingarleik verði hætt. /HKr.
Kjaftshögg
Mánudaginn 25. nóvember var
haldin ráðstefna í Mánagarði í
Hornafirði og bar hún yfirskrift-
ina Hagsmunamál í dreifbýli.
Ráðstefnan var haldin á vegum
Sveitarfélagsins Hornafjarðar
og Búnaðarsambands Austur-
Skaftfellinga, en þetta er í fyrsta
sinn sem þessir aðilar halda
sameiginlega búnaðarstefnu. Um
50 manns mættu og boðið var upp
á kjötsúpu í hádeginu og dýrindis
kaffiveitingar og sá kvenfélagið
Vaka í Nesjum um það. Þótti
ráðstefnan takast einstaklega vel.
Á ráðstefnunni voru tíu
fyrirlesarar er fjölluðu um hin
ýmsu hagsmunamál er tengjast
dreifbýlinu á einn eða annan hátt.
Í tilefni af ráðstefnunni undirrituðu
Ásgerður Gylfadóttir, bæjarstjóri
Sveitarfélagsins Hornafjarðar,
og Eiríkur Egilsson, formaður
Búnaðarsambands Austur-
Skaftfellinga, sameiginlega
búnaðarstefnu fyrir sveitarfélagið,
sem bæjarstjórn Hornafjarðar og
Búnaðarsambandið hafa unnið
að síðustu mánuði. Aðalmarkmið
búnaðarstefnunnar er að efla
atvinnulíf og bæta búsetuskilyrði
í dreifbýlinu og er hún í raun hluti
af atvinnustefnu sveitarfélagsins.
Sigurður Ingi Jóhannsson, ráðherra
umhverfis- og auðlindamála,
setti ráðstefnuna og fór yfir ný
verkefni ríkisstjórnar í málefnum
dreifbýlis. Sigurður fagnaði gerð
búnaðarstefnu Sveitarfélagsins
og Búnaðarsambandsins og taldi
að þetta myndi sameina krafta
dreifbýlis og þéttbýlis.
/GÞM
Sveitarfélagið Hornafjörður og Búnaðarsamband Austur–Skaftfellinga:
Hagsmunamál í dreifbýli – vel heppnuð sameiginleg ráðstefna
LOKAORÐIN
Vel var mætt á sameiginlega ráðstefnu sveitarfélagsins Hornafjarðar og Búnaðarsambands Austur-Skaftfellinga. Mynd / GÞM
Hvað finnst þér?
Síðustu vikur hafa staðið yfir bændafundir á vegum Bændasamtakanna
um allt land. Slíkir fundir eru nauðsynlegir til að miðla til bænda helstu
upplýsingum úr starfi samtakanna. Það er ekki síður mikilvægt fyrir
forystumenn BÍ að heyra viðhorf félagsmanna og hvað brennur helst á
bændum. Í leiðara blaðsins er gjarnan tæpt á þeim málefnum sem eru í
umræðunni hverju sinni og tengjast okkar atvinnugrein.
Nú gefst lesendum blaðsins tækifæri til að koma sínum hugðarefnum á framfæri
og skrifa sinn eigin leiðara. Ef lesendur eru tilbúnir að deila því sem þeim liggur á
hjarta og koma sjónarmiðum sínum á framfæri við Bændasamtökin er tilvalið að
senda leiðarann fyrir 5. desember, annaðhvort með tölvupósti á netfangið bbl@
bondi.is eða með pósti á Bændasamtök Íslands, Bændahöllinni við Hagatorg, 107
Reykjavík, merkt „Leiðari“. Aðsendir leiðarar verða ekki birtir í Bændablaðinu
heldur einungis notaðir sem hvatning og lagðir í hugmyndabankann í innra starfi
samtakanna.
Dregið verður úr öllum innsendum leiðurum og mun einn heppinn lesandi
vinna gistingu fyrir tvo á Hótel Sögu og þrírétta kvöldverð á Grillinu. /SSS