Bændablaðið - 28.11.2013, Page 7
Bændablaðið | Fimmtudagur 28. nóvember 2013 7
Bændasamtökin buðu bændum í
heimsókn í Bændahöllina föstu-
daginn 15. nóvember síðast liðinn
til þess að kynna sér starf semina
og gera sér glaðan dag í leiðinni.
Leikurinn verður endurtekinn á
föstudaginn kemur þegar bændum
gefst kostur á að koma á skrifstofur
BÍ frá kl. 14.00 til 17.00. Sindri
Sigurgeirsson, formaður BÍ, hélt
tölu þar sem hann bauð fólk
velkomið og hafði á orði að það
væri mikilvægt að treysta böndin
á milli starfsfólks samtakanna og
bænda.
Í kjölfarið fór Sindri yfir þau mál
sem voru efst á baugi og því næst
hélt hópurinn í stutta kynnisferð
um húsið. Jón Baldur Lorange,
sviðsstjóri tölvudeildar BÍ, fór
yfir það helsta í hugbúnaðargerð
samtakanna og Ólafur K. Ólafs
hjá Lífeyrissjóði bænda gaf allar
upplýsingar um stöðu lífeyrismála.
Bændurnir fræddust um það hvernig
Bændablaðið verður til og Erna
Bjarnadóttir fór yfir þau fjölbreyttu
verkefni sem samtökin sinna þegar
kemur að því að gæta hagsmuna
bænda.
Aukum lífsgæðin
Kristin Linda Jónsdóttir
sálfræðingur hélt erindi
niðri í fyrirlestrarsal
Hótels Sögu þar sem hún
fór yfir það hvernig hægt
er að halda starfsánægj-
unni lifandi og fjallaði um
jafnvægi á milli vinnu og
fjölskyldulífs. Greinilegt
var að fyrirlestur Kristínar
Lindu vakti fólk til
umhugsunar um það hvað gefur líf-
inu gildi.
Slegið á létta
strengi
Eftir tveggja
tíma dag-
skrá var
slegið á létt-
ari strengi þegar Hótel Saga og
Bændasamtökin buðu gestum upp á
léttar veitingar á skrifstofum sam-
takanna á 3. hæð. Þar birtist svo
enginn annar en Raggi Bjarna ásamt
harmonikkuleikaranum þjóðkunna
Þorgeiri Ástvaldssyni. Saman tóku
þeir fjölda laga og ætlaði allt um
koll að keyra þegar húsfreyjan í
Belgsholti, Sigrún Sólmundardóttir,
tók lagið með þeim félögum.
Um að gera að drífa sig í
borgina!
Í tengslum við Bændadaga í
borginni bauð Hótel Saga bændum
upp á hagstæð kjör á gistingu og
veitingum.
Enn eru nokkur herbergi laus
fyrir næstu helgi en þeir bændur
sem hyggjast drífa sig í bæinn ættu
að hringja strax og panta í síma 525-
9921. Þá býður Borgarleikhúsið upp
á góðan afslátt á leiksýninguna Mýs
og menn fyrir áhugasama.
Tilboð á bondi.is
Nánari upplýsingar um Bændadaga
í borginni og tilboð til bænda er
að finna á vef Bændasamtakanna,
www.bondi.is /TB
ftir orðkynngi Sigur-
bjarnar frá Fótaskinni í
síðasta vísnadálki verður
nú mælt á mýkri tungu.
Úr bréfkorni frá Ástu
Sverrisdóttur í Ytri-Ásum í
Skaftártungum eru næstu vísur
teknar. Tvær þær fyrstu eru eftir
Orm Ólafsson frá Kaldrananesi
í Mýrdal:
Vakan hljóða átti óð,
æskurjóðar kinnar.
Stakan góða, lista ljóð,
lífæð þjóðar minnar.
Oft er góður óður sendur,
yljar blóði manns.
Um kjarnagróðurs ljóðalendur
liggur slóðin hans.
Um höfund næstu vísu er ekki vitað
með vissu utan það að ábyggilega
er hún vestur-skaftfellsk. Gleðiefni
væri ef lesendur kynnu henni
höfund:
Unir hljóð við ís og glóð,
elskar ljóðin fögur.
Okkar þjóð á engan sjóð
á við góðar stökur.
Eftir Erling Filippusson er þessi
vísa ort uppá gagaraljóð. Sá
rímnaháttur var mikið notaður í
rímnakveðskap og kom fyrst fram
á 16. öld:
Ef að færi um það sáld,
eigin heim hver byggir sér.
Erum við ekki allir skáld,
uppá sína vísu hver.
Síðasta vísan úr bréfi Ástu er svo
eftir Kristján á Skálá:
Loftið í vestrinu litast sem blóð
af lækkandi röðulsins eldi.
Svo hverfur í djúpið hin deyjandi glóð
og dagur er orðinn að kveldi.
Frá Ingólfi Ómari Ármannssyni
eru næstu tvær vísur komnar, báðar
með nokkrum kuldablæ, en hring-
hentar þó og oddhent sú síðari:
Hreytist mjöll um hlíð og völl,
hylur fjöllin bláu.
Veðrasköllin vekja öll
vetrartröllin gráu.
Fönnin prýðir fjöllin blá,
Frónið víða klæðir.
Vetrarhríðin grimm og grá
geysi stríð þá næðir.
Að endingu koma nokkrar vísur
frá Iðnþingi ársins 1965. Þar var
ort þéttingsmikið, enda margir
þingfulltrúar hagmæltir vel.
Guðmundur H. Guðmundsson
sendi Bjarna úrsmið:
Bjarni Jónsson, bragsnilld þín
ber af öðrum störfum.
Öll þín ljóð og allt þitt grín
okkar nægir þörfum.
Bjarni svarar Guðmundi H.:
Þína vísu þakka má,
þessu hólið veldur.
Þú ert ekki alveg H-
alvarlegur heldur.
Guðmundur H. kveður til Jökuls
Péturssonar:
Hvar er Jökull, hvar eru allir
okkar tindar?
upphaf bestu ljóðalindar,
leika um salinn norðanvindar.
Jökull svarar Guðmundi:
Ef að jöklar allir hverfa,
er á höndum nokkur vandi.
Norðanvindar svalir sverfa
svipmótið af voru landi.
Umsjón:
Árni Geirhjörtur Jónsson
kotabyggd1@gmail.com
Líf og starf
MÆLT AF
MUNNI FRAM
E
Bændadagar í borginni
„Kenndu mér að kyssa rétt og hvernig á að faðma nett…“ sungu Ragnar Bjarnason og Sigrún Sólmundardóttir undir þéttum harmonikkutónum Þorgeirs
Ástvaldssonar á skrifstofum Bændasamtakanna. Tilefnið var opið hús hjá Bændasamtökunum þar sem bændur kynntu sér starfsemina. Myndir / HKr.
Bændur fengu leiðsögn um húsið, en hér eru þeir inni hjá Lífeyrissjóði bænda sem er með aðsetur í Bændahöllinni.
Sindri Sigurgeirsson, formaður BÍ, hélt erindi um það sem er efst á baugi hjá samtökunum.
Erna Bjarnadóttir
á efri myndinni
og Jón Baldur
Lorange til
hliðar segja
bændum frá
hug búnaðar gerð
BÍ og hagsmuna-
baráttunni.