Bændablaðið - 28.11.2013, Qupperneq 12
Bændablaðið | Fimmtudagur 28. nóvember 201312
Fréttir
30 ára afmælishátíð límtrés-
verksmiðjunnar á Flúðum
Þrjátíu ár eru nú frá því að
framleiðsla á límtré hófst
á Flúðum og af því tilefni
bauð Límtré Vírnet til
afmælisfagnaðar á Flúðum
laugardaginn 16. nóvember í
verksmiðju fyrirtækisins. Hægt
var að fræðast um starfsemina og
njóta veitinga og skemmtiatriða
auk þess sem iðnaðar- og
viðskiptaráðherra, Ragnheiður
Elín Árnadóttir, flutti ávarp, svo
eitthvað sé nefnt.
Guðmundur Magnússon
Framleiðslu límtrés hér á landi má
rekja til frumkvöðla, með Guðmund
Magnússon trésmið á Flúðum í
broddi fylkingar, sem brugðust við
bagalegu atvinnuástandi. Hinn 18.
júní 1983 hófst svo framleiðsla á
límtré í nýrri verksmiðju sem reist
var í Torfdal á Flúðum, eftir að tæki
og tól voru keypt frá Danmörku.
Fyrsta verk límtrésverksmiðjunnar
á Flúðum var framleiðsla á skeifu
sem var gjöf frá fyrirtækinu til
hestamanna í uppsveitum og var
sú skeifa reist við Murneyri.
Þrjár verksmiðjur
Sem dæmi um límtrésbyggingar
má nefna Kringluna, Flugstöð Leifs
Eiríkssonar, Ráðhúsið í Reykjavík,
Borgarleikhúsið, Íþróttahúsið
á Höfn í Hornafirði, Báruna og
reiðhallirnar á Kjóavöllum og
Lækjarmótum í Víðidal, sem nú
eru í byggingu.
Límtré Vírnet rekur þrjár
verksmiðjur eða í Borgarnesi,
Reykholti og á Flúðum. Starfsmenn
fyrirtækis ins eru nú um 80
talsins og þar af starfa 10 við
límtrésverksmiðjuna á Flúðum.
Magnús Hlynur Hreiðarsson
tók meðfylgjandi myndir á
afmælishátíðinni. /MHH
Það er einmitt í dag sem við
lifum, ég og þú, núna er okkar
tækifæri! Spurningin er hvernig
gengur? Hvernig líður þér, á
þessari stundu, þessa vikuna,
mánuðinn eða árið? Einhvern
veginn er það svo að tíminn
líður hratt, hver dagur tekur
við af öðrum og við fljótum með
straumnum. Við mætum nýjum
degi að morgni og leitumst við
að gera okkar besta, en hvernig
gengur og hvernig líður okkur
sjálfum í raun og veru innst
inni?
Það er dagleg áskorun að taka
ábyrgð á sjálfum sér, sinni eigin
líðan, líkamlegri, félagslegri
og geðrænni heilsu, hamingju
og lífsstíl. Munum að það er jú
sannar lega okkar verkefni og engra
annarra að vera við stýrið í okkar
eigin lífi og stjórna því þannig
að okkur takist að vera farsælar
góðar manneskur sem njóta lífsins.
Höfum í huga að líf okkar og líðan
snýr ekki aðeins að okkur sjálfum
heldur höfum við áhrif á alla þá
sem deila dögunum með okkur.
Líðan er smitandi, hvort sem hún
er góð eða slæm þannig að þegar
þér líður vel líður þeim sem þú
nýtur daganna með betur, bæði
fjölskyldu þinni og öllum öðrum
sem þú mætir í hversdeginum.
Til að ná því að stýra eigin lífi
eins vel og okkur er unnt getur
verið snjallt að staldra við, einmitt
núna, og velta því fyrir sér af alvöru
hvernig staðan er. Gera heiðarlegt
og skýrt mat á eigin lífi og líðan. Í
hugrænni atferlismeðferð, sem er
ein af árangursríkustu og þekktustu
sálfræðimeðferðum nútímans,
er svo nefnd virknitafla eitt af
verkfærunum sem grípa má til. Sé
það gert er ánægja einstaklingsins
og færni skráð klukkustund eftir
klukkustund. Þannig er unnið
stöðumat til að byggja á leiðina
til betra lífs.
Stöðumat gefur, eins og orðið
endurspeglar, upplýsingar um
stöðuna, hvort sem það er gert á
lífi einstaklings, stöðu fyrirtækis
eða starfsgreinar svo dæmi séu
tekin. Bændur kunna vel að taka
stöðuna, til dæmis þegar þeir eru
að meta eigin heyfeng og tún til að
byggja á áburðaráætlanir og kaup.
Já, einmitt, stöðumat er grunnurinn
til að byggja á frekari ákvarðanir,
stefnu og viðfangsefni.
Núna er upplagt fyrir þig að
byrja að vinna stöðumat fyrir
sjálfan þig. Það er þægilegt að
nota dagbókarform eða stundaskrá
og svo er bara að skrá niður
klukkustund eftir klukkustund
hvað þú ert að gera, hvað þú ert
ánægður með og hve fær þú er í
því sem þú ert að fást við hvort
sem það er að horfa á sjónvarpið,
mjólka, rýja eða tala við bankann.
Skráðu tölu á bilinu 0-10 fyrir
hverja klukkustund fyrir báða
þættina, ánægju og færni. Notaðu
tölurnar og vertu heiðarlegur við
sjálfan þig, ekki skrifa bara aftur
og aftur sjö eða átta.
Þegar vikunni er lokið, skoðaðu
þá líf þitt svart á hvítu. Hvenær
gafstu þér háar tölur fyrir færni,
var það að morgni, síðdegis
eða um miðjan dag eða var það
þegar þú varst að vinna ákveðin
störf? Hvar varstu þegar ánægjan
var mest, varstu einn eða með
hverjum varstu, hvað varstu að
gera? Já, einmitt, skoðaðu líka
vel hvernig vikan þín lítur út,
lífið þitt. Er það góð blanda af
svefni, hvíldarstundum, vinnu,
fjölskyldulífi og ánægjulegum
stundum og áhugamálum? Eru
bæði á dagskránni verkefni sem
þú vinnur með öðrum og einn?
Ánægjustundir sem þú átt með
sjálfum þér og með öðrum, eins
og til dæmis lestur og söngæfing
eða spil og spjall á næsta bæ?
Fæstu eingöngu við verkefni sem
eru vanabundin og einsleit eða
koma líka inn á dagskrána nýjar
áskoranir, félagsskapur eða staðir?
Það er engin ein teikning
rétt af farsælu heilsusamlegu og
hamingjuríku lífi enda erum við
hvert með sínu móti og eigum að
vera það. Samt er gott að hafa í
huga að einhæfni getur boðið
leiða heim. Við erum félagsverur
og þurfum á samskiptum að halda.
Ef vinnan yfirtekur of mikið af
dögunum okkar er næsta víst að
við erum að missa af tækifærum
til að njóta ánægjustunda.
Galdurinn er að þekkja sjálfan
sig og sína daga eins og þeir
eru í raun og veru. Nýta svo
upplýsingarnar til að breyta því
sem þarf að breyta og gleðjast yfir
því sem gott er og gera því hærra
undir höfði. Núna er þitt tækifæri!
Heimildir:
M. Yapko og J.S. Beck.
Listin að lifa – geðheilsa
Kristín Linda Jónsdóttir sálfræðingur
Stöðumat
Guðfaðir Límtrésverksmiðjunnar á Flúðum, Guðmundur Magnússon (t.h.), og Stefán Logi Haraldsson, framkvæmda-
stjóri Límtrés Vírnets, á 30 ára afmælishátíðinni. Myndir / MHH
Tveir góðir, Loftur Þorsteinsson (t.v.), fyrrverandi oddviti Hrunamannahrepps
með Svavari Sveinssyni, fyrrverandi bónda á Drumboddsstöðum í Biskups-
tungum.
Ásgeir á Kaldbak í Hrunamanna-
hreppi, nú búsettur á Flúðum, mætti
að sjálfsögðu í afmælisveisluna.
Óskynsamlegt að kasta
fjárfestingum fyrir róða
„Bæjarráð Fljótsdalshéraðs
lýsir yfir fullum stuðningi við
Seyðfirðinga og telur að ferjan
Norræna eigi áfram að sigla til
Seyðisfjarðar eins og verið hefur
um árabil,“ segir í ályktun sem
samþykkt var á fundi bæjarráðs
Fljótsdalshéraðs fyrr í þessum
mánuði.
Fram kemur í ályktun að bæjar-
ráð telji, með vísan til margítrekaðra
samþykkta SSA um samgöngumál og
samgönguöxlana þrjá á Austurlandi,
að full samstaða sé innan fjórðungs-
ins um að ferjuhöfn svæðisins hafi
verið og verði áfram á Seyðisfirði.
Bæjarráð hvetur til þess að
sveitarfélögin á Austurlandi gefi út
afdráttarlausar yfirlýsingar í þá veru
að þau muni standa saman um að
tryggja áframhaldandi siglingar ferju
til Íslands frá Evrópu, um Færeyjar
til Seyðisfjarðar.
Bæjarráð bendir á að á Seyðisfirði
hafi af hálfu ríkis og sveitarfélagsins
verið ráðist í umfangsmiklar
fjárfestingar til að taka á móti
slíkum ferjusiglingum og að mjög
óskynsamlegt sé að kasta þeim
fjárfestingum fyrir róða.
Af hálfu Fljótsdalshéraðs og
annarra sveitarfélaga á Austurlandi
hefur margítrekað verið bent á
nauðsyn þess að bæta samgöngur
við Seyðisfjörð til að nýta betur
þá möguleika sem þar er að finna
til atvinnusköpunar og samfélags-
þróunar Austurlandi öllu til góða.
Að mati bæjarráðs er nauð-
synlegt að ríkisvaldið úthluti nú
þegar auknu fjármagni til vetrar-
þjónustu á Fjarðarheiði, og þá með
vísan til sérstöðu vegarins sem
einu tengingar byggðarlagsins
við þjóðvegakerfið, og við einu
millilandaferju sem siglir hingað
til lands.
Til lengri tíma er nauðsynlegt að
ráðist verði í gerð jarðganga undir
Fjarðarheiði í beinu framhaldi af
gerð nýrra Norðfjarðarganga. Til
að svo geti orðið þarf að ráðstafa
fjármunum til rannsókna þegar á
næsta ári og bæjarráð beinir því til
fjárveitingarvaldsins að tryggja að
svo megi verða.“
/MÞÞ
Leikfélagið Skagaleikflokkurinn
sýnir um þessar mundir
Sagnakonuna – móður Snorra.
Þar er varpað fram spurningunni
hver var hún – sagnakonan Guðný
Böðvarsdóttir, móðir Snorra
Sturlusonar, lögsögumannsins,
sagnaritarans, höfðingjans.
Verða slíkir menn ekki líka fyrir
áhrifum af mæðrum sínum?
Óskar Guðmundsson,
sagnfræðingur og rithöfundur,
hefur skrifað um lífshlaup þessarar
merku konu fyrir Leikfélagið
Skagaleikflokkinn, Jakob S.
Jónsson leikstýrir og hefur ásamt
leikhópnum gert leikgerð fyrir
sýninguna. Fjórar leikkonur úr
hópi leikflokksins stíga hér á svið
– Guðbjörg Árnadóttir, Lilja Rut
Bjarnadóttir, Erla Gunnarsdóttir
og Þórdís Ingibjartsdóttir. Lýsing
er hönnuð af Ingþóri Bergmann
Þórhallssyni en leikmynd og
búningar eru í umsjá leikstjórans
og leikhópsins.
Lífshlaup Guðnýjar Böðvars-
dóttur frá Görðum á Akranesi er um
margar sakir merkilegt. Sagnakonan
er sýnd í Safnaskálanum að Görðum
á Akranesi. Miðasala er í síma 897
4125. Unnt er að panta veitingar í
tengslum við sýningu í Garðakaffi.
Fjórða sýning á verkinu er í kvöld,
28. nóvember, klukkan 20.00 og
síðan eru sýningar laugardaginn
30. nóvember og mánudaginn 2.
desember.
Skagaleikflokkurinn:
Sagnakonan – móðir Snorra