Bændablaðið - 28.11.2013, Page 29
29Bændablaðið | Fimmtudagur 28. nóvember 2013
neysluverðs hefur hækkað um rúm
22% á sama tímabili. Raunlækkun
milli áranna 2009 til 2013 sé því yfir
30%.
„Þessi niðurskurður bitnar hart
á atvinnulífi landsbyggðarinnar,
hann bitnar líka á allri uppbyggingu
þeirrar auðlindar sem skógar eru, en
áætlanir sem fyrir liggja gerðu ráð
fyrir að skógarnir gætu í fyllingu
tímans staðið undir öflugum
úrvinnsluiðnaði. Þegar er ljóst að ekki
verður hægt að hafa jafnt framboð
á timbri vegna þess að á þessum
árum eftir hrun hefur ekki verið
nægilega mikið um gróðursetningar.
Það mun setja úrvinnsluiðnaðinn í
vanda rétt eins og gróðrarstöðvarnar
sem voru búnar að byggja sig upp
í takt við loforð stjórnvalda um
fjármagn til landshlutaverkefnanna
í skógrækt, en ég get nefnt að margar
gróðrarstöðvar hafa á undanförnum
árum keypt sérhæfðan búnað og
aflað sér þekkingar og reynslu á
framleiðslu skógarplantna. Þessar
stöðvar berjast nú margar í bökkum,
eða hafa hætt starfsemi,“ segir
Jóhann Gísli.
Hagur alls samfélagsins
Í kjölfar niðurskurðar framlaga til
skógræktar hafa að sögn Jóhanns
Gísla tapast fjölmörg störf á
landsbyggðinni. Bendir hann á nýja
rannsókn sem sýni að ársverkum í
skógrækt hafi fækkað úr 98 árið
2007 niður í 67 árið 2010.
„Það er ekki bara hagur okkar
skógar bænda að framlög til skóg-
ræktar aukist á ný, heldur alls
samfélagsins,“ segir hann.
Skógrækt sé ung atvinnugrein
innan landbúnaðarins, hliðargreinar
hennar séu margar. Afurðir skóganna
komi í stað innfluttrar vöru, þannig
flytjist vinnan heim og gjaldeyrir
sparast.
„Við höfum líka bent á að
skógrækt gegni mikilvægu hlutverki
þegar kemur að fæðuöryggi
landsmanna, skógarnir eiga stórar
þátt í að bæta skilyrði til ræktunar
og búfjárhalds og í kjölfarið næst
betri árangur,“ segir Jóhann Gísli.
/MÞÞ
Jóhann Gísli Jóhannsson, nýr formaður Landssamtaka skógarbænda,
með eiginkonu sinni Ólöfu Ólafsdóttir á góðum degi í skóginum.
Í góðum hópi, talið frá vinstri: Hlynur, Pétur, Bjarki, Þorsteinn, Lóa og Jói.
Bjóðum í samvinnu við Fella frábært tilboðsverð á
heyvinnuvélum í lok 50 ára afmælis Fella á Íslandi.
Gerið verðsamanburð áður en verslað er.
Áramótatilboð á Fella heyvinnuvélum
Dalvegi 6-8
201 Kópavogur
Sími 535 3500
www.kraftvelar.is
kraftvelar@kraftvelar.is
Bændablaðið
Kemur næst út
12.
desember
Eiðahólmi er utantil í Eiðavatni,
við endann á Stórahaga.
Hólminn hefur verið skógi
vaxinn frá fornu fari og voru
það einu leifar Eiðaskógar hins
forna um 1940.
Þar eru nokkur myndarleg
tré af bergfuru, allt að 7 m að
hæð og 70 cm að þvermáli, sem
gróðursett voru á árunum 1910–
12, nokkur grenitré af svipuðum
aldri og hæð og eitt þintré. Auk
þess er reynir víða í skóginum en
ekki stórvaxinn, hluti hans líklega
plantaður. Gulvíðir, loðvíðir og
einir eru einnig áberandi og víða
er mikill blómgróður. Ýmsir
hafa skoðað gróður í hólmanum
og skráð plöntur, en alls hafa
fundist þar 75 tegundir háplantna.
Eiðahólmi er elsti „náttúrugarður“
á Austurlandi.
Um 1910 fór Ungmennafélagið
Þór í Eiðaþinghá að halda
samkomur í hólmanum og byggði
upp samkomustað í rjóðri vestan
á honum, með upphlöðnum
grasbekkjum og „ræðustól“.
Einnig var lagður stígur eftir
endilöngum hólmanum. Á árunum
1921–1935 hélt Eiðasambandið
þarna sumarsamkomur, sem
kallaðar voru Eiðamót. Stephan
G. Stephansson kom í hólmann
1917 og orti um hann langt kvæði,
Að Eiðum.
Má segja að Eiðahólmi hafi
orðið tákn þeirra hugsjóna
er ungmenna félögin og
Alþýðuskólinn stóðu fyrir á
öndverðri 20. öld og var í hugum
margra nánast heilagur staður.
Hólminn skertist mikið þegar
hækkað var í vatninu 1935 og fór
þá hluti af samkomustaðnum á kaf.
Einnig sukku nálægir smáhólmar
að mestu. Nú er vanalega róið
í hólmann úr Prestavík við
Kirkjumiðstöðina. Um 1910 voru
áætlanir um að lækka vatnsborð
Eiðavatns verulega til að auka
engjar á staðnum.
Eiðahólmi:
Elsti „náttúrugarður“
á Austurlandi
Hólminn hefur verið skógi vaxinn frá fornu fari og voru það einu leifar
Eiðaskógar hins forna um 1940.