Bændablaðið - 28.11.2013, Page 51

51Bændablaðið | Fimmtudagur 28. nóvember 2013
búinn radar sem fylgist með því
að áburðurinn dreifist rétt með því
að taka mynd af dreifikúrvunni á
hverjum tíma og bera saman við
þær upplýsingar sem ökumaður
vélarinnar hefur slegið inn í tölvuna
s.s. um kornastærð, breidd dreifi-
svæðis o.s.frv. Ef kúrvan víkur frá
þeim gildum sem gefin hafa verið upp
stillir tölvan einfaldlega dreifarann
sjálfvirkt svo áburðardreifingin verði
nákvæm lega eins og að var stefnt.
Ótal dráttarvélar
Það er óvinnandi vegur að greina
í smáatriðum frá þeim tugum
þúsunda af tækjum og tólum sem
voru til sýnis en sem dæmi um
stærð sýningarinnar má nefna að öll
helstu dráttarvélafyrirtæki heims
voru með einhverjar nýjungar á
sýningunni. Flest fyrirtækin eru
að feta sig upp í stærð vélanna og
buðu upp á dráttarvélar allt að 440
hestöfl að stærð. Þá bjóða nú orðið
allir dráttarvélaframleiðendur upp á
vélar sem uppfylla hinar ströngu Tier
4 mengunarkröfur sem er ætlað að
draga stórlega úr mengun dísilvéla.
Tölvur og takkar
Annað sammerkt með nýjungum á
sýningunni er að flestallar byggja
þær á notkun hugbúnaðar með
einum eða öðrum hætti. Margar
lausnir eru afar handhægar fyrir
nútíma búskap eins og færslutakkar
á John Deere en með því að þrýsta á
takka á bretti dráttarvélarinnar getur
maður fært hana örlítið bæði fram og
aftur. Þetta er nokkuð sem á vafalítið
eftir að koma sér vel fyrir marga
þegar verið er að tengja vélar aftan
í. Eða þá kostir þess að geta beygt
afturhjólunum einnig, líkt og margar
rútur gera núorðið. Þessi lausn er
í boði hjá austurríska dráttarvéla-
framleiðandanum Lindner í vél sinni
Lintrac 90.
Fræðslufundir og ráðstefnur
Samhliða sýningarhaldinu voru
haldnir margir áhugaverðir fræðslu-
fundir og raunar ráðstefnur þar sem
tekin voru fyrir mikilvæg málefni
landbúnaðarins og að þessu sinni
var lögð mikil áhersla á þau van-
nýttu tækifæri sem eru til staðar í þróunarlöndum heimsins. Þá var auk þess haldin ráðstefna um hátækni-
landbúnað en æ fleiri tæki og tól
í landbúnaði byggja á tölvutækni,
notkun GPS, myndavélatækni og
þar fram eftir götunum. Þróunin á
þessum búnaði er afar hröð og óvíst
að nokkur hafi í raun yfirsýn yfir alla
þá möguleika sem nútíma bændum
standa til boða og því var við hæfi að
bjóða upp á ráðstefnu á þessu sviði.
4 þúsund manna veisla!
Einn af hápunktum sýningarinnar
var stórveisla samtaka ungra bænda
en alls tóku fjögur þúsund manns
þátt í veislunni. Ekki spillti fyrir að
meðal skemmtiatriða voru bræðurnir
sem kenna sig við bú Péturs bónda
(The Peterson Farm Brothers) en
þeir eru þekktir í netheimum og
víðar fyrir að hafa útbúið myndbönd
og birt á YouTube við ýmis lög með
eigin gríntextum um landbúnaðar-
málefni.
Næst í nóvember 2015
Þó svo að þessi sýning sé að baki og
of seint að fara á hana er óhætt að
fara nú þegar að láta sig hlakka til
næstu Agritechnica-sýningarinnar,
sem verður haldin 10. til 14.
nóvember 2015. Vafalítið munu
mörg vélafyrirtæki hér á landi bjóða
aftur upp á ferðir á sýninguna, enda
má ætla að að tveimur árum liðnum
verði hún enn umfangsmeiri en sú
sem haldin var í ár.
Snorri Sigurðsson
sns@vfl.dk
Nautgriparæktardeild
Þekkingarseturs landbúnaðarins
í Danmörku
Dráttarvélahermir Claas fékk gullverðlaun.
Skotbómulyftari sem gengur fyrir bæði hráolíu og rafmagni fékk gullverðlaun
á sýningunni.
Radarstýrður áburðardreifari frá Rauch fékk gullverðlaun á sýningunni.
Norski þróunarsjóðurinn,
(Utviklingsfondet), hefur útnefnt
smábændur í þróunarlöndunum
sem „ofurhetjur“ samtímans.
Þessir bændur eru um hálfur
milljarður að tölu. Þeir framleiða
matvæli og berjast gegn fátækt
í heiminum. Þá leggja þeir sitt
af mörkum í baráttunni við
veðurfarsbreytingarnar sem nú
eiga sér stað á jörðinni.
Francisco Olivas í Níkaragva og
Fitsumbran Gdey í Eþíópu telja sig
sjálfsagt ekki neinar ofurhetjur en
okkur finnst þeir vera dæmigerðir
fulltrúar þeirra segir í umsögn Norska
þróunarsjóðsins, en greint var frá
þessu í Bondebladet 14. nóvember
síðastliðinn.
Veðurfarsráð Sameinuðu þjóðanna
varar við samdrætti í uppskeru víða
um heim vegna breytinga á veðurfari.
Smábændur í fátækum löndum
framleiða um þessar mundir stóran
hluta af matvælum þjóða sinna um
leið og þeir finna verulega fyrir
þeim veðurfarsbreytingum sem nú
eiga sér stað í umhverfi þeirra. Þeir
gegna mikilvægu hlutverki, bæði
í baráttunni við fátækt og við að
tryggja matvælaöflun.
Smábændur eru gjarnan opnir
fyrir sjálfbærum ræktunaraðferðum,
m.a. vegna þess að þeir hafa ekki
ráð á að kaupa vélar og verkfæri
né áburð eða jurtavarnarefni. Í
stað þess nota þeir ódýrar aðferðir
sem fara vel með akrana. Sjálfbær
landbúnaður verður ekki stundaður
nema með miklu vinnuframlagi og
kunnáttu, en hann getur þó skilað
góðum tekjum. Hann er einnig góð
vörn gegn veðurfarsbreytingum og
uppskerubresti.
Ofurhetjan Fitsumbran í Eþíópíu
ræktar grænmeti og ávexti á landi
sínu. Hún ræktar saman margar
tegundir en er líka með geitur
og kú og selur afurðir sínar á
þorpsmarkaðnum.
Hið sama gerir Francisco í
Níkaragva. Hann er félagsmaður í
samvinnufélagi og stundar vistvænan
landbúnað. Hann ræktar yfir 30
tegundir nytjajurta. Það kostar mikla
vinnu en skilar líka góðum árangri.
Alþjóðlegar álitsgerðir greina frá
því að landbúnaður sé hluti af lausn
veðurfarsvandamála á jörðinni. En til
að innleiða sjálfbæran landbúnað þarf
þekkingu, leiðbeinendur og sameinað
alþjóðlegt átak. Upplýsa verður
bændur um það hvaða tegundir
nytjajurta auðga jarðveginn af
köfnunarefni og hvaða jurtir útrýma
ekki öðrum tegundum.
Í Asíu hafa bændur lært að nota
endur eða fiska til að vinna gegn
illgresi og skordýrum í ökrunum.
Síðan er unnt að veiða fiskinn til
matar og úrgangurinn frá honum
nýtist sem áburður. Þessi búskapur
hefur aukið uppskeru um allt að 20%,
eiturefnanotkun hefur minnkað og
tekjur aukist um 80%.
Nærtækt er að halda því fram að
það sé smábóndinn sem á framtíðina.
Þýtt og endursagt / ME
Smábændur í þróunarlöndunum eru „ofurhetjur“
Frá Súdan. Mynd / FAO