Læknablaðið - 01.06.1967, Blaðsíða 63

LÆKNABLAÐIÐ
97
Bókaútgáfa. í tilefni 100 ára afmælis Guðmundar Hannessonar
prófessors gáfu L.í. og L.R. í sameiningu út ljósprentun
af Læknablaði Guðmundar. Voru gefin út 500 tölusett eintök. Sala bók-
arinnar gekk allvel í fyrstu, en upp úr jólum dró úr sölunni, þótt verði
væri stillt í hóf. Liggja félögin nú með allverulegar birgðir af bókinni,
en vonir standa til, að þær seljist smátt og smátt.
Saga Eins og fram kom í síðustu ársskýr.slu, hefur Páll
Læknafélags V. G. Kolka læknir unnið að því að safna gögnum
Reykjavíkur. um sögu fálagsins. Nokkur töf hcfur orðið á verkinu
sökum veikinda Páls, en hann ir.un bráðlega taka íil
starfa að nýju, þar sem frá var horfið.
Stjórn L.R. vill enn einu sinni minna þá félaga, sem eitthvað
kunna að eiga í fórum sinum af gögnum um sögu félagsins frá fyrri
árum, að gefa kost á þeim upplýsingum, er þar kann að vera að finna.
Dcmus Medica. Svo sem venja er til, mun Bjarni Bjarnason, for-
maður stjórnar Domus Medica, flytja skýrslu um
stofnunina á aðalfundi. Eins og áður er sagt, fluttu læknafélögin skrif-
stofur sínar í Domus Medica í vikunni eftir síðasta aðalfund. Á síðast-
liðnu hausti byrjuðu svo læknar þeir, sem húsnæði eiga 1 háhýsinu, að
flytja lækningastofur sínar þangað, og er húsið var vígt 3. desember sl.,
höíðu flestir læknanna flutt starfsemi sína í húsið. Segja má, að bygg-
ingu hússins hafi miðað mjög vel. Vill stjórn L.R. þakka öllum þeim, er
lagt hafa hönd á plóginn, og þá sérstaklega Bjarna Bjarnasyni lækni,
formanni stjórnar Domus Medica, stjórn Domus Medica, bygginga-
nefnd, en hana skipuðu Bjarni Bjarnason, Eggert Steinþórsson, Guð-
mundur Björnsson, Hannes Þórarinsson, Kjartan Magnússon, Stefán
Bogason og Þórarinn Guðnason; og framkvæmdastjóranum, Friðriki
Karlssyni, fyrir mjög vel unnin störf.
Samkvæmi. Að venju var jólatrésskemmtun L.R. og Lyfjafræð-
ingafálags íslands haldin að Hótel Borg 30. des. 1966.
Jólatrésnefnd félagsins skipuðu þeir Geir H. Þorsteinsson og Snorri
Jónsson. Fór skemmtun þessi hið bezta fram.
Þegar skýrsla þessi er birt, hefur ekki verið haldin árshátíð á liðnu
starfsári, en hún verður haldin eftir nokkra daga, að vanda á Hótel
Borg.
Stjórn félagsins gerði tilraun til þess að koma af stað laugardags-
klúbb lækna, og var gert ráð fyrir, að læknar gætu komið saman í saln-
um í Domus Medica á laugardögum til að fá sér hressingu og rabba
saman. Aðsókn að laugardagsklúbbnum var lítil, og var því hætt við
hann að sinni. Væntanlega verður þó hægt að taka hann upp að nýju,
en varla fyrr en gengið hefur verið frá tímaritaherbergi og setustofu í
húsnæði því, sem upprunalega var ætlað fyrir bókasafn í Domus
Medica. Ættu þá að skapast góðar aðstæður til slíkrar klúbbstarfsemi,
en salurinn í Domus Medica reyndist of stór, og var því erfitt að skapa
rétt andrúmsloft fyrir starfsemi sem þessa.