Læknablaðið - 01.06.1967, Blaðsíða 64

98
LÆKNABLAÐIÐ
Verkefni Segja má, að starfsemi L.R. hafi á liðnu starfsári
fram undan. mótazt verulega af launadeilu sjúkrahúslækna. Meðan
á henni stóð, snerist starfsemi skrifstofunnar ogstjórn-
ar og meðstjómar að verulegu leyti um hana. Sá sigur, sem lækna-
samtökin unnu, en mikilvægi hans er aðallega fólgið í því, að stór
hópur lækna gekk út úr launakerfi opinberra starfsmanna, á eftir að
hafa mikil áhrif á framtíðarþróun og framtíðarstarfsemi læknasamtak-
anna. Fullyrða má, að úrslit deilu þessarar hafi mjög flýtt fyrir stofn-
un lífeyrissjóðs lækna, en lífeyrissjóðurinn á eftir að verða læknasam-
tökunum mikil lyftistöng og undirstaðan undir styrkleika þeirra í fram-
tíðinni. Það verður því höfuðmál í væntanlegum samningum á sumri
komanda að fá lífeyrissjóðinn endanlega viðurkenndan, og framlag í
hann viðurkennt sem frádráttarbært frá skatti.
Hóptryggingarnar, sem byrjað var á, hafa dregizt úr hömlu, og
eru ekki enn tryggðir nema 27 læknar við ríkisspítalana. Ástæðurnar
fyrir þessum drætti eru margar og of langt upp að telja. Nú mun þó
vera kominn skriður á málið að nýju, og verður væntanlega hægt að
tryggja fleiri hópa alveg á næstunni.
Bókasafnamál lækna eru stöðugt á dagskrá, og hafa stjórnir lækna-
félaganna nú skipað þá Ásmund Brekkan, Gunnlaug Snædal og Tómas
Á. Jónasson til að athuga þessi mál, og munu þeir félagar væntanlega
skila skýrslu um athuganir sínar á fundi í félaginu á næstunni.
Eins og getið er um fyrr í skýrslunni, var haldinn almennur auka-
fundur um uppkast að nefndaráliti læknisþjónustunefndar Reykja-
víkurborgar. Fundur þessi leiddi í ljós, að ekki hefur verið unnið vel
að málum þessum af hálfu læknafélaganna. Hlýtur það að verða eitt
af framtíðarverkefnum félagsins að hefja athugun á núverandi heimilis-
læknakerfi, með það fyrir augum að gera heimilislæknisstarfið eftir-
sóknarverðara en það nú er. En æ erfiðara er að fá menn til að starfa
sem heimilislæknar, og ekki er útlit fyrir, að það ástand batni á næst-
unni, nema róttækar breytingar verði gerðar á kerfinu í heild.
Stofnun lækningastöðva hefur verið mjög á dagskrá á liðnu ári,
og hafa ungir læknar haft þar frumkvæði. Er nú mjög aðkallandi að
láta fara fram athuganir á því, hvernig slíkum stöðvum verði bezt
fyrir komið og á hvaða grundvelli þær eigi að starfa, hvort í stöðvum
þessum eigi framvegis að starfa saman heimilislæknar og sérfræðingar.
Nauðsynlegt er einnig, að athugim fari fram á því, hvort hægt sé
að tengja heimilislækna á einhvern hátt nánari böndum við sjúkrahús-
in, og á þann hátt að gera starfið eftirsóknarverðara.
Loks ber þess að geta, að nefnd sú, er starfar að athugun og tillög-
um um framtíðarskipulag sjúkralæknisþjónustu, hefur skilað áliti, og
var það birt í heild ásamt tillögum um lágmarksstaðal sjúkrahúsa í
síðasta hefti Læknablaðsins. Mun það verða eitt af mikilvægustu mál-
um læknafélagsins að fá slíkan staðal samþykktan og að raunhæft
eftirlit verði með því, að hann verði haldinn.