Læknablaðið - 01.12.1970, Blaðsíða 37

LÆKNABLAÐIÐ
185
Sérstök nefnd hefur starfað innan norska læknafélagsins til þess
að gera áætlanir og skipuleggja hópsamvinnu lækna (gruppepraksis).
Formaður þeirrar nefndar er dr. Frithjof Christie, sem starfar við
Institut for almenn medicin i Oslo, en það er háskólastofnun, þar sem
fram fer kennsla í almennum heimilislækningum. Þar sem Frithjof
Christie er formaður þeirrar nefndar, sem skipuleggur hópsamvinnu
norskra lækna, er hann kunnugastur þessum málum, Ræddi formað-
ur L. í. við hann um að koma til íslands og flytja þar erindi á næsta
læknaþingi L. í., og tók hann því vel. Mál þetta var síðan rætt á fundi
í stjórn L. í. og samþykkt að bjóða honum til læknaþings 1969 til að
flytja þar erindi.
Af öðrum málum, sem þarna voru rædd, voru framhaldsmenntun
og viðhaldsmenntun lækna. Kom fram sú skoðun, að sérfræðileyfi
ætti aðeins að veita til fimm ára í senn og þau féllu úr gildi, ef sér-
fræðingar færu þá ekki á sérstök námskeið, sem ætluð væru til við-
■halds og framhaldsmenntunar í hlutaðeigandi sérgreinum.
Þá var einnig talið, að nauðsynlegt væri að setja á stofn víðtækara
og fullkomnara framhaldsmenntunarkerfi fyrir almenna lækna. Rætt
var um vinnutíma sjúkrahúslækna, kjör þeirra og afstöðu yngri lækna
til yifirlækna, en í þeim flokki teljast yfirlæknar og aðstoðarlæknar.
Þá var einnig rætt um iæknaskort og læknismenntun almennt í Noregi.
Formaður L. í., Arinbjörn Kolbeinsson, sótti einnig aðalfund brezka
læknafélagsins í boði stjórnar þess félags, sem fól í sér dvalarkostnað,
á meðan fundurinn stóð. Var hann haldinn í Aberdeen í byrjun júlí.
Fundi þessum er skipt í tvo hluta, félagsmálahluta og fræðilegan
hluta, og er erlendu fulltrúunum boðin þátttaka í fræðilega hluta
fundarins, en þeir fá í hendur ágrip af skýrslu um félagsmálahluta
fundarins.
Á fundi þessum kom í ljós, að kjör heimilislækna (praktíserandi
lækna) í Bretlandi hafa verið stórum bætt á undanförnum árum, og
eru almennir heimilislæknar yfirleitt ánægðir með sín fjárhagsle'gu
kjör. Kjör spítalalækna höfðu einnig verið bætt nú á þessu sumri, en
þær bætur töldu flestir ófullnægjandi. Sú skýring, sem gefin var á
þessu, var sú, að almennir læknar réðu mestu um stjórnun og starf-
semi British Medical Association.
Þá var einnig rætt um vinnutíma lækna og bent á nauðsyn þess, að
honum væri stillt í hóf og það væri ekki boðlegt fyrir sjúklinga, að
læknar gengju þreyttir til starfa, t. d. í sambandi við vandasöm og að-
kallandi sjúkrahússtörf.
í hinum fræðilega hluta fundarins voru tekin fyrir fjölmörg efni,
svo sem um starfsaðstöðu lækna, ýmsa smitnæma sjúkdóma og gikt-
sjúkdóma. Eins var allmiklum tíma eytt í að ræða hina nýju fóstureyð-
ingarlöggjöf í Bretlandi, enda hafði hún verið mjög til umræðu í dag-
blöðunum um það leyti. Þá var einnig mikið rætt um nauðsyn þess að
setja strangari reglur um lækningaleyfi og réttindi erlendra lækna til
að starfa á brezkum sjúkrahúsum. Einnig var rætt um framhalds-
menntun almennra lækna.