Læknablaðið - 01.12.1970, Blaðsíða 59

LÆKNABLAÐIÐ
195
Að öðru leyti vísast til bréfs Læknafélags Reykjavíkur, dags. 16.4.
1969, varðandi bifreiðakostnað, námssjóð, siglingakostnað og hóptrygg-
ingu lækna.
Virðingarfyllst,
f. h. stjórnar Læknafélags íslands,
Arinbjörn Kolbeinsson.
Afrit af bréfi L. R. til ríkisskattstjóra,
hr. Sigurbjörns Þorbjörnssonar,
dags. 16. apríl 1969.
Efni: A. Bifreiðakostnaður lækna.
B. Ferðakostnaður lækna.
C. Námssjóður lækna.
D. Hóptrygging lækna.
Stjórn Læknafélags Reykjavíkur hefur borizt útdráttur úr fund-
argerð ríkisskattanefndar frá 13. marz 1969 ásamt bréfi, dags. 27. marz
1969. Þar sem umrædd ákvörðun ríkisskattanefndar kemur einnig til
með að hafa áhrif á aðra lækna en þá, sem eru meðlimir í Læknafélagi
Reykjavíkur, var stjóm Læknafélags íslands sýnd fundargerð ríkis-
skattanefndar, og fjölluðu stjórnirnar sameiginlega ásamt með skatta-
málanefnd Læknafélags Reykjavíkur um efni fundargerðarinnar.
Viljum við taka eftirfarandi fram:
A. Bifreiðakostnaður lækna.
Stjórnir læknafélaganna leyfa sér að mótmæla ákvörðun ríkis-
skattanefndar um frádráttarhæfni bílkostnaðar hjá læknum. Með á-
kvörðun þessari er vegið mjög að læknum, en þó ekki jafnt eftir því,
hvert starf viðkomandi læknir stundar. Ákvörðun þessi miðar beinlín-
is að því að rýra tekjur lækna, sumra meira en annarra, umfram þá
tekjurýrnun, sem orðið hefur á undanförnum árum í þjóðfélaginu í
heild. Reglur þessar virðast bera með sér mikinn misskilning og van-
mat á þörfum sérfræðinga fyrir bifreið í starfi. Verður að ætla, að
misskilningur þessi stafi einvörðungu af vanþekkingu á störfum sér-
fræðinga, enda þótt stjórn læknafélagsins hafi að nokkru gert grein
fyrir bifreiðaþörf lækna, samanber bréf stjórnar Læknafélags Reykja-
vikur, dags. 20.12. 1968. Að svo miklu leyti, sem það kann að hafa veitt
ófullnægjandi upplýsingar, viljum við taka fram eftirfarandi. Stjórn
læknaráðs St. Jósefsspítalans í Reykjavík sendi yður bréf, dags. 7.3.
1969, þar sem mjög ýtarleg grein er gerð fyrir bifreiðaþörf læknanna,
sem þar vinna. Þá viljum við benda á, að læknar þeir, sem starfa við
St. Jósefsspítalann í Hafnarfirði, verða að sinna öllum köllum, smáum
og stórum, hver fyrir sína sjúklinga, þar sem þessi spítali hefur enga
námskandídata eða yngri lækna í framhaldsnámi, er dvelja á spítal-
anum. Allir læknarnir, sem við þessa spítala starfa, starfa einnig á stófu