Læknablaðið - 01.12.1970, Síða 43

LÆKNABLAÐIÐ
191
bil í því augnamiði að efla læknisfræðilegan áíhuga og framhaldsmennt-
un þeirra. Námskeiðin hafa staðið eina viku og fjöldi þátttakenda
verið 6-15 læknar. Efnisskrá hvers námskeiðs hefur verið allfjölbreytt,
flutt hafa verið mörg stutt erindi og læknum gefinn kostur á að kynn-
ast starfsemi ýmissa stofnana. Á tveimur síðustu námskeiðum var tek-
in upp sú nýbreytni að ljúka námskeiði með „symposium“ um einn
sjúkdómaflokk og bjóða læknum þátttöku, hvort heldur þeir voru
skráðir á námskeiðið eða ekki. Voru „symposium11 þessi fjölsótt, og
gerðu læknar góðan róm að slíku fyrirkomulagi fræðslufunda.
Sérstök nefnd innan Læknafélags íslands hefur séð um námskeiðin,
og skipa hana nú Óskar Þórðarson formaður, Árni Björnsson og Tómas
Helgason. Nefndin hefur áformað að breyta tilhögun námskeiðanna,
þannig að tekið verði fyrir á hverju námskeiði ákveðið líffærakerfi eða
sjúkdómaflokkur og verkefnaáætlun gerð fyrir námskeið nokkur ár
fram í tímann. Fyrirhugað er, að námskeiðin standi eina viku eins og
áður, en í stað smáerinda verði flutt daglega þrjú ýtarleg erindi, en
síðan fjallað um efnið í umræðuhópum, sem stjórnað verður af sér-
fræðingum í viðkomandi grein.
Gert er ráð fyrir, að þessi nýskipan námskeiðanna muni auka þátt-
töku, enda er gert ráð fyrir, að læknastúdentum í síðasta hluta verði
gefinn kostur á að sækja þau. Þannig eiga námskeiðin ekki einungis að
verða grundvöllur fyrir almenna eftirprófmenntun lækna, heldur jafn-
framt að vera kynningar- og fræðsluvettvangur fyrir læknanema, sem
eru að ljúka námi.
Kostnaður við rekstur námskeiðanna mun aukast verulega við_biæyt-
inguna og einnig verður þörf fyrir aukið kennaralið. Því er æskilegt.
og jafnvel nauðsynlegt, að fleiri aðilar en Læknafélag Íslands standi
að námskeiðum þessum, og vill stjórn félagsins því bjóða læknadeild
Háskólans aðild að framkvæmd námskeiðanna með þeim hætti að til-
nefna fulltrúa í námskeiðsnefnd, taka þátt í undirbáningi og einnig
kostnaði að nokkru leyti. Virðist eðlilegt, að læknasamtökin og lækna-
deildin standi að máli þessu, sem síðar getur þróazt í víðtækara kerfi
íyrir framhaldsmenntun lækna.
Virðingarfyllst,
f. h. stjórnar Læknafélags íslands,
Arinbjörn Kolbeinsson, formaður.
FYLGISKJAL 5
SKIPULAGSSKRÁ FYRIR LÆKNAÞINGSSJÓÐ
1. gr.
Stjórn sjóðsins er skipuð þremur mönnum: tveir tilnefndir af
2. gr.
Stofnfé sjóðsins er kr. 337.101,64, sem eru eftirstöðvar þess fjár,
sem norrænt lyflæknaþing, haldið í júní 1968 í Reykjavik, hafði til
ráðstöfunar.