Læknablaðið - 01.04.1977, Síða 65

LÆKNABLAÐIÐ
81
sér stöðu á þeirri stofnun, sem þeir helst
æskja.
Sumar stofnanir gera þá kröfu að um
sækjendur komi til viðtals og verða út-
lendingar sjálfir að bera kostnaðinn af
þeirri ferð, að því undanskildu að reglu-
gerð N.H.S. gerir ráð fyrir því, að menn
geti fengið greiddan ferðakostnað innan
Bretlands.
Stöður eru að jafnaði auglýstar í fag-
tímaritum, t. d. „British Medical Journal“
eða „The Lancet“. Að stöðu fenginni mega
menn svo sækja um takmarkaða skrán-
ingu til G.M.C. og gildir það lækninga-
leyfi einungis fyrir viðkomandi stöðu.
(Skráningargjald fyrstu 12 mánuðina er
£20). Að lokum þarf svo að kaupa sér
tryggingu hjá einhverri þeirra stofnana,
sem það annast.a (Ársiðgjald £40).
Það er litlum erfiðleikum háð fyrir Is-
lendinga að flytjast til Bretlands með
fjölskyldur sínar. Ef menn eru í starfi
er að öllu jöfnu nægilegt að sækja um
framlengingu á dvalarleyfi til „Home
Office“ á ársfresti. Minniháttar byrjunar-
vandamál við að komast inn í þjóðfélags
kerfið, svo sem skattar, tryggingar o. fl.
eru yfirleitt auðveld viðfangs.
Varðandi fjárhagsafkomu og aðbúnað er
að sjálfsögðu erfitt að alhæfa. Framfærslu-
kostnaður er misjafn og er t. d. húsnæðis-
kostnaður mismunandi eftir landshlutum.
Hins vegar má fullyrða að breskir læknar
eru hlutfallslega illa launaðir í samanburði
við kollega í Norður- og Vestur-Evrópu.
Mér þykir líklegt að margir Islendingar
eigi erfitt með að sætta sig við lifnaðar-
hætti og nægjusemi Breta, en þetta fer
auðvitað eftir hverjum og einum.
T.R.A.B.-PRÓFIÐ
Eins og segir hér að framan hefur
T.R.A.B.-prófið (Temporary Registration
Assessment Board) verið í gildi frá 1. júní
1975. Skilyrði til próftöku voru enn hert
nokkuð 1. janúar 1976 með því að umsókn
um próftöku er nú ekki tekin gild, nema
viðkomandi sendi gögn, sem sanni, að hann
hafi lokið a. m. k. 12 mánaða kandidatsári
eða sambærilegri reynslu.
Prófið er að jafnaði haldið einu sinni í
mánuði til skiptis í London, Edinborg og
Glasgow. (Próftökugjald £38). Ferða-
kostnað og uppihald verða menn að greiða
sjálfir.
Prófið þykir nokkuð erfitt ef dæma má
af fallprósentunni, sem er 60-70%. Þessar
tölur segja þó lítið þar eð bakgrunnur og
undirbúningur manna er mjög misjafn og
ættu ísl. læknar að standa tiltölulega vel
að vígi.
Prófið stendur í 2 daga og er skipt í
skriflegan og munnlegan hluta.
Fyrri dagurinn hefst á ,,Multiple
Choice“ prófi. 60 spurningar á IY2 klst.
Úrlausnum skilað á ,,computer“ kort.
Prófinu svipar til E.C.F.M.G., að því
undanskildu að 5 möguleikar eru fyrir
hverja spurningu og allir, enginn, og allt
þar á milli, geta verið réttir. Ef eitthvert
svaranna við spurningunni er rangt er dreg-
ið frá eitt stig. Fyrir rétt svar er gefið eitt
stig. Núll fyrir þær spurningar, sem ekki
er svarað.
Það, sem einna helst ber að varast í
þessu prófi eru ágiskanir, nema menn séu
allvissir í sinni sök. Efni spurninganna er
yfirleitt almenns eðlis og vel viðráðan],egt.
Próf númer tvö er lesið upp af segul-
bandi og er ætlað að prófa skilning manna
á talaðri ensku. Það inniheldur 80 spurn-
ingar á 30 mínútum og virðist all erfitt
þeim, er búa yfir lélegri enskukunnáttu.
Úrlausnum þessa prófs er einnig skilað á
„computer“ kortum.
Þriðja prófið hefst síðan eftir hádegi
fyrri daginn og stendur í IV2 klst. Því er
ætlað að prófa faglega þekkingu. Oftast
eru gefin 8 klínísk tilfelli og þarf að skrifa
um 5 þeirra. Hverju tilfelli fylgja að jafn-
aði 2-3 spurningar og er þeim svarað í
stuttum ritgerðum. Aðalatriðið í þessu
prófi virðist vera að menn séu stuttorðir
og gagnorðir og fari ekki út fyrir efnið.
Fjórða og síðasta prófið fyrri daginn
stendur í eina klst. og er aðallega ætlað
að prófa skilning manna á skrifaðri ensku
cg færni í að skrifa ensku, oftast í faglegu
sambandi. Venjulega eru gefnar ákveðnar
upplýsingar um sjúkratilfelli og menn
beðnir að skila skriflegu mati, gera grein
fyrir nauðsynlegum rannsóknum, skrifa
„consultations“-beiðnir og skrifa lækna-
bréf. í þessu prófi kemur það einnig fyrir
að menn eru beðnir að skrifa orðaskipti