Læknablaðið - 01.04.1977, Qupperneq 67

LÆKNABLAÐIÐ
83
AÐALFUNDIR LÆKNAFÉLAGS Í^S
REYKJAVÍKUR 1976 OG 1977 [P?
Aðalfundur L.R. 1976 var haldinn 10.
marz í Domus Medica. Efni fundarins voru
venjuleg aðalfundarstörf og kosning aðal-
stjórnar, 3ja manna í meðstjórn og 3ja
manna í varastjórn.
í skýrslu formanns kom m. a. fram að
4 félagar höfðu látizt á starfsárinu: Bjarni
Bjarnason þann 23.12. ’75, Halldór Hansen
þann 18.5. ’75, Pétur H. J. Jakobsson þann
8.3. ’75 og Þórður Möller þann 2.8. ’75.
Á árinu gengu 15 lasknar formlega í
félagið. Tíðir fundir voru haldnir í stjórn
og miðstjórn L.R. og haldnir sameiginlegir
fundir L.R. og L.í. Almennir fræðslufundir
voru 7 og fræðslufundir ætlaðir heimilis-
læknum 4.
Námskeið fyrir héraðslækna og almenna
lækna var haldið í sept. ’75 og ráðstefna
um heilbrigðismál á vegum L.R. í maí ’75.
Verulegar tafir urðu á útgáfu Lækna-
blaðsins á árinu og fjárhagsörðugleikar.
Launanefndir L.R. og L.f. undirrituðu
samninga fyrir hönd sjúkrahúslækna við
borg og ríki þann 14.12. ’75 og voru þeir
samningar fyrir tímabilið 1.7. ’76 til 30.6.
’78. Á árinu fékkst fram hækkun á fasta-
gjaldi fyrir heimilislækna, hækkun á
greiðslu fyrir kvöld- og næturvaktir og
númeragjöld hækkuðu í Reykjavík.
Fram fóru viðræður milli stjórna L.R.
og L.í. annars vegar og stjórnar F.U.L.
hins vegar, um stöðu félagsins innan
læknasamtakanna, verksvið þess og fjár-
hagsgrundvöll, en ekki varð komizt að
endanlegri niðurstöðu.
Læknafélag Reykjavíkur átti 9 fulltrúa
á aðalfundi Læknafélags íslands í Reykja-
vík í sept. ’75 og bar þar fram 2 tillögur
til ályktunar, sem voru samþykktar. Var
önnur tillagan áskorun til ríkisstjórnar og
borgaryfirvalda um að hefja þegar bygg-
ingu sjúkradeilda langlegusjúklinga við
sjúkrahúsin i Reykjavík, en hin var áskor-
un á heilbrigðisyfirvöld að hefja hið bráð-
asta rekstur heilsugæzlustöðva á höfuð-
borgarsvæðinu.
Reikningar félagsins voru lagðir fram
á fundinum og ræddir af Sigurði Sigurðs-
syni, gjaldkera L.R., en síðan samþykktir.
Bergsveinn Ólafsson flutti skýrslu Domus
Medica, en þar kom fram að starfsemi
hafði verið með líkum hætti og áður og
ágóði nokkur. Lokið var byggingu félags-
heimilis og ýmsum minni framkvæmdum.
Einnig voru ræddir reikningar Domus
Medica og reikningar Styrktarsjóðs ekkna
og munaðarlausra barna íslenzkra lækna.
Til stjórnarkjörs kom aðeins einn listi
fram, þ. e. tillögur stjórnar L.R. og voru
þessir menn því sjálfkjömir:
Aðalstjórn: Þorvaldur Veigar Guð-
mundsson, formaður, Kristinn Guðmunds-
son, ritari, Eyjólfur Haraldsson, gjaldksri.
Meðstjórn til 2ja ára: Magnús Karl
Pétursson, Ólafur Þ. Jónsson, Ólafur Örn
Arnarson. Til eins árs: Reynir Tómas
Geirsson. Varamenn: Birgir Guðjónsson,
Guðmundur H. Þórðarson, Tryggvi Ás-
mundsson.
Þá voru kosnir fulltrúar á aðalfund
Læknafélags íslands og komu fram 2 list-
ar, frá stjórn L.R. og frá Pétri Skarp-
héðinssyni og fleirum. Þessir menn voru
kjörnir: Lúðvík Ólafsson, Tómas Á. Jón-
asson, Eyjólfur Haraldsson, Þorvaldur V.
Guðmundsson, Snorri P. Snorrason, Sig-
urður Guðmundsson, Sigurður Árnason,
Ólafur G. Guðmundsson og Árni T. Ragn-
arsson. Varamenn voru kosnir: Reynir T.
Geirsson, Gestur Þorgeirsson, Sveinn Már
Gunnarsson, Ólafur Örn Arnarson, Friðrik
Ingvarsson, Stefán Þórarinsson, Anna B.
Halldórsdóttir, Kristinn Guðmundsson og
Stefán Erlendsson.
í stjórn Styrktarsjóðs ekkna og munað-
arlausra barna íslenzkra lækna var kjör-
inn Lárus Helgason í stað Bergsveins Ól-
afssonar, sem sagði af sér.