Dagblaðið Vísir - DV - 23.02.2007, Page 6
föstudagur 23. febrúar 20076 Fréttir DV
InnlendarFréttIr
ritstjorn@dv.is
Framsóknarmenn eru fínir menn
dagfari
Þrettán árum eftir að setja átti reglugerð um bótaskylda atvinnusjúkdóma bólar enn
ekkert á henni. Fimm ráðherrar hafa komið og farið síðan núgildandi lög um almanna-
tryggingar voru sett. Þar var kveðið á um setningu reglugerðarinnar sem hefur verið
meira en þrettán ár á leiðinni.
Dugðu ekki
þrettán ár til að
semja reglugerðina
Engin reglugerð er til um hvaða atvinnusjúkdómar skuli teljast
bótaskyldir úr almannatryggingakerfinu. Þetta gerist þrátt fyrir
að Alþingi hafi samþykkt lög 20. desember 1993 þar sem kveðið
er á um að setja skuli slíka reglugerð. Meðan reglugerðin er ekki
til eiga þeir sem þjást af atvinnusjúkdómum ekki rétt á bótum úr
almannatryggingakerfinu.
Brynjólfur Þ. Guðmundsson
blaðamaður skrifar: brynjolfur@dv.is
„Við höfum beðið í þrettán ár
og vonum að það fari að koma að
þessu,“ segir Kristinn Tómasson,
læknir hjá Vinnueftirlitinu, um langa
bið eftir reglugerðinni. Hann segir að
þar sem reglugerðin hefur ekki verið
gefin út fái fólk með kvilla sem rekja
megi til atvinnusjúkdóma ekki sam-
bærilegar bætur og ef það yrði fyrir
vinnuslysum. Óvíst er hversu margir
kunna að hafa orðið af bótum á síð-
ustu þrettán árum vegna reglugerð-
arleysisins. „Það gæti verið einhver
hópur manna sem á rétt á þessum
bótum. Hann er ekki mjög stór,“ seg-
ir Kristinn og bætir við að upphæð-
irnar séu ekki heldur sérlega háar.
Hann segir að fólk geti jafnvel fengið
bæturnar í formi veikindaréttar hjá
vinnuveitanda.
Vegna þess að fólk fær ekki bæt-
ur úr almannatryggingum vegna
atvinnusjúkdóma eru þeir ekki til-
kynntir til yfirvalda. „Það er eng-
inn hagur af því fyrir sjúklinginn að
þeir verði tilkynntir,“ segir Kristinn
og telur það geta haft slæm áhrif. Þá
er hætta á að stjórnendur fyrirtækja
og eftirlitsmenn átti sig ekki á að um
atvinnusjúkdóm sé að ræða. Því er
hætta á að ekkert sé gert til að gera
vinnustaðina betri og draga þannig
úr hættu á að aðrir sýkist.
Kristinn segist ekki vita til þess að
dæmi séu um reglugerðir sem hafi
tafist svona lengi að gefa út.
Bíður svara ráðherra
„Einhverra hluta vegna hefur ekki
náðst samkomulag um þetta,“ segir
Guðjón Ólafur Jónsson, þingmaður
Framsóknarflokksins. Hann lagði á
dögunum fram fyrirspurn til Sivjar
Friðleifsdóttur heilbrigðisráðherra
um hvað liði setningu reglugerðar-
innar. Hann bíður þess nú að ráð-
herra svari honum á Alþingi. Guðjón
Ólafur er formaður stjórnar Vinnu-
eftirlits ríkisins og lagði fyrirspurnina
fram eftir umræðu innan stjórnar.
Alþjóðavinnumálastofnunin hef-
ur útbúið lista yfir atvinnusjúkdóma
en einnig þarf að taka tillit til sérís-
lenskra sjúkdóma við útgáfu reglu-
gerðarinnar, segir Guðjón Ólafur.
Hann segir stöðuna þannig að verði
atvinnusjúkdómar raktir til vinnu-
veitanda eigi launþegar rétt á bótum
frá vinnuveitanda. Beri vinnuveit-
andinn hins vegar ekki sök á laun-
þeginn ekki rétt á bótum.
Dagfari las grein eftir Ingvar Gísla-
son, sem bæði var ráðherra og þing-
maður fyrir Framsóknarflokkinn, og
Dagfara rak í rogastans. Ingvar hélt
því blákalt fram að það væri erfitt að
vera framsóknarmaður á mölinni.
Hann sagðist þess fullviss að malar-
búar kynnu bara ekkert að meta fram-
sóknarmenn. Þetta er firra hjá Ingvari.
Hann var sjálfur mikilsmetinn maður,
og ekki síður sem ráðherra. Það man
Dagfari.
Svo er um marga aðra framsóknar-
menn. Það er ekki bara að framsókn-
armenn séu oft meira og betur metn-
ir en menn annarra flokka. Sumir
framsóknarmenn ná þeim hæðum að
þeir eru elskaðir af þjóð sinni. Þannig
er með Guðna Ágústsson. Hann er
ekki bara stjórnmálamaður; hann
er Guðni, Guðni okkar. Því er nánast
ekki trúandi að Ingvar hafi ekki orð-
ið þess áskynja að Guðni er ekki bara
mikilsmetinn, hann er elskaður. Ekki
þrátt fyrir að hann er framsóknar-
maður, heldur vegna þess. Það er nú
það.
Vissulega hafa einstaka nöldur-
seggir kvartað og kveinað vegna þess
að framsóknarmenn eru almennt
öðrum mönnum fremri. Það er ekki
vegna þess að framsóknarmenn eru
framsóknarmenn að þeir veljast til
bestu starfa. Það er af mannkostum,
framsóknarmannakostum sem slíkt
gerist. Þeir bestu verða að vera þar
sem mest á reynir.
Það er rétt hjá Ingvari Gíslasyni að
malarbúar kunni ekki að meta ágæti
framsóknarmanna. Það sést best á
því dræma fylgi sem flokkurinn hef-
ur þar sem flestir búa. En það er ekki
vegna þess að framsóknarmenn séu
ekki ágætir. Það er vegna þess að mal-
arbúarnir hafa bara ekki komið auga
á það. Augu malarbúanna verða að
opnast fyrir ágæti framsóknarmanna.
Kosningar eru á næsta leiti, og það
kann að verða um seinan að sjá ekki
ágæti framsóknarmanna í tíma.
Það er hrein öfund út í ágæti fram-
sóknarmanna sem fær óvandað fólk
til að tala niðrandi eða meiðandi um
framsóknarmenn. Efast einhver um
að það hafi ekki verið vegna mann-
kosta sem nær allir sem voru á lista
framsóknarmanna í Reykjavík fengu
fínustu störfin skömmu eftir kosning-
arnar. Að halda öðru fram er ósvinna.
Dagfari vill að mannkostir verði not-
aðir í almannaþágu. Rétt eins og
Ingvar fyrrum menntamálaráðherra.
Skammsýni malarbúa er mikil.
Dagfari hefur mikið velt fyrir sér
hvort ekki sé rétt að ráða ekki aðeins
frambjóðendur Framsóknarflokksins
til starfa, hvort ekki sé unnt að gera
það líka við kjósendurna. Þeir eru
ekki svo margir. Þetta er ekki sagt til
að gera lítið úr öðru fólki. Ágæti flestra
framsóknarmanna er mikið. Það er
mikill missir fyrir þá sem ekki sjá
Bændur úthýsa
klámgestum
Siðvandir bændur í stjórn
Bændasamtaka Íslands, sem eiga
Hótel Sögu, hafa ákveðið að vísa frá
klámráðstefnugestum sem ætluðu
að gista á hótelinu í byrjun mars.
Að auki er ákvörðun þeirra studd af
Rezidor Hotel Group sem er rekstr-
araðili hótelkeðjunnar.
Ljóst er að hávær mótmæli gegn
komu klámgestanna hafi haft áhrif á
ákvörðun bændanna en bæði borg-
arstjórn, alþingi og aðrir þrýstihóp-
ar hafa mótmælt heimsókninni af
krafti. Einnig lýsa bændur vanþókn-
un sinni á iðnaði þeim sem gestirnir
koma að.
sýknaður af
netníði
Maður var sýknaður fyrir netníð
á visir.is í Héraðsdómi Suðurlands í
gær. Hann var ákærður fyrir að hafa
ásakað sóknarprestinn í Garðabæ
um að vera geðveikur og að hafa
komist að sem prestur á undarlegan
hátt. Maðurinn átti að hafa skrifað
undir netfanginu draumaprins@
visir.is. Hann neitaði sakargiftum
og hélt því fram að fyrrum nemend-
ur sínir sem hann kenndi á tölv-
ur vissu lykilorðið. Þrátt fyrir að í
ljós hafi komið að faðir mannsins
er sóknarbarn í Garðarbæ og hefur
eldað grátt silfur við prestinn, var
maðurinn sýknaður því ekki tókst að
færa sönnur á að hann hefði skrifað
netníðið.
loka sláturhúsi
Stjórnendur Kaupfélags Skag-
firðinga hafa ákveðið að loka slát-
urhúsi félagsins frá og með 1. mars
næstkomandi. Í bréfi sem sent var
bændum sem stóðu í viðskiptum við
sláturhúsið er greint frá því að rekst-
urinn hefi staðið höllum fæti í sam-
anburði við nýjar og tæknivæddar
afurðastöðvar.
„Það er því mat okkar að betra
sé að horfast í augu við þessar stað-
reyndir sem blasa við og leggja
meira kapp á að skapa hagræðingu,“
segir orðrétt í bréfinu.
sigtryggur@dv.is
jón Kristjánsson
Heilbrigðisráðherra
frá 14. apríl 2001
til 7. mars 2006.
sighvatur Björgvinsson
Heilbrigðisráðherra
frá 12. nóvember 1994
til 23. apríl 1995.
siv friðleifsdóttir
Heilbrigðisráðherra
frá 7. mars 2006 til dagsins í dag.
Ingibjörg Pálmadóttir
Heilbrigðisráðherra
frá 23. apríl 1995
til 14. apríl 2001.
Guðmundur Árni stefánsson
Heilbrigðisráðherra
frá lagasetningu 20. desember 1993
til 12. nóvember 1994
Fimm ráðherrar en engin reglugerð
dv-mynd stefán
Ekki bætur fyrir tvinnusjúkdóma
fólk sem ella hefði fengið bætur verður
af þeim þar sem reglugerð skortir enn,
þrettán árum eftir lagasetningu.