Læknablaðið - 15.04.1987, Side 32
134
LÆKNABLAÐIÐ
I I Heildarframlag |£] Framlag til heimahjúkrunar
Framlög Reykjavíkurborgar til heilbrigðismála
1979-1986 á verðlagi í maí 19861 þúsundum króna.
Það hefur verið álit Sjálfstæðismanna í
heilbrigðismálaráði og borgarstjórn að
nauðsynlegt sé að bjóða upp á annað
rekstrarform en opinberan rekstur eingöngu og
sömuleiðis að nýta megi fyrir starfið
leiguhúsnæði ef henta þykir. Nú þegar á
Reykjavík aðild að rekstri 7 stöðva sem þjóna
tæplega 30.000 borgarbúum. Þær eru:
Heilsugæslustöðin Árbæ
Heilsugæslustöðin Asparfelli
Heilsugæslustöðin Fossvogi
Heilsugæslustöðin Seltjarnarnesi
Heilsugæslustöð Miðbæjar
Heilsugæslustöðin Drápuhlíð
Heilsugæslan Álftamýri.
Sú síðastnefnda er rekin á ábyrgð læknanna sem
þar starfa með samningi við borgina sem tryggir
það að nauðsynlegri heilsuvernd (svo sem
ungbarna- og mæðravernd auk heimahjúkrunar)
sé sinnt auk heimilislækninga.
Á döfinni eru fyrst og fremst Heilsugæslustöðin
Hraunbergi sem þjóna á öllu Breiðholti III en á
þessu ári mun ljúka gerð kjallarans. Þá eru
hafnar framkvæmdir við Heilsugæslustöð
Vesturbæjar, sem valinn hefur verið staður á
horni Vesturgötu og Garðastrætis og þjóna á
Vesturbæ norðan Hringbrautar. Fleira er á
döfinni sem ekki er tímbært að ræða nú.
Það er alveg ljóst að vilji núverandi
borgarstjórnar er sá að áfram verði haldið á þeirri
braut, að veita alhliða heilsugœslu í hverfum
borgarinnar. Ríkari áhersla verði þó lögð á
fjölbreytni í rekstrarformi án þess að dregið sé úr
faglegum kröfum. Kostir miðstýringar, sem að
mínu áliti eru helstir yfirsýn, ættu að geta haldist
með nákvæmari skráningu og tölvuvæðingu, til
dæmis í bólusetningum ungbarna. Þó verður að
gera ráð fyrir því um ófyrirsjáanlega framtíð, að
ungbarna- og mæðraeftirliti verði sinnt að hluta
til í Heilsuverndarstöðinni og að þar verði einnig
til húsa þær greinar heilsugæslu sem eðlilegt má
telja að reka frá einum stað.
í grein sem Skúli Johnsen borgarlæknir skrifaði í
Morgunblaðið í júlí á sl. ári hvetur hann til þess
að mótuð verði hér á landi víðtœk
heilbrigðisstefna. Hann bendir á, að verkefni
sjúkraþjónustunnar fari vaxandi frá ári til árs
með þeim kostnaðarauka sem fylgi.
Sjúkraþjónustustefnan kemur ekki í veg fyrir að
heilsufar versni því að hún stuðlar ekki að því að
fyrirbyggja sjúkdóma. Spá borgarlæknis er sú, að
verði ekki aðhafst í þessum efnum, þá muni
hlutur sjúkraþjónustunnar í þjóðartekjum þurfa
að aukast á næstu áratugum úr 10% í 15-20%.
Ég álít að uppbygging góðrar heilsugæslu í
hverfum borgarinnar sé liður í því að leggja grunn
að heilbrigðisstefnu í Reykjavík.
Katrín Fjeldsted
HEIMILDIR
1. Heilsugæsla á höfuðborgarsvæðinu. Skýrsla
nefndar sem kannað hefur reynslu og kostnað af
rekstri heilsugæslustöðva á
Stór-Reykjavíkursvæðinu. Ágúst 1985 (óbirt -
Heilbrigðisráðuneytið).
2. Jóhann Agúst Sigurðsson. Meira um forvarnir í
læknisfræði: Hlutverk heilsugæslu. Morgunblaðið
19. desember 1985.
3. Skúli G. Johnsen. Ný viðhorf í heilbrigðismálum.
Morgunblaðið 4. júlí 1986.