Læknablaðið - 15.04.1987, Page 35

LÆKNABLAÐIÐ 1987;73:135-8
135
Birna Þórðardóttir
KRISTNESSPÍTALI
Árið 1918 var hafin fjársöfnun að tilhlutun
Sambands norðlenskra kvenna til að setja á stofn
heilsuhæli á Norðurlandi fyrir berklasjúklinga.
Þegar Heilsuhælisfélag Norðurlands var stofnað
1925 var því afhent fjárhæðin og lét félagið reisa
Kristneshæli.
Byggingaframkvæmdir hófust í apríl 1926 og
þeim lauk í september 1927, þætti það vel að verið
í dag.
Kostnaðaráætlun stóðst að mestu leyti og var
Kristneshæli vígt þann 1. nóvember 1927. Fyrsti
sjúklingur var lagður inn 17. nóvember og svo
einkennilega vill til að það var amma núverandi
yfirlæknis, Halldórs Halldórssonar og annar
sjúklingurinn var móðursystir hans, þannig leika
tilviljanirnar sér.
Fyrsti yfirlæknir Kristneshælis var Jónas Rafnar.
Er hann lét af störfum 1955 tók Snorri Ólafsson
við og gegndi yfirlæknisstarfi til 1976. Eftirmaður
Snorra var Úlfur Ragnarsson. Brynjar
Valdimarsson var settur yfirlæknir frá ársbyrjun
1984, er hann lést í maílok sama ár var Brynjólfur
Ingvarsson settur yfirlæknir fram á mitt ár 1985
er Halldór Hallórsson tók við starfi yfirlæknis
Kristnesspítala.
í.ferð
Lœknablaðsins til
Akureyrar var
Kristnesspítali
sóttur heim og
leiddi Halldór
blaðamann um
sali.
KRISTNESSPlTALI þjónar ólíkum
SJÚKLINGUM
Kristneshæli var upphaflega byggt sem
berklahæli og ætlað 50 sjúklingum. Um 1950 var
byggt við hælið og fengust þá samkomusalur og
vinnustofur. Upp úr 1955 fer berklasjúklingum
að fækka, sem betur fer, og 1960 er farið að taka
við hjúkrunarsjúklingum í Kristnesi, án þess að
nokkur formleg skipulagsbreyting væri gerð á
starfsvettvangi spítalans. Líður svo fram til 1976
en þá fyrst var hreyft hugmyndum um að breyta
Kristneshæli í hjúkrunar- og
endurhæfingarsjúkrahús.