Kjarninn - 27.03.2014, Page 27

03/06 topp 5
4 börnin heim
Hinn 15. júní árið 1990 fór Halim Al með
dætur sínar, Rúnu og Dagbjörtu, í frí
til Tyrklands. Það var að minnsta kosti
skilningur Sophiu Hansen, móður stúlkn-
anna. Halim Al sneri hins vegar ekki aftur
til Íslands og hófst þá átakanleg barátta
Sophiu fyrir því að endurheimta dætur
sínar. Blásið var til landssöfnunar árið
1992 undir yfirskriftinni Börnin heim, og
sendiherra Íslands í Tyrklandi var Sophiu
innan handar. Mannréttindadómstóll
Evrópu úrskurðaði í september árið 2003
að tyrkneska ríkið hefði brotið gegn
Sophiu með því að tryggja henni ekki
umgengisrétt við dætur sínar á árunum
1992-1998. Allt kom hins vegar fyrir ekki,
stúlkurnar fluttu aldrei aftur til Íslands
og eru nú giftar nokkurra barna mæður í
Tyrklandi. Sophia hlaut sex mánaða skil-
orðsbundinn dóm árið 2010 fyrir rangar
sakargiftir gegn Sigurði Pétri Harðarsyni,
helsta samstarfsmanni síns til áraraða.