Kjarninn - 08.05.2014, Side 24

19/20 menntamál
mikið skítkast á netinu. „Það kemur mér stundum á óvart
þegar kollegar mínir segja við mig: „Ég nenni ekki að taka
þátt í þessu út af skítkastinu á netinu.“ Ég fæ yfir mig mikið
skítkast þar en það hefur lítil áhrif á mig,“ segir Jón.
Sama megi segja um ásakanir gagnvart háskólafólki,
og reyndar sumum fjölmiðlum, um að þeir gangi erinda
tiltekinna afla. „Þegar maður gagnrýnir eitthvað þá byrjar
umræðan um að maður sé bara leppur einhvers annars. Ég
fann mjög mikið fyrir þessu á árum áður í kvótaumræðunni.
Ég var leppur Þorvaldar Gylfasonar, ég var leppur Markúsar
Möller og ég hef verið sagður leppur
Jóhönnu Sigurðardóttur. En þetta er
bara eitthvert rugl sem maður verður að
leiða hjá sér,“ segir Jón.
telur sig geta haft áhrif í um-
ræðunni á íslandi
Jón segist aðspurður lítið hafa tekið þátt
í opinberri umræðu í Bandaríkjunum
hingað til. Mun skemmtilegra sé að taka
þátt í umræðunni á Íslandi vegna þess að hér sé möguleiki
á að hafa áhrif. „Ég skrifa greinar þegar mér finnst einhver
sjónarhorn vanta í umræðuna og stundum hafa þær áhrif,“
segir Jón og nefnir sem dæmi að eftir ábendingar hans í
blaðagrein um að skynsamlegt væri að vísitölutengja skatt-
þrep á Íslandi hafi frumvarpi þar að lútandi verið breytt. „Í
Bandaríkjunum er búið að segja svo margt að það er mjög
erfitt að koma með eitthvert nýtt og ferskt sjónarhorn.“
Þegar hann er beðinn um að bera saman skilyrði íslenskra
og bandarískra háskólamanna til þátttöku í opinberri um-
ræðu segist hann telja skilyrðin hér á landi mun verri. „Það
tengist því meðal annars að laun íslensks háskólafólks eru
miklu lægri en bandarísks. Ef háskólafólk á Íslandi væri á
launum þar sem það þyrfti ekki að taka að sér verkefni utan
háskólans fyrir hina og þessa hagsmunaaðila til þess að lifa
því lífi sem það vill lifa peningalega séð yrðu skilyrði þess
miklu betri. Þá gæti það sagt hluti óhrætt,“ segir Jón.
„Tvö mál hafi kallað fram
sérstaklega sterk viðbrögð,
gagnrýni annars vegar á
kvótakerfið og hins vegar á
Sjálfstæðisflokkinn og þá sér-
staklega Davíð Oddsson.“