Dagskrá: tímarit um þjóðfélagsmál - 01.01.1944, Qupperneq 69

dagskrá
63
um íþróttum. Voru íþróttamennirnir úr öllum landsfjórðungum
°g 20 sýslum. Stóðu að þeim 11 héraðssambönd ungmennafélaga.
Rúmlega þrjár þúsundir manna sóttu mótið þessa tvo daga. Komu
uiötsgestir í hópum norðan úr Húnavatnssýslum og austan úr
Rangárvallasýslu og öllu svæðinu þar á milli. Fór það ágætlega
fram og verður alltaf talinn merkur viðburður í félags- og íþrótta-
fffi þjóðarinnar.
Auk þess, sem að framan getur, styrkir íþróttasjóður félög til
kaupa á íþróttatækjum, veitir sérfræðilega aðstoð við byggingu
iþróttamannvirkja og styrkir íþróttakennara til framhaldsnáms
í Ameríku og eru tveir íþróttakennarar farnir til Bandaríkjanna
til slíks náms.
VII.
Ég hef hér að framan skýrt nokkuð efni íþróttalaganna og getið
helztu framkvæmda, sem af þeim hafa sprottið. Með setningu
Þeirra viðurkennir þing og stjórn gildi íþróttanna fyrir uppeldi
°g heilbrigði þjóðarinnar á þýðingarmikinn hátt og býr þeim betri
skilyrði en áður er þekkt. Hefur það að vonum örfað mjög fram-
fakssemi þjóðarinnar fyrir bættri aðstöðu til íþróttaiðkana og
íþróttalífi. Og er þar ef til vill fólgin mikilsverðasta þýðing lag-
anna. Ef sterkur og almennur áhugi er vakinn fyrir byggingu
iþróttahúsa, sundlauga, leikvalla og aukinni íþróttakennslu, þá
fer ekki hjá því, að íþróttirnar verða drjúgur þáttur í uppeldi þjóð-
arinnar og setja á hana svipmót sitt.