Félagsbréf - 01.01.1958, Qupperneq 48

38
FÉLAGSBRÉP
finningahitanum. Segja má, að hann sé jafnari en þeir, en hins
vegar á hann mun minna af frumleik og tilþrifum.
C. Day Lewis er undir sterkum áhrifum frá Hopkins, Wilfred
Owen, Eliot og þó einkum Auden, og hefur hann játað þeim
öllum þakkarskuld sína. Hann var um nokkurt skeið kommún-
isti, en það virtist hafa sái’alítil áhrif á skáldskap hans. Honum
var sjálfum fullljóst, að skáld verða aldrei metin fyrir sann-
færingu sína, heldur fyrir skáldskap sinn, og mættu margir
skriffinnar hafa það hugfast.
Mörg af beztu kvæðum Lewis eru hlaðin margræðum táknum
og hafa mikla hljómfegurð. Sumir gagnrýnendur hafa kallað
þau „rafmögnuð", og er það ekki fjarri lagi, því rafmagnið virð-
ist vera eitt af eftirlætistáknum hans.
Lewis hefur ritað athyglisverða bók, sem hann nefnir „A Hope
for Poetry“ og er meðal beztu verka um nútímaljóðlist. Hann
hefur skrifað skáldsögu, drengjabækur og nokkrar frábærlega
vel byggðar leynilögreglusögur undir dulnefninu Nicholas Blake.
* *
*
Louis MacNeice (f. 1907) er líka af írsku bergi brotinn. Hann
stundaði nám í Oxford á árunum 1926—30, en kennir nú grísku
í London. I Oxford komst hann í kynni við þremenningana Auden,
Spender og Lewis, og varð fyrir áhrifum frá þeim.
Fyrsta Ijóðabók hans kom út árið 1929 og lofaði góðu, en
MacNeice hefur nú afneitað henni. Hann var þá undir sterkum
áhrifum frá Edith Sitwell.
Næsta bók hans, ,,Poems“ kom út 1931, og var hann þá orð-
inn fullþroska skáld og mjög frumlegt. Hann er fimur form-
snillingur og notar óspart daglegt mál í kvæðum sínum. Eins
og Auden og Spender er hann fyrst og fremst „nútímaskáld",
yrkir um fyrirbæri dagsins og gæðir þau fersku lífi, nýrri merk-
ingu.
1 „Poems: 1925—19h0“ er að finna lýrísk æskuljóð og djörf
verk manndómsáranna, þar sem hálfkæringur og alvarlegar til-