Sveitarstjórnarmál - 01.10.1991, Side 24

SAMTALIÐ
Frá landsmóti hestamanna á Vindheimamelum 1990. Ljósm. Jón
Karl Snorrason.
þar sem gestum er m.a. boðið á hestbak. í nágranna-
hreppunum eru einnig feröaþjónustubændur. Við
Varmahlíð er fyrirtækið Hestasport, sem skipuleggur
hestaferðir bæði um næsta nágrennið og um hálendið.
Erlendir ferðamenn sækja hingað hestamannamót, og
er þess skemmst að minnast, að heilir flugfarmar af
evrópskum hestamönnum hafa komið á hestamanna-
mót á Vindheimamelum, sem eru í Lýtingsstaðahreppi,
um 12 km frá Varmahlíö. Feröaþjónustan á eftir að
lyfta staönum og héraðinu, ef vel er að staðiö. Er nú
unniö aö því, að svo verði."
- Er skipulega unnið að skógrækt viö Varmahlíö?
„Skógræktarfélag Skagfirðinga hefur unnið að
skógrækt í Varmahlíð frá þvi að það var stofnað árið
1935, en byrjaö var að planta í hllðina upp úr 1930.
Skógrækt ríkisins rekur nú skógræktarstöö viö Varma-
hlíð, annast plöntuuppeldi og selur plöntur. Trjágróður
veröur með hverju árinu, sem líöur, meira og meira
áberandi á staðnum, og almennur áhugi er á skóg-
rækt í Skagafirði."
- Hefur verið skipulögð meiri byggð í Varmahlíð en
nú er þar?
„Já, til er staðfest skipulag af Varmahlíð frá árinu
1963. Þá var skipulögð íbúðarhúsabyggð sunnan fé-
lagsheimilisins Miðgarðs, og þar eru nú margar íbúð-
arhúsalóðir tilbúnar til byggingar. Hreppsnefndin hef-
ur m.a. tekið frá lóð undir íbúöir aldraðra og hefur hug
á, að hún verði fljótlega nýtt sem slík."
- Er næg atvinna fyrir þá, sem búa á staðnum?
„Já, en þeim málaflokki mætti þó sinna betur.
Sannleikurinn er sá, að hver hreppur f núverandi stærö
er vanmegnugur í sambandi við atvinnumál. Tveir
hreppar í Skagafirði, Seyluhreppur og Lýtingsstaða-
hreppur, eiga aðild aö átaksverkefninu „Framtaki",
sem verið er að hrinda úr vör meö hreppum Austur-
Húnavatnssýslu, en mér þykir einsýnt, aö stærri
hreppur gæti staðið mun betur aö uppbyggingu í at-
vinnumálum en núverandi hreppar hver um sig.“
- Hvernig verður framtíðarhreppaskipan í Skagafiröi?
„Þaö er nú varla þorandi að segja mikið um það.
Menn eru svo varkárir í þeim efnum. Ég vil helzt sjá
sameiningu hreppanna veröa með þeim hætti, aö
heimamenn eigi sem allra mest frumkvæði um hana.
Við viljum ráða okkar málum sjálfir. Ég vil sjá samein-
ingu til að byrja með verða í svipuðu formi og sett var
fram í leið 1 í skýrslu nefndarinnar, sem fjallar um nýja
skiptingu landsins f sveitarfélög, að sveitarfélögin
sameinist um byggðarkjarna eins og kominn er vísir
að í Varmahlíð. í Skagafirði yrðu þá þrjú sveitarfélög,
þ.e. Sauðárkrókur og nágrenni, hrepparnir hér í inn-
héraðinu og síðan hrepparnir kringum Hofsós. Hér-
aðsnefnd Skagfirðinga annast síöan almannavarnir,
brunamál og fleiri verkefni, sem eru sameiginleg
sýslunni, m.a. í.fræðslu- og heilbrigöismálum. Hún fer
með byggingar- og skipulagsmál, atvinnumál og öl-
drunarmál, og munu héraðsnefndir óvíða vera virkari
en hér. Þessi mál eru nú mjög í deiglunni, og fyrir
dyrum stendur hjá okkur að halda fund um þessi mál
öll. Trúlega mótast hann af varkárni um framvindu
mála, en ég held samt, að þrjú sveitarfélög í Skagafirði
sé það, sem koma skal."
U.Stef.
Varmahlíð á tungu skáldanna
Miklar vonir voru bundnar við þá uppbyggingu, sem
til stóð í Varmahlíð á árunum 1936 til 1940. Vfgsla
sundlaugarinnar 27. ágúst árið 1939 varð héraðshátíð
í orðsins fyllstu merkingu, og var talið, að á tíunda
hundraö manns hefðu verið á hátíðinni. Margar ræður
voru haldnar og „sungið öðru hvoru um daginn", eins
og Stefán Vagnsson segir í Árbók Skagfirðinga, þar
sem hann segir frá vígsluhátíö sundlaugarinnar.
Hátíðinni barst m.a. svofellt skeyti frá Hannesi J.
Magnússyni, þáv. kennara á Akureyri:
Megi æskan alla tlö
eiga sumar, vetur
viö þitt hjarta, Varmahlíö,
votdugt menntasetur.
270