Sveitarstjórnarmál - 01.08.2000, Síða 23
HAFNAMÁL
Hljómsveit hafnasambandsins, talið frá vinstri, Gísli Gíslason, bæjarstjóri á Akranesi,
Guðjón Hjörleifsson, bæjarstjóri í Vestmannaeyjum, Magnús Gunnarsson, bæjarstjóri í
Hafnarfirði, og aftan við hann ónafngreindur gítarleikari úr hljómsveit hússins, og loks
Ólafur Kristjánsson, bæjarstjóri í Bolungarvík. Ljósmyndirnar með frásögninni tók Geir
Ólafsson.
Könnuð verði samkeppnisstaða sjóflutninga
gagnvart landflutningum
að láta skoða sérstaklega hvort og þá
hvemig mætti endurskoða löndunar-
bannið með það að markmiði að
auka þjónustu islenskra fyrirtækja,
þ.m.t. hafnanna, við erlend fiskiskip.
Fundurinn beinir því til stjórnar
Hafnasambandsins að hún fylgist
með þeirri vinnu sem sjávarútvegs-
ráðherra hefur hafið í þessu efni.
Stjórn hafnasambandsins
I aðalstjóm Hafnasambands sveit-
arfélaga áttu sæti eftir aðalfundinn
Árni Þór Sigurðsson, formaður
stjómar Reykjavíkurhafnar, sem er
fomraður, Pétur Jóhannsson, hafnar-
stjóri í Reykjanesbæ, Gísli Gíslason,
bæjarstjóri á Akranesi, Halldór
Jónsson, hafnamefndarmaður á ísa-
firði, Brynjar Pálsson, formaður
hafnamefndar á Sauðárkróki, Isak J.
Olafsson, sveitarstjóri Þórshafnar-
hrepps, Ari Jónsson, formaður hafn-
arstjórnar Sveitarfélagsins Horna-
Ijarðar, og Ólafur M. Kristinsson,
hafnarstjóri í Vestmannaeyjum.
Árni Þór Sigurðsson, formaður
hafnasambandsins,.þakkaði Stur-
laugi Þorsteinssyni, fV. bæjarstjóra
Sveitarfélagsins Homafjarðar, fyrir
vel unnin störf, en hann gekk úr
stjóminni er hann lét af starfi sem
bæjarstjóri. Jafnframt bauð hann
velkominn til starfa í stjóminni Ara
Jónsson.
Þegar ísak J. Ólafsson lét af starfi
sem sveitarstjóri Þórshafnarhrepps í
nóvember sl. tók sæti í stjórninni
Bjöm Magnússon, formaður hafn-
arstjórnar Akureyrar, sem verið
hafði varafúlltrúi Isaks.
Næsti ársfundur á Akur-
eyri 12. og 13. október
Guðný Sverrisdóttir, formaður
Hafnasamlags Norðurlands, bauð í
lok fundarins að næsti ársfundur
hafnasambandsins yrði haldinn á
Akureyri 12. og 13. októbernk.
Skýrslu formanns til ársfúndarins
og ávarp Sturlu Böðvarssonar sam-
gönguráðherra er að finna á heima-
síðu sambandsins www.samband.is
undir samstarf.
Á fundi sem stjórn Hafnasam-
bands sveitarfélaga hélt í Þorláks-
höfn 28. apríl sl. var eftirfarandi
samþykkt samhljóða:
í ljósi ákvörðunar Samskipa um
að hætta strandflutningum og auka
þess í stað landflutninga telur stjóm
Hafnasambands sveitarfélaga nauð-
synlegt að kanna til hlítar sam-
keppnisstöðu sjóflutninga gagnvart
landflutningum. Sú þróun sem átt
hefúr sér stað hér á landi, þar sem
sjóflutningar hafa sífellt látið undan
fyrir landflutningum, er á skjön við
það sem nú á sér stað í löndunum í
kringum okkur. Þar em stjómvöld
að leita leiða til að auka sjóflutninga
á kostnað landflutninga og em meg-
inrökin þau að sjóflutningar séu
æskilegri frá umhverfissjónarmiði,
þeir dragi úr sliti á samgöngumann-
virkjum, leiði til fækkunar slysa í
umferðinni og séu þjóðhagslega
hagkvæmir. Hér á landi er samfé-
lagslegur kostnaður landflutninga í
ríkum mæli greiddur niður af al-
mennum bifreiðaeigendum en slíkt
hlýtur óhjákvæmilega að skekkja
samkeppnisstöðu sjóflutninga gagn-
vart landflutningum. Ennfremur má
benda á að hafnir landsins hafa víða
lagt í mikla §árfestingu til þess að
búa sem best að sjóflutningum,
bæði í hafnarmannvirkjum og í að-
stöðu á landi. Þessi fjárfesting er að
miklu leyti nýtt af landflutningsaðil-
um þótt þeir greiði engin gjöld fyrir
eins og ef um sjóflutninga væri að
ræða. Stjóm hafnasambandsins telur
að hér sé um mikla óheillaþróun að
ræða sem þar að auki byggi á ójafn-
ræði flutningamáta. Stjórnin sam-
þykkir þvi að Ieita leiða til að vinna
að leiðréttingum í þessu máli.
í bréfi til samgönguráðherra þar
sem ályktunin var kynnt var lögð
áhersla á að hér sé um að ræða mik-
ilvægt samgöngumál sem m.a. hafi
þýðingu fyrir samræmda sam-
gönguáætlun sem unnið sé að í sam-
gönguráðuneytinu.
1 49