Uppeldi og menntun - 01.01.2013, Side 135

Uppeldi og menntUn/icelandic JoUrnal of edUcation 22(1) 2013 135
KRISTÍN bJöRNSDÓTTIR
MENNTAvÍSINDASvIÐI HÁSKÓLA ÍSLANDS
Sandleikur og sögugerð
Barbara A. Turner og Kristín Unnsteinsdóttir. (2011). Sandplay and storytelling:
The impact of imaginative thinking on children‘s learning and development.
Cloverdale: Temenos Press. 256 bls.
Sandleikur (e. sandplay therapy) er meðferðar- og greiningartæki í sálgæslu þar sem
unnið er með sand og ýmsa smáhluti. Í gegnum leik mótar barnið sandinn, býr til
mynd og frásögn um myndina. Meðferðaraðilinn getur síðan notað myndina og sög-
una með barninu í áframhaldandi meðferð eða þjálfun. Sandleikur er byggður á þeim
sálfræðilegu meðferðum sem gjarnan eru kenndar við svissneska sálfræðinginn Carl
Jung (1875–1961). Á Íslandi er sandleikur tiltölulega nýtt fyrirbæri og helst tengt við
námsverið í Ártúnsskóla þar sem Kristín Unnsteinsdóttir, annar höfundur bókarinnar,
starfar.
Bókin Sandplay and storytelling er samstarf tveggja kvenna sem hafa sérhæft sig í
sandleik sem meðferðarformi. Barbara Turner er sálgreinir og hefur í um 25 ár notað
sandleik sem meðferðar- og greiningartækni í sálgæslu barna. Kristín Unnsteinsdóttir
er forstöðumaður námsvers Ártúnsskóla í Reykjavík. Kristín er doktor í uppeldis- og
kennslufræðum, hefur stundað nám í sálarfræðum og sandleik og á að baki áralangt
starf með börnum og unglingum.
UPPBygging Og MEginEfni BóKar
Bókinni er skipt í sex hluta sem hver um sig hefur skýrt afmarkað viðfangsefni. Fyrsti
hlutinn er stutt en upplýsandi kynning á höfundum bókarinnar. Þar er greint frá því
að rannsóknin sem bókin fjallar um hafi verið framkvæmd af Kristínu Unnsteins-
dóttur en hlutverk Barböru Turner í rannsóknarferlinu, bókarskrifunum og eðli sam-
starfs þeirra ekki sérstaklega útskýrt. Annar hlutinn er kynning á sandleik og hvernig
meðferðin gengur fyrir sig. Þriðji hlutinn fjallar um tengsl sandleiks og taugafræði
(e. neurology) og áhrif hans á starfsemi heilans. Í fjórða hluta er fjallað um skapandi
sögugerð. Fimmti hluti bókarinnar greinir frá rannsókn á sandleik og sögugerð og
Uppeldi og menntun
22. árgangur 1. hefti 2013