SunnudagsMogginn - 15.04.2012, Síða 29

15. apríl 2012 29
eru ótrúlegar. Af hverju eigum við orðasambandið að bera
út barn? Af hverju er orðasamband um það að drepa börn
nokkuð sem allir Íslendingar skilja? Þetta orðasamband
lýsir ótrúlegri neyð sem hefur verið í landinu. Í dag deyja
íslenskar konur ekki vegna barnsburðar en í Vestur-Afríku
deyja um 13 prósent kvenna af þeim orsökum. Ég held að
Íslendingar vilji gera allt til að koma í veg fyrir að kona
sem er fæða barn deyi vegna barnsburðar. Það er skelfilegt
þegar barnsfæðing, sem á að vera einn gleðilegasti atburð-
ur lífsins, verður að harmleik.
En það eru jákvæðar fréttir. Á síðustu tíu árum hefur
ungbarnadauði minnkað. Aðgengi að vatni er að aukast.
Fleiri eiga kost á menntun en áður. Framfarir
í heiminum eru gríðarlegar þótt maður fái
það kannski ekki á tilfinninguna þegar mað-
ur fylgist með fjölmiðlum. Auðvitað er stað-
an ekki orðin góð en hún er mun betri en
hún hefur áður verið.“
Íslendingar eiga mikið í UNICEF
Oft heyrast rökin um að fyrst og fremst eigi
að hjálpa fólki í eigin landi og aðrir eigi því
að mæta afgangi. Hvernig svararðu þeim
rökum?
„Auðvitað eigum við að skapa samfélag
sem hugsar vel um fólk. Mestu auðæfi sem
við förum á mis við er þegar einstaklingar ná
ekki að þróa með sér alla eiginleika sína og fá
ekki að blómstra. En ef við horfum á mark-
miðin sem Sameinuðu þjóðirnar hafa sett um
þróunaraðstoð, þá er stefnt að því að 0,7
prósent af þjóðarframleiðslu fari til þróun-
araðstoðar sem þýðir að 99,3 prósentum er
varið innanlands. Það er nauðsynlegt að líta
á þessi mál í þessu samhengi. 0,7 prósent eru
markmiðið en Ísland hefur aldrei náð því
markmiði. Þegar við höfum staðið okkur
best höfum við náð helmingnum af því sem
miðað er við. Í ár fara 0,2 prósent af þjóð-
arframleiðslu okkar til þróunaraðstoðar. Við
erum ríki sem er númer 14 á lífskjaralista
Sameinuðu þjóðanna. Við erum í hópi rík-
ustu þjóða í heimi og ættum að geta staðið
við 0,7 prósent markmiðið. Stuðningur okk-
ar við fátæk lönd þarf ekki að bitna á inn-
lendri aðstoð. Það er líka gott fyrir okkur að
hafa í huga hvaða stuðning við höfum fengið
í gegnum tíðina frá erlendum ríkjum.
Ég skil að þessi umræða komi upp og að
fólk vilji gera vel við þá sem standa því
nærri. En ég sé þetta ekki fyrir mér sem val-
kostinn annaðhvort eða.“
Finnst þér of mikill hiti í þessari um-
ræðu?
„Stundum er mikill hiti í umræðunni en
hann er ekki meiri en var fyrir sjö árum þeg-
ar við hófum starfsemi. Íslendingar hafa sýnt
starfi UNICEF mikinn áhuga. Í engu landi í
heiminum eru fleiri einstaklingar, miðað við
höfðatölu, sem gefa til UNICEF en hér á Ís-
landi, það er að segja eru heimsforeldrar. Við
Íslendingar eigum því nokkuð mikið í UNI-
CEF.“
Að snerta dýpri strengi
Er ekki óhjákvæmilegt að maður sem vinn-
ur við starf eins og þetta velti fyrir sér trú-
málum og tilgangi lífsins?
„Ég leita mikið í trúna. En ég lít á trú sem
mjög persónulegt mál og er því tregur til að
ræða hana. Mér finnst það vera grundvall-
aratriði að fólk finni frið innra með sér og tel
að það sé lykillinn að ytri friði.“
Ég veit að þú rekur heilsubúð á horni
Njálsgötu og Klapparstígs. Ertu mikill
áhugamaður um heilsufæði?
„Ég hef verið grænmetisæta í sautján ár.
Að reka heilsubúð er skemmtilegt áhugamál
um leið og ég lít á það sem þjónustu við sam-
félagið. Áhugi á heilsuvörum eykst stöðugt
og þar eru alls konar tískusveiflur sem gam-
an er að fylgjast með. Áhugi minn á heilsu-
fæði tengist hugleiðslu og jóga sem ég
stunda.“
Býrðu yfir mikilli hugarró?
„Það er misjafnt, stundum gengur mér vel
að halda einbeitingunni en svo á ég til að
missa mig í öldurót hversdagsins. En ég finn
að það er bein tenging milli persónulegrar
líðanar minnar frá degi til dags og þess
hvernig mér gengur að iðka hugleiðsluna.
Enginn maður kemst í gegnum daginn án
þess að hugsa en hugurinn getur orðið okkar
helsti óvinur. Áreitið í umhverfinu er mikið
og það er hægt að týna sjálfum sér í því.
Hugleiðsla er leit að innri friði. Flestallir eiga
einhverja flóttaleið, hvort sem það er í gegn-
um tónlist, náttúruna eða áhugamál. Margir
hafa til dæmis upplifað það að hlusta á fallega
tónlist og endurnærast. Aðrir finna tilfinn-
ingu kannski þegar þeir ganga á ströndinni,
sjá sólarlagið og horfa á hafið. Slík upplifun
er á margan hátt eins konar hugleiðsla, því
með þessu er fólk að róa hugann og snerta
dýpri strengi innra með sér.“
’
Það versta var að koma inn á spítala fyrir van-
nærð börn í Síerra Leóne. Þau voru ákaflega illa
á sig komin og maður fylltist þyngslum og von-
leysi við að sjá í hvaða ástandi þau voru. Þarna hitti ég
unga stúlku með barn sitt og ég spurði hana hvað hún
væri gömul. Hún var sextán ára og barnið var þriðja
barnið hennar. Þessi unga móðir var sjálf bara barn en
átti samt þrjú börn. Ég þurfti að fara út í smátíma og
jafna mig á þessu öllu saman.
Morgunblaðið/Sigurgeir S.
Smiðjuvegi 7 - 200 Kópavogi - Sími: 54 54 300
Opnunartími: 08:00 - 17:00 alla virka daga
www.ispan.is - ispan@ispan.is
CE-VOTTUN ER
OKKAR GÆÐAMERKI
Sérfræðingar í gleri
… og okkur er nánast ekkert ómögulegt
HERT GLER:
Í sturtuklefa • Í handrið • Í skjólveggi