SunnudagsMogginn - 15.04.2012, Side 33

keppninni. Meiðslin spilltu þessu tímabili
fyrir mér en ég horfi bjartsýnn fram á
veginn. Hnéð er til vandræða og ég hef
farið í níu aðgerðir vegna þess. Það virkar
ekki eins og heilbrigt hné en er eins gott
og kostur er. Ég vonast til þess að verða
orðinn góður fyrir næsta tímabil og
framundan er mikilvægur tími þegar
voræfingar fara í hönd,“ sagði Kostelic og
bætir því við að hann hafi einnig farið í
eina aðgerð á vinstra hnénu.
Með honum í för að þessu sinni er
yngri systir hans Janica sem ætti að
þekkja þær aðstæður sem bróðirinn lýsir.
Hún vann allt sem hægt var að vinna á
skíðunum oftar en einu sinni og varð til
að mynda fjórfaldur ólympíumeistari.
Hnémeiðsli bundu enda á glæsilegan feril
hennar þegar hún var aðeins 24 ára göm-
ul en hún á að baki álíka margar hnéað-
gerðir og Ivica. Þau systkini eru hálf-
gerðir brautryðjendur í skíðaíþróttinni í
heimalandi sínu þar sem íþróttahefðin er
mikil.
Ástríða og metnaður
Blaðamanni leikur forvitni á að vita
hvernig hægt sé að halda sér í fremstu
röð í heiminum þegar alvarleg meiðsli
setja ítrekað strik í reikninginn. „Ég
kann ákaflega vel við mig á skíðunum og
í snjónum og í því felst líklega mesti
hvatinn. Í öðru lagi þá fylgja reyndir
íþróttamenn oft og tíðum ákveðnu
vinnusiðferði sem má kalla rútínu. Maður
reynir að gera eins vel og hægt er í öllum
aðstæðum. Það á einnig vel við um
meiðslin. Þó hnéð sé ekki 100% gott þá
langar mig engu að síður til að halda
áfram að æfa og keppa. Íþróttin hefur
fært mér mikla gleði og mig langar ekki
að gefa hana upp á bátinn. Ég hef sett mér
ákveðin markmið sem ég á eftir að ná.
Þar ber helst að nefna ólympíugull og að
því mun ég vinna næstu tvö árin. Auk
þess hef ég sett mér ýmis smærri mark-
mið sem einnig eru hvetjandi,“ sagði
Kostelic hreinskilinn og gera má ráð fyrir
því að okkar maður mæti grár fyrir járn-
um á leikana í Sochi árið 2014.
Ivica Kostelic kemur blaðamanni fyrir
sjónir sem afskaplega heilsteyptur maður
og ekki þyrfti að koma á óvart ef
„tengdasonurinn“ fullkomnar verð-
launasafnið með ólympíugulli í Rúss-
landi. Kostelic var auk þess duglegur að
gefa af sér hérlendis. Má þar nefna að
hann hélt erindi um hvað þyrfti til að ná
langt í skíðaíþróttinni og þótti heimild-
armönnum Morgunblaðsins það afar
fróðlegt.
Ivica Kostelic er í
hópi fremstu skíða-
manna í heimi.
’
Ég hef kynnst staðn-
um og mér líkar víð-
áttan vel. Ef maður
stendur til dæmis uppi í
þessu fjalli þá blasir sjón-
deildarhringurinn við
manni.
15. apríl 2012 33