SunnudagsMogginn - 15.04.2012, Page 34

34 15. apríl 2012
Einstaklingar eru eins ólíkir ogþeir eru margir en það er ekkiósennileg ályktun að fólk meðsvipuð áhugamál leiti inn á
svipaðar eða sömu brautir í lífinu.
Margar starfsstéttir deila meiru en bara
sama atvinnuheitinu og eru dæmi um
að svipuð áhugamál fari um alla stétt-
ina líkt og eldur um sinu. Nú er þetta
ekki algilt lögmál en áhugavert engu
að síður að kanna. Sem dæmi má nefna
lögfræðinga sem keppa ekki bara sín á
milli í dómssalnum heldur eru margir
afreksmenn í íþróttum og keppa þá
gjarnan í fótbolta, handbolta eða jafn-
vel skák, svo eitthvað sé nefnt.
Öllu áhugaverðari eru þó læknar.
Þeir lækna ekki bara kvilla okkar með
tækjum og tólum læknisfræðinnar
heldur hafa þeir gefið okkur mikið af
góðri tónlist sem oft á tíðum er besta
meðalið þegar eitthvað bjátar á.
Áhugi lækna á tónlist er ekki bara
ögn meiri en annarra heldur má vel
fullyrða að læknastéttin sé tónlist-
arsinnaðri en aðrar háskólastéttir sem
ekki eru sérstaklega menntaðar í tón-
list. Sá fjöldi lækna sem stundar tónlist
að einhverju leyti eða hefur gefið út
eigin plötur er ótrúlegur og vel þess
virði að skyggnast inn í tónlistarheim
læknanna.
Faðir og sonur syngja og lækna
Feðgarnir Haukur Heiðar Ingólfsson og
Haukur Heiðar Hauksson eru báðir
læknar og báðir hafa þeir gefið út tón-
list og eru þekktir hvor á sínu sviði í
tónlistinni. Haukur Heiðar eldri, heim-
ilislæknir og píanóleikari, hefur í fjölda
ára yljað landsmönnum um hjartaræt-
ur með tónlist sinni en hann spilaði
lengi með Ómari Ragnarsyni og hefur
gefið út létthlustunarplötur eins og
Með suðrænum blæ, Suðrænar perlur,
Á ljúfum nótum, Mánaskin og Glitra
gullin ský.
Sjálfur segir Haukur að hann hafi
byrjað í tónlistinni áður en hann hóf
nám í læknisfræði. „Tónlistin kom á
undan læknisfræðinni og ég byrjaði
ungur að spila danstónlist á Akureyri.
Þegar ég fór að hafa áhuga á lækn-
isfræðinni ætlaði ég að hætta að spila
en þá varð Ómar Ragnarsson á vegi
mínum og ég hef allar götur síðan
skipt tíma mínum milli tónlistarinnar
og læknisfræðinnar.“ Sonur Hauks
Heiðars eldri er Haukur Heiðar Hauks-
son söngvari hljómsveitarinnar Diktu
en hana þekkja flestir landsmenn enda
ein besta og vinsælasta hljómsveit
landsins. Eins og pabbi hans fór Hauk-
ur í læknisfræði en sagði ekki skilið við
tónlistina heldur notaði hana til að
hjálpa sér í gegnum námið sem er bæði
mikið og þungt. „Þegar ég tók mér
pásu frá lærdómnum þá var ég að
semja og spila og notaði þannig tón-
listina til að komast í gegnum námið.
Síðan eru margir sem voru með mér í
árgangi í læknisfræðinni sem hafa æft
og spilað á hljóðfæri þó ég sé ekki viss
um hvort þeir eru allir að spila í dag,“
segir Haukur Heiðar Hauksson. Þá
bendir hann á að tónlistin sé góð leið
til að kúpla sér aðeins frá eftir erfiðan
dag í vinunni.
Sinna hjörtum annarra í vinunni og
sínum eigin með tónlistinni.
Hjartalæknarnir Helgi Júlíus Óskarsson
og Ragnar Danielsen hafa báðir unnið
við tónlist og báðir gefið út plötur með
eigin efni. Sun for a lifetime var fyrsta
plata Helga en hann helgar tónlistinni
sífellt meiri tíma og gaf nýlega út plöt-
una Haustlauf. Helgi er einn af þessum
tónlistarmönnum sem spila eftir eyr-
anu og segist hann sjálfur hvorki lesa
né skrifa nótur í nokkrum mæli heldur
sé tónlistin einfaldlega spiluð eftir eyr-
anu.
Fyrsta plata Ragnars Danielsen eða
Ragga Dan eins og hann kallar sig í
tónlistinni er Hughrif en Morgunblaðið
er nýlega búið að fjalla um plötuna
hans sem er feikilega góð og inniheld-
ur instrumental lög í rólegri kantinum.
Ragnar er að auki einn af upphafs-
mönnum Stuðmanna en hann stofnaði
hljómsveitina á menntaskólaárum sín-
um í MH með Jakobi Frímanni, Gylfa
Kristinssyni og Valgeiri Guðjónssyni.
Listin í
lækningunni
Á bakvið hvíta læknasloppinn er ekki bara að
finna hafsjó fróðleiks um mannslíkamann, lyf og
sjúkdóma. Fjöldi íslenskra lækna syngur, semur
og spilar tónlist í frístundum sínum.
Vilhjálmur Andri Kjartansson vilhjalmur@mbl.is
Heimilislæknirinn Haukur Heiðar Ingólfsson var um það bil sjö ára þegar hann fór að fikta
við gamalt stofuorgel sem móðir hans átti og hefur verið viðloðinn tónlistina síðan.
Ljósmynd/Kristinn Ingvarsson
Helgi Júlíus hjartalæknir og tónlistarmaður hefur gefið út nokkrar plötur undanfarið en síð-
asta plata hans kom út rétt fyrir jól og heitir Haustlauf.
Morgunblaðið/Golli
Haukur Heiðar Hauksson söngvari hljómsveitarinnar Diktu þarf vart að kynna enda einn-
vinsælasti og besti söngvari landsins en hann sinnir tónlist og læknastarfi líkt og faðir sinn.
Morgunblaðið/Eggert