Morgunblaðið - 08.06.2012, Qupperneq 10

Kristín Heiða Kristinsdóttir
khk@mbl.is
Þ
eir voru alltaf á sveimi í
kringum mig og að
krunka hér utan við hús-
ið mitt, og þess vegna
valdi ég að gera um þá
verkefni. Ætli þeir hafi ekki verið að
minna á sig,“ segir Gerður Guð-
mundsdóttir um krumma tvo sem eru
nágrannar hennar, en hún setti ný-
lega upp sýningu á Árbæjarsafni sem
heitir Krummakrunk – um hrafninn í
íslensku samfélagi. Sýningin verður
opin í allt sumar en hún er hluti af
lokaverkefni Gerðar í hagnýtri menn-
ingarmiðlum við HÍ. „Sýningin er
hugsuð fyrir börn en hún er ekki síð-
ur áhugaverð fyrir fullorðna. Börnin
fá að leggja sitt af mörkum, þeim
stendur til boða að teikna mynd af
krumma og þær myndir verða hluti
af sýningunni. Þau geta líka sett á sig
heyrnartól og hlustað á hljóðin hans
krumma sem eru ótrúlega marg-
vísleg, en ég tók þau upp sjálf í þess-
um tveimur utan við heimili mitt,“
segir Gerður og bætir við að á opn-
uninni hafi óvænt mætt einn flögr-
andi krummi. „Hann krunkaði með
mér og ég hafði sérstaklega gaman af
því.“
Holdbori, viti, krákur, spori
Krummi er fugl Hrafna-Flóka
og fugl landnáms Íslands. „Hann er
stór hluti af íslenskri menningu og
um hann eru til ótal sögur, bæði þjóð-
sögur og nýrri sögur. Í sögunum er
hann oft gáfaður bjargvættur og for-
spár en hann getur líka verið illgjarnt
fól og hrafnsgall þurfti til að fram-
kvæma misgóða galdra. Gamlar
krummavísur eru langlífar og þær
eru enn sungnar, flestir Íslendingar
Þú ert eins og
úfinn hrafnsungi
Allir þekkja krumma sem getur verið stríðinn, uppátækjasamur, glysgjarn,
grimmur, vitur, tryggur og góður. Sumir segja hann boðbera válegra tíðinda en
aðrir leggja sig fram um að gefa honum mat, af því Guð launar fyrir hrafninn.
Mörg orðatiltæki eru tengd honum og um tuttugu ólík hljóð koma úr barka hans.
Morgunblaðið/Styrmir Kári
Laupur Gerður bjó til laup með greiðu, garni, spýtu og kaðli eins og vera
ber, því krummi er vanur að tína til allskonar dót í hreiðrið sitt.
Hrafnsgörn Hluti þeirra orðatiltækja sem Gerður setti upp á vegg á sýn-
ingunni og tengjast krumma karlinum, sem er stór hluti af þjóðarsálinni.
10 DAGLEGT LÍF
MORGUNBLAÐIÐ FÖSTUDAGUR 8. JÚNÍ 2012
Vefsíðan knuz.is var stofnuð í minn-
ingu Krumma, Gunnars Hrafns Hrafn-
bjargarsonar, sem féll frá fyrir aldur
fram, en hann var afkastamikill í net-
skrifum. Eitt af því síðasta sem
Krummi skrifaði í lífinu var: „Alnetið
þarf knúz miklu oftar. Annars breyt-
ist það í vígvöll.“ Vinir hans vilja
breiða út knúzið, sem er vinalegt og
smáfyndið, en líka grafalvarlegt and-
svar við hverskyns óréttlæti og vit-
leysu. Krummi var mikill femínisti en
tilgangur síðunnar Knuz.is er einmitt
að vera vettvangur þeirra sem vilja
reynast góðir femínistar í eftirfarandi
skilningi: Femínisti er manneskja
sem hefur áttað sig á því að jafnrétti
kynjanna er ekki náð og vill gera eitt-
hvað til að breyta því. Fastir höfundar
skrifa greinar á síðuna en fólk er líka
hvatt til að senda inn efni og ábend-
ingar. Vonin er að skrifin geti stuðlað
að breytingum í átt til jafnréttis.
Vefsíðan www.knuz.is
Morgunblaðið/Eggert
Jafnrétti Krafan um jafnrétti kemur upp á mörgum sviðum samfélagsins.
„Alnetið þarf knúz miklu oftar“
Á morgun, laugardag, verður talið í
rokkveislu í Bragganum við Slátur-
húsið á Egilsstöðum þegar VegaREIÐI
verður haldin í sjötta sinn. Þar munu
koma fram VAX, 200.000 Naglbítar,
Gunslinger, B.J. and the army, 2nd
white sunday, The Cocksuckerband og
hljómsveitin Brönd. Aðaltilgangur veg-
aREIÐI er að bjóða upp á góða rokk-
tónleika á Héraði og gefa ungu fólki
kost á því að taka þátt og njóta og
ekki síst gefa tónlistarfólki á Austur-
landi tækifæri til að koma og reyna sig
í faglegu umhverfi. Húsið verður opn-
að kl. 20 og tónleikunum lýkur upp úr
miðnætti. Allir velkomnir, frítt inn.
Endilega…
…farið austur í
rokkveislu
VegaREIÐI Frábær rokkveisla.
Nú þegar sumarið er loksins komið
og allt í blóma í sveitum landsins, er
ekki laust við að borgarbúar vilji
komast út úr bænum og í snertingu
við lífið í sveitinni. Þeir sem ekki eiga
frændfólk í sveitinni eða hafa af öðr-
um ástæðum ekki aðgang að lífinu
þar, ættu hiklaust að nýta sér opna
húsið sem verður á sunnudaginn
næsta, 10. júní, hjá yfir 100 ferða-
þjónustubændum um land allt. Þann
dag ætla þeir að taka á móti fólki
milli kl. 13.00-17.00 og þá getur fólk
fengið að skoða aðstöðuna hjá þeim,
þegið kaffisopa, spjallað við bændur
og upplifað stemninguna á bæjunum.
Mikið verður um að vera og á
ákveðnum bæjum verður hægt að
fylgjast með mjöltum, skoða fjár-
húsin, taka þátt í heimatilbúinni sæl-
gætisgerð, fara á hestbak og gæða
sér á heimabakstri, svo fátt eitt sé
nefnt. Nú er lag að skella sér í sveit-
ina á opna húsið sem er í boði Ferða-
þjónustu bænda, Beint frá býli og Op-
ins landbúnaðar. Nánari upplýsingar
og lista yfir þá bæi sem bjóða heim
má finna á vefsíðunni www.sveit.is
Ferðaþjónustubændur bjóða heim
Opið hús í sveitinni á sunnudag
Morgunblaðið/Styrmir Kári
Dásamlegar Kýr eru indælar skepnur þrungnar stóískri ró og góðri nærveru.
Skannaðu kóðann
til að fara inn á
vefsíðuna.
Full búð
af fallegum
fatnaði á alla
fjölskylduna!
F Y R I R Þ I G O G Þ Á S E M
Þ É R Þ Y K I R V Æ N S T U M !
KRINGLUNNISími: 5513200