Morgunblaðið - 08.06.2012, Blaðsíða 32

32 UMRÆÐAN
MORGUNBLAÐIÐ FÖSTUDAGUR 8. JÚNÍ 2012
- nýr auglýsingamiðill
LEITAÐU EKKI LANGT
YFIR SKAMMT
Glæsilegt bílablað
fylgir með Finnur.is alla fimmtudaga
Blaðinu er dreift í 85.000 eintökum á öll heimili á höfuðborgarsvæðinu
Sendu pöntun á finnur@mbl.is eða hafðu samband í síma 569-1100
Allar auglýsingar birtast bæði í blaðinu og á mbl.is
Þegar norskt flutn-
ingaskip lagðist að
bryggju á Akranesi síð-
astliðinn þriðjudag
hlaðið norsku sementi
má segja að staðfest
hafi verið mikil afturför
í íslenskum iðnaði og
um leið atvinnusögu
Akraness. Íslenskt
sement heyrir sögunni
til, í bili að minnsta
kosti. Reyklaus stromp-
ur Sementsverksmiðjunnar verður
minnismerki um slæma þróun í at-
vinnumálum á Akranesi og dæmi um
ótrúlegt sinnuleysi stjórnvalda, sem
stóðu ekki vörð um rekstur verk-
smiðjunnar.
Slíkt sinnuleysi sýndu stjórnvöld
einnig þegar E-deild
sjúkrahússins á Akra-
nesi var lokað á dög-
unum. Fjölmargir
starfsmenn hafa fyrir
vikið misst vinnuna á
báðum þessum vinnu-
stöðum. Títtnefndar
skjaldborgir í hug-
skotum vinstrimanna
duga ekki þessu fólki
frekar en öðrum.
Við slíka atburði sem
ég hef nefnt hér að
framan léttir það hins
vegar lundina að fylgj-
ast með fyrirtækjum í bæjarfélaginu
sem gera það gott þessa dagana. Þar
má nefna Skagann hf. og Þorgeir og
Ellert hf. sem nýverið tóku að sér
risavaxin verkefni innanlands og utan
sem skapa fjölda starfa. Ekki má
heldur gleyma Akraborg ehf. og
Vigni Jónssyni ehf. en bæði hafa þau
fyrirtæki sérhæft sig í niðursuðu fisk-
afurða og náð eftirtektarverðum ár-
angri í markaðssetningu. Fleiri
smærri fyrirtæki mætti nefna sem
gera það gott þessa dagana hér á
Skaga, sem betur fer. Þessi fyrirtæki
að ógleymdri starfseminni á Grund-
artangasvæðinu hafa sjaldan eða
aldrei verið okkur Akurnesingum
mikilvægari en einmitt nú þegar
stjórnvöld leggja stein í götu allra
góðra hugmynda í atvinnumálum.
Daprir og bjartir
punktar úr atvinnulífinu
Eftir Gunnar
Sigurðsson » Íslenskt sement
heyrir sögunni til, í
bili að minnsta kosti.
Gunnar
Sigurðsson
Höfundur er bæjarfulltrúi
Sjálfstæðisflokksins á Akranesi.
Sementsflutningaskip Norska flutningaskipið sem lagðist að bryggju á Akranesi síðastliðinn þriðjudag.
Svo vill til að ég
hef haft persónuleg
kynni af fjórum for-
setum Íslands, öllum
nema hinum fyrsta,
Sveini Björnssyni.
Nánust hafa þau ver-
ið við Vigdísi, enda
er ég bundinn henni
ævivináttu. Öll fjögur
hafa þau þurft að
taka erfiðar ákvarð-
anir, og þremur þeirra, Ásgeiri
Ásgeirssyni, Kristjáni Eldjárn og
Vigdísi Finnbogadóttur, tókst það
án þess að valda sundrungu með
þjóðinni. Aldrei man ég til þess að
efast væri um, að þau ynnu þjóð
sinni af einlægni. Aldrei man ég
til þess að þau væru sökuð um að
hugsa fyrst og fremst um sig sjálf.
Aldrei held ég hafi hvarflað að
neinu þeirra að fjárglæframenn
væru til fyrirmyndar og þeim
bæri að sýna sérstakan heiður.
Þau voru blátt áfram og fremst
meðal jafningja. Mér er það sér-
staklega í minni þegar Kristján
Eldjárn sagði, að alþýðlegur
virðuleiki skyldi ríkja á Bessastöð-
um. Þau voru varkár í orðum og
gætin í umgengni við þjóð sína.
Þau unnu landi sínu og þjóð sinni
án þjóðrembu og yfirlætis. Á tím-
um þeirra var forsetaembættið
ekki tilefni til deilna eða átaka. Þá
var sátt með þjóð og forseta – og
gagnkvæm virðing.
Við erum mörg sem söknum
þeirra tíma þegar við gátum litið
upp til forseta Íslands
og treyst orðum hans.
Við erum orðin þreytt
á að heyra hann segja
að hann hafi ekki sagt
það sem hann hefur
sagt. Við erum þreytt
á slóttugum leikara-
skap. Við erum þreytt
á undanbrögðum. Við
erum þreytt á steig-
urlæti og mik-
ilmennsku. Við erum
þreytt á yfirborðs-
mennsku og óeinlægni. Við erum
þreytt á sjálfsréttlætingu. Og –
þótt ekki komi annað til – þá á
engin manneskja, hver sem hún er
og hvað sem hún heitir – að geta
verið forseti Íslands í 20 ár. Það
er andstætt lýðræðislegri grund-
vallarhugsjón.
Nú gefst tækifæri til að snúa af
villubraut og aftur inn á heil-
brigðan framtíðarveg. Þær hörm-
ungar sem hafa dunið á þjóðinni í
efnahags- og siðferðishruni eftir
óraunsæja eftirsókn eftir hégóma
ímyndaðs ríkidæmis, ættu að
kenna okkur að meta á ný hin
fornu gildi um visku, hófstillingu,
réttlætiskennd og hugrekki. Það
er kominn tími til að við sýnum
hugrekki til að horfast í augu við
okkur sjálf og endurheimta ein-
falda alþýðlega reisn. Þar ætti for-
seti Íslands að vera fremstur í
flokki. Persónulega treysti ég
Þóru Arnórsdóttur til þess.
Forseti sátta eða
sundurlyndis
Eftir Njörð P.
Njarðvík
Njörður P. Njarðvík
» Þótt ekki komi annað
til – þá á engin
manneskja, hver sem
hún er og hvað sem hún
heitir – að geta verið
forseti Íslands í 20 ár.
Höfundur er prófessor emeritus.
Móttaka aðsendra
greina
Morgunblaðið er vettvangur lifandi
umræðu í landinu og birtir aðsend-
ar greinar alla útgáfudaga.
Þeir sem vilja senda Morg-
unblaðinu greinar eru vinsamlega
beðnir að nota innsendikerfi blaðs-
ins. Kerfið er auðvelt í notkun og
tryggir öryggi í samskiptum milli
starfsfólks Morgunblaðsins og höf-
unda. Morgunblaðið birtir ekki
greinar sem einnig eru sendar eru
á aðra miðla.
Að senda grein
Kerfið er aðgengilegt undir
Morgunblaðslógóinu efst í hægra
horni forsíðu mbl.is. Þegar smellt
er á lógóið birtist felligluggi þar
sem liðurinn "Senda inn grein" er
valinn.
Í fyrsta skipti sem inn-
sendikerfið er notað þarf notand-
inn að nýskrá sig inn í kerfið. Ít-
arlegar leiðbeiningar fylgja hverju
þrepi í skráningarferlinu. Eftir að
viðkomandi hefur skráð sig sem
notanda í kerfið nóg að slá inn
kennitölu notanda og lykilorð til að
opna svæðið. Hægt er að senda
greinar allan sólarhringinn.
Nánari upplýsingar veitir starfs-
fólk Morgunblaðsins alla virka
daga í síma 569-1100 frá kl. 8-18.