Morgunblaðið - 08.06.2012, Blaðsíða 27

FRÉTTIR 27Erlent
MORGUNBLAÐIÐ FÖSTUDAGUR 8. JÚNÍ 2012
Bogi Þór Arason
bogi@mbl.is
Liðsmenn vígasveita, sem nefnast
shabiha og styðja stjórnvöld í Sýr-
landi, voru í gær sagðir hafa myrt
tugi manna, þeirra á meðal mörg
börn, í þorpi og sveit í héraðinu
Hama í fyrradag.
Flestir shabiha-mannanna eru úr
röðum alavíta eins og Assad-fjöl-
skyldan sem hefur verið við völd í
Sýrlandi frá árinu 1971. Alavítar eru
um það bil 11% landsmanna, voru
kúgaðir öldum saman og hafa verið
fyrirlitnir meðal margra múslíma,
einkum súnníta sem telja þá vera
nánast villutrúarmenn. Flestir liðs-
menn uppreisnarsveitanna í Sýr-
landi eru súnnítar.
Shabiha-mennirnir hafa barist
með sýrlenska hernum gegn óvopn-
uðum mótmælendum og vopnuðum
uppreisnarsveitum. Vígamennirnir
eru ekki aðeins sakaðir um að hafa
barið mótmælendur til bana, heldur
einnig ráðist inn í byggðir súnníta til
að hræða þá til hlýðni með grimmi-
legum árásum, jafnvel hrannvígum.
Sýrlenskir stjórnarandstæðingar
sögðu í gær að minnst 55 og allt að 78
óbreyttir borgarar hefðu beðið bana
í þorpi og sveit norðvestan við borg-
ina Hama.
Rami Abdel Rahman, formaður
mannréttindahreyfingarinnar
SOHR, segir að staðfest hafi verið að
49 lík hafi fundist í Al-Kubeir, litlu
þorpi, og flest fórnarlambanna hafi
verið í einni fjölskyldu. „Á meðal
hinna látnu eru átján konur og
börn,“ sagði Rahman og bætti við að
minnst sex aðrir hefðu beðið bana í
annarri árás.
Illa brunnin lík
Hreyfing Rahmans og Sýrlenska
þjóðarráðið, bandalag stjórnarand-
stöðunnar, sögðu að shabiha-víga-
menn hefðu myrt fólkið.
Stjórnarandstæðingar sögðu að
sýrlenskir hermenn hefðu fyrst skot-
ið sprengjum á hús í Al-Kubeir. Sha-
biha-menn hefðu síðan ráðist inn í
þorpið, gengið hús úr húsi, vopnaðir
byssum og hnífum, skotið og stungið
fólkið til bana. Hermt var að víga-
mennirnir hefðu síðan kveikt í hús-
um og sum líkanna væru illa brunn-
in.
„Brunnin lík barna og kvenna lágu
á gólfunum,“ hafði fréttamaður AFP
eftir Laith, manni sem býr í nálægu
þorpi og fór inn í húsin. „Þetta var
hryllilegt fjöldamorð,“ sagði hann
titrandi röddu. „Fólk var tekið af lífi
og brennt. Lík ungra manna voru
tekin í burtu.“
Laith sagði að vígamennirnir
hefðu komið frá nálægum þorpum
alavíta og þeir hefðu tekið nokkur
líkanna með sér þangað.
Birt var myndskeið á YouTube af
líkum barna sem sögð voru hafa ver-
ið myrt í árásinni. Sum líkin voru illa
brunnin.
Sameinuðu þjóðirnar eru með 297
óvopnaða eftirlitsmenn í Sýrlandi en
yfirmaður þeirra sagði að þeir hefðu
ekki komist til Al-Kubeir í gær
vegna þess að hermenn og óbreyttir
borgarar hefðu stöðvað þá. Skotið
hefði verið á eftirlitsmennina.
Stjórn Sýrlands sagði að fréttir
fjölmiðla af manndrápunum væru
„algerlega ósannar“. „Hryðjuverka-
hópur framdi svívirðilegan glæp í
Hama sem kostaði níu manns lífið.
Fréttir fjölmiðlanna stuðla að blóðs-
úthellingum meðal íbúa Sýrlands,“
sagði í tilkynningu frá stjórninni.
Sýrlenska þjóðarráðið sagði hins
vegar að enginn vafi léki á því að
stjórnin bæri ábyrgð á manndrápun-
um. Talsmaður ráðsins hvatti vopn-
aðar sveitir uppreisnarmanna til að
herða árásir sínar á hersveitir og
vígamenn stjórnarinnar til að vernda
íbúana.
Rússneska utanríkisráðuneytið
lýsti manndrápunum sem ögrun og
sagði að markmiðið með þeim væri
að grafa undan friðaráætlun Kofis
Annans, sérlegs erindreka Samein-
uðu þjóðanna og Arababandalagsins
í málefnum Sýrlands. Ráðuneytið
sagði að blóðsúthellingarnar sýndu
að stjórnin og stjórnarandstaðan í
Sýrlandi þyrftu að virða friðaráætl-
unina. Ráðuneytið bætti við að ef
arabaríki hættu að sjá sýrlenskum
uppreisnarmönnum fyrir vopnum
myndi það stuðla að því að slík
fjöldamorð yrðu ekki framin aftur.
Rússnesk stjórnvald hafa lagst
gegn refsiaðgerðum eða hernaði til
að koma einræðisstjórninni í Sýr-
landi frá völdum og sagt að það sé
aðeins undir sýrlensku þjóðinni
komið hverjir eigi að stjórna landinu.
Hillary Clinton, utanríkisráðherra
Bandaríkjanna, sagði hins vegar að
fjöldamorðin í fyrradag sýndu að
einræðisstjórnin yrði að fara frá
þegar í stað og mynda þyrfti bráða-
birgðastjórn sem skipuð yrði fulltrú-
um sem flestra fylkinga í landinu.
Vígamenn stráfelldu saklaust fólk
 Mörg börn á meðal tuga óbreyttra borgara sem voru myrtir í árás liðsmanna vígasveita sem styðja
einræðisstjórnina í Sýrlandi  Árásarmenn úr röðum alavíta sagðir hafa ráðist á þorp súnníta
AFP
Blóðsúthellingar Uppreisnarmenn við útför manns sem beið bana í árás
sýrlenskra hermanna í Idlib-héraði í Sýrlandi í fyrradag.
100 kmDaraa
Hama
Homs
DAMASKUS
Sýrland
Idlib
Aleppo
Heimild: SOHR
TYRKLAND
ÍRAK
M
IÐ
JA
RÐ
AR
HA
F
JÓRDANÍA
Tugir manna biðu
bana í árás á þorp
súnníta í fyrradag
Deir Ezzor
LÍB
.
Al-Kubeir
Útskriftir 2012
Íslensk hönnun
og handverk
Kringlunni og
Síðumúla 35
www.jens.is
Borðbúnaður
úr eðalstáli skreyttur
íslenskum steinum
Kökuhnífur 11.800.-
Salattöng
17.800.-
Ostahnífur
5.900.-
Smjörhnífur
5.900.-
24.500.-
11.700.-
15.700.-
frá 39.000.-
Mikið úrval af
skartgripum með
íslenskum steinum
Blaðastandur
11.700.-
8.200.-
23.900.-