Morgunblaðið - 08.06.2012, Blaðsíða 26

26 FRÉTTIRErlent
MORGUNBLAÐIÐ FÖSTUDAGUR 8. JÚNÍ 2012
Berlín. AFP. | Angela Merkel, kanslari
Þýskalands, og David Cameron, for-
sætisráðherra Bretlands, sögðu eftir
fund þeirra í Berlín í gær að sáttmál-
inn um aukið aðhald í ríkisfjármálum
dygði ekki til að leysa skuldavanda
evruríkjanna.
25 af 27 aðildarríkjum Evrópu-
sambandsins hafa undirritað sátt-
málann. Merkel sagði á stuttum
blaðamannafundi eftir viðræðurnar
við Cameron að ríkisfjármálasátt-
málinn væri „nauðsynlegur en ekki
eina forsendan“ fyrir því að hægt
yrði að leysa vandann eftir tveggja
ára umrót á evrusvæðinu.
Cameron tók í sama streng og
sagði að fjármálasáttmálinn væri
„mikilvægur en ekki fullnægjandi“
til að binda enda á umrótið. Bretar
hafa ekki undirritað sáttmálann.
Boðar fullveldisafsal
Merkel lagði áherslu á að þýska
stjórnin væri staðráðin í því að
„tryggja stöðugleika á evrusvæðinu“
og vildi nota „þau tæki sem við höf-
um skapað til stuðnings“ skuldugum
evrulöndum. Hún sagði að evrulönd-
in þyrftu að fallast á fullveldisafsal á
fleiri sviðum en ríkisfjármálum til að
hægt yrði að hindra að slík kreppa
skylli á aftur.
Fyrir fundinn með Cameron sagði
Merkel í sjónvarpsviðtali að evrurík-
in þyrftu ekki aðeins að byggja upp
bandalag í ríkisfjármálum, heldur
einnig að koma á pólitískum sam-
runa. „Við þurfum fyrst og fremst
pólitískan samruna, það þýðir að við
þurfum að afsala okkur ábyrgð á
valdsviðum,“ sagði Merkel í viðtal-
inu.
Merkel og Cameron neituðu því
bæði að aukinn samruni evruríkja
leiddi til nýrrar tvískiptingar ESB,
eða „tveggja hraða Evrópu“ eins og
þau kalla það. „Við höfum alltaf haft
mismunandi myndir samruna,“
sagði Merkel og nefndi sem dæmi
Bretland og Danmörku sem hafa
ákveðið að taka ekki upp evruna.
„Við getum sætt okkur við Evrópu-
samband þar sem löndin fara ekki öll
á sama hraða,“ sagði hún.
Cameron tók í sama streng. „Ég
efast ekki um að evrulöndin munu
vilja leita eftir auknum samruna.
Þetta gerist augljóslega á næstu
mánuðum og árum,“ sagði hann.
„Bretland er ekki í myntbandalag-
inu, við munum ekki ganga í það,
þannig að við tökum ekki þátt í sam-
runanum.“
Cameron lagði einnig áherslu á að
Bretland myndi ekki taka þátt í
bankabandalagi sem er einnig til
umræðu innan Evrópusambandsins.
„Við myndum ekki vilja biðja breska
skattgreiðendur að ábyrgjast inn-
stæður spænskra og grískra banka,“
sagði hann.
Cameron áréttaði einnig andstöðu
Breta við þá hugmynd að innleiða
svonefndan Tobin-skatt á fjármála-
gjörninga og nota tekjurnar til að
styrkja fjármálakerfi ESB.
AFP
Báru saman ráð sín David Cameron og Angela Merkel á blaðamannafundi í
Berlín í gær eftir viðræður þeirra um skuldavanda evrulanda.
Segja að fjármála-
sáttmálinn dugi ekki
 Merkel beitir sér fyrir pólitískum samruna evrulanda
Þjóðverjar svartsýnir
» Ný skoðanakönnun bendir
til þess að 78% Þjóðverja telji
að skuldavandi evruríkja eigi
enn eftir að versna.
» Um 56% aðspurðra sögðust
hafa áhyggjur af sparifé sínu
og 53% bjuggust við því að
evrukreppan yrði til þess að
tekjur þeirra og eignir minnk-
uðu.
» Um 55% sögðu að betra
hefði verið að halda þýska
markinu en að taka upp evr-
una.
» 70% aðspurðra sögðust þó
telja að evran myndi halda
velli.
Nunna með innkaupapoka, merktan þýska tískufyrirtækinu Hugo Boss, á
hátíðargöngu í Varsjá í tilefni af dýradegi í gær. Dýridagur er hátíð í kaþ-
ólsku kirkjunni til minningar um innsetningu altarissakramentisins. Hún
hefur verið haldin frá 1264 og fellur á fimmtudag eftir þrenningarhátíð.
AFP
Dýridagur í Varsjá
Smiðjuvegi 7 - 200 Kópavogi - Sími: 54 54 300
Opnunartími: 08:00 - 17:00 alla virka daga
www.ispan.is - ispan@ispan.is
CE-VOTTUN ER
OKKAR GÆÐAMERKI
Sérfræðingar í gleri
… og okkur er nánast ekkert ómögulegt
HERT GLER:
Í handrið • Í skjólveggi
Grænmetisblanda
• Brokkál 25%
• Spínat 25%
• Rauðrófur 25%
• Salatkál 10%
• Gulrætur 10%
• Steinselja 4.95%
Lífrænt grænmeti
- Dagskammtur af næringu.
Fyrir alla fjölskylduna -
bragðgóður næringarauki í
barnamat.
100%hreint grænmetiduft.
40 daga skammtur
Fæst í Lifandi Markaður, Lyfjaver, Yggdrasil, Hagkaup, Krónunni.
www.celsus.is
lífræn bætiefni fyrir alla - heilsa til framtíðar
Færð þú nægjanlegt magn af
lífrænu grænmeti í dag?