SunnudagsMogginn - 01.07.2012, Blaðsíða 47

1. júlí 2012 47
Það hefur komið nokkuð oft til tals aðgera bók um safnið en við ákváðum ívetur að ráðast í verkið. Háskóla-útgáfan gefur bókina út þannig að hún
fer í sölu og síðan gerum við ráð fyrir því að þetta
verði líka gjafabók. Starfsmenn Háskólans munu
því vonandi nýta bókina til gjafa, en bókin er
myndabók, bæði á íslensku og ensku,“ segir
Auður A. Ólafsdóttir, safnstjóri Listasafns Há-
skóla Íslands og lektor í listfræði.
Verk abstraktkynslóðarinnar
Bókin er um Listasafn Háskóla Íslands og er Auð-
ur ánægð með útkomuna, ekki síst hvað útlit og
hönnun bókarinnar varðar.
„Háskóli Íslands er eini háskóli landsins sem á
sitt eigið listasafn. Við erum því búin að gefa út
bók um safnið, ég skrifa textann og Hildigunnur
Gunnarsdóttir hannar bókina. Guðmundur Ing-
ólfsson tók síðan flestar þær myndir sem prýða
bókina. Hugmyndin er sú að kynna og sýna þetta
merkilega safn sem var stofnað árið 1980 í kjölfar
stórrar gjafar hjónanna Ingibjargar Guðmunds-
dóttur og Sverris Sigurðssonar sem kenndur var
við Sjóklæðagerðina. Þau voru einhverjir mestu
listaverkasafnarar á öldinni sem leið,“ segir Auð-
ur. Hún tekur það jafnframt fram að bókin sé til-
einkuð þeim Ingibjörgu og Sverri.
„Samsetning safnsins mótast af þessari stofn-
gjöf. Hjónin áttu marga vini sem voru listamenn
og má þar helst nefna Þorvald Skúlason. Þau
fylgdu hans ferli alveg frá upphafi og til endaloka.
Af þessum tæpum 2.000 verkum sem Háskólinn
á þá eru um 1.600 eftir Þorvald. Þetta er því lang-
stærsta safn í heiminum af verkum þessa braut-
ryðjanda okkar í abstraktlistinni,“ segir listfræð-
ingurinn.
Listasafn Háskóla Íslands leitast einnig við að
kaupa ný listaverk eftir íslenska samtíma-
listamenn á hverju ári, en fjárveitingar til safnsins
miðast við um 1% af því fé sem rennur til ný-
bygginga á vegum Háskólans, það er svipað og
hjá Listskreytingasjóði ríkisins til opinberra
bygginga,“ segir Auður. Sérstaða safnsins ræðst
samt svolítið af þessari stofnsamsetningu, það er
að segja af verkum abstraktkynslóðarinnar. Fyrir
utan Þorvald þá á safnið gríðarlega fín og mik-
ilvæg verk eftir til dæmis Hörð Ágústsson og um
100 verk eftir Guðmundu Andrésdóttur ásamt
verkum eftir Eyborgu Guðmundsdóttur, Kristján
Davíðsson, Karl Kvaran og fleiri brautryðjendur
abstraktlistar,“ segir Auður.
Sérhúsnæði inni í myndinni
„Það eru til háskólalistasöfn víða um heim, eink-
um vestanhafs og sum þeirra eru mjög fræg. Það
sem gerir safn Háskóla Íslands sérstakt er að listin
deilir rými með starfsmönnum og nemendum á
þessum stærsta vinnustað landsins. Gjafir sem
listasafnið hefur fengið eru meðal verðmætustu
gjafa sem Háskólanum hafa hlotnast,“ segir Auð-
ur og tekur það einnig fram að margir af þeim
gestum sem koma í skólann reki upp stór augu
þegar þeir sjái alla þá list sem þar megi finna.
Auður segist annars vonast eftir því að Lista-
safnið fái sérstakt sýningarhúsnæði innan
skamms. Þar hafa ýmsar hugmyndir verið viðr-
aðar en sem stendur er málið í biðstöðu. Á teikni-
borðinu er þó ýmislegt húsnæði á háskólasvæð-
inu sem hægt væri að nýta,“ segir Auður.
„Ég sé alveg fyrir mér að sýningarhúsnæðið
geti tengst þessari gróskumiklu námsgrein sem
listfræðin er. Hún er mjög fjölmenn og vinsæl og
við erum einmitt að hefja meistaranám í listfræði
við Háskóla Íslands í haust,“ segir hún að lokum.
Auður Ólafsdóttir við verk Þorvaldar Skúlasonar, Bylgjur, frá árinu 1979.
Morgunblaðið/Eggert
Auður í
listaverkum
Háskóla Íslands
Háskóli Íslands á merkt safn listaverka. Lengi
hefur verið á döfinni að skrásetja sögu safnsins
og nú hefur loks verið skrifuð bók þar sem stikl-
að er á því helsta sem finnst á veggjum skólans.
Davíð Már Stefánsson davidmar@mbl.is
Listaverk eru víða í umhverfi starfsmanna Háskóla Íslands. Hér er það verk
Sigtryggs Bjarna Baldvinssonar, Laxá með flækju, frá árinu 2010.