Helgafell - 01.05.1942, Blaðsíða 22

NORDAHL GRIEG:
BRÉFIÐ HEIM
(Nýárskveðja 1941).
Það bréf vort, sem heim var hugað,
ber hvorki á sér dag né stað.
Það naut hvorki pappírs né penna
né pósts til að bera það:
Ur haflöðri og himinstormum
vér hugsuðum það til lands,
og enn þá veit enginn heima,
að það var bréfið hans.
Hver boðleið rétt er því bönnuð.
Hver byggð og fjörður í kví.
En hjartað sér veg úr vanda:
að vér skilum s j á 1 f i r því.
— Vér lendum á nýjársnóttu
við Noreg, í birtu af mjöll,
og dreifum oss, hundrað hundruð
á heimleið, um dali og fjöll.
Handtökuskipanir, skyttur,
skimandi spæjaraher,
allt bíður undirbúið. ..
Öséðir göngum vér.
— Svo getur það gerzt á stundum,
sem Gestapo kemst ekki að . . .
Vitorðsmenn hafa mætt oss,
en meira en nóg um þ a ð !