Morgunblaðið - Sunnudagur - 28.10.2012, Blaðsíða 34

Þ
að eru ekki nema rúm tíu ár síðan menn réttu fram kortin sín til að borga
og þeim var rennt í gegnum stórar þrykkivélar sem þrýsti númeri korts-
ins á blað í tvíriti. Menn fengu síðan annað þessara blaða sem kvittun
fyrir greiðslunni. Svo kom stóra stökkið að hægt var að renna kortinu í
gegnum vél til að greiða og nú er kominn örgjörvi í debetkortið og við látin slá inn
pin-númer.
Enn eitt skrefið verður bráðlega stigið þegar menn rétta snjallsíma sína fram og
greiða með þeim snertilaust við posabúnað. Hugmyndin er að þessi tæknibylting á
greiðsluháttum verði fyrst innleidd hér á landi. Það er íslenska kortafyrirtækið Valitor
sem er frumkvöðull að verkefninu í samstarfi við Visa Europe og Oberthur Technologies.
Debetkortin ýttu ávísunum út og nú taka símarnir við
„Þrykkivélarnar voru eitt,“ segir Hörður Valsson hjá Valitor, „en eru menn búnir
að gleyma ávísunum?“ En eins og aðeins elstu menn muna þá voru ekki aðeins not-
aðir peningar á níunda áratugnum heldur einnig ávísanir eða tékkar eins og það var
oftast kallað. „Stærsti greiðslumátinn var í gegnum ávísanirnar í gamla daga. Kred-
itkortaviðskiptin fóru síðan að verða handþrykkt upp úr 1990. En það er ekki fyrr en de-
betkortin komu til sögunnar að ávísanirnar fara að hverfa af markaðnum. Debetkortin
koma á markað í lok árs 1993, en ná verulegum vinsældum 1994-1995.“
Kristján Harðarson, sviðsstjóri markaðs- og þróunarsviðs hjá Valitor, segir að nú sé þró-
unin þannig að menn muni geta borgað með snjallsímunum sínum. „Kortin eru að færast yfir í
snjallsímana,“ segir Kristján. „Þau tilraunaverkefni sem eru í gangi víðsvegar í Evrópu hafa
gengið vel. Frakkar hafa tekið ákvörðun um að taka þetta á næsta stig,“ segir Kristján og bætir
við að næstu skref í átt að snjallsímavæðingu kortagreiðslna hérlendis verði tekin hratt.
Síminn mikilvægari en veskið
„Þegar í dag er það þannig að ef fólk gleymir símanum sínum heima hjá sér er það
líklegra til að fara heim aftur til að sækja hann heldur en ef fólk gleymir vesk-
inu sínu. Fyrir utan að við sjáum nýja posa koma fram sem eru eins og
spjaldtölvur. Það eru ekki mörg ár í það að ef þú ert með pípulagn-
ingamann með snjallsíma, þá getur hann tekið á móti kortafærslum
og það er hægt að borga á staðnum. Þetta eru mobile-tæki, en mobile
merkir bara hreyfing; mobility. Þannig að hvort sem það verða símar
eða spjaldtölvur eða eitthvað annað, þá verða menn með þetta í hönd-
unum og í vösum sínum á hreyfingu. Tæknin er að fara þangað,“ segir
Kristján.
FRAMÞRÓUNIN ÖR Í POSUM
Almenningur
mun verða með
posa í vasanum
*Græjur og tækniJames Bond er feti framar þegar kemur að græjum. Windows 8 er handan við hornið »36
Eimreiðin, sem stendur á hafnarbakkanum í
Reykjavík, á sér litla tvíburasystur og sólríkan dag í
liðinni viku bar fundum þeirra saman í fyrsta skipti.
Eigandi litlu eimreiðarinnar er Michael T. Corgan,
dósent í alþjóðastjórnmálum við Boston Univers-
ity. Corgan er félagi í Samtökum áhugamanna um
evrópskar lestir, nánar tiltekið þeirri deild samtak-
anna, sem er í austurhluta Nýja Englands.
„Ein af félögum okkar, Paul Bergman, sem er
sonur sænskra innflytjenda, sýndi lestir frá fjórum
Norðurlandanna á sýningu samtakanna í Spring-
field í Massachusetts í fyrra,“ sagði Corgan. „Hann
hafði orð á að það væri slæmt að vera ekki með
neitt frá Íslandi.“
Corgan er mikill áhugamaður um Ísland og hef-
ur alltaf þótt hin stutta saga járnbrautarlesta á Ís-
landi forvitnileg. „Ég sótti myndir, sem Sallie konan
mín tók og myndir frá Ljósmyndasafni Reykjavíkur
og athugaði hvort eitthvað svipað væri á boð-
stólum,“ sagði Corgan. „Bæversk eimreið frá
framleiðandanum Fleischman komst næst. Ég sendi
hana til Melvyns Crabbs, eins af félögum okkar
hinum megin við Atlantshafið. Hann er sérfræð-
ingur í að breyta lestum. Ég sendi honum eimreið-
ina og hann breytti henni í samræmi við mynd-
irnar.“
Mælikvarði lestarinnar er 1:87. Corgan á einnig
flutningavagna, sem svipar til þeirra, sem hér voru
notaðir og ætlar að hlaða þá íslensku grjóti. Í jan-
úar á næsta ári verður haldinn lestasýning að nýju í
Springfield og þá munu væntanlega verða lestir frá
öllum fimm Norðurlöndunum til sýnis.
SAFNAR JÁRNBRAUTARLESTUM
Eftirlíking af eimreiðinni
á hafnarbakkanum
Michael T.
Corgan dósent
og lestasafnari.
AÐ GREIÐA REIKNINGA SÍNA EÐA AÐ FÁ ÞÁ GREIDDA GAT
VERIÐ FLÓKIÐ FYRR Á TÍMUM EN NÚ VIRÐIST ÞETTA ALLT
VERA AÐ FÆRAST Í SNJALLSÍMANA OKKAR.
Börkur Gunnarsson borkur@mbl.is