Morgunblaðið - 18.10.2012, Blaðsíða 17

FRÉTTIR 17Innlent
MORGUNBLAÐIÐ FIMMTUDAGUR 18. OKTÓBER 2012
ÚR BÆJARLÍFINU
Skapti Hallgrímsson
Akureyri
Hjálmar Freysteinsson heimilis-
læknir emeritus á Akureyri er kunn-
ur hagyrðingur. Hann var að senda
frá sér bráðskemmilega vísnabók,
Lán í óláni.
  
Mývetningurinn Hjálmar segir
á einum stað: „Nú er í tísku að segja
„Á Mývatni“ í staðinn fyrir Mý-
vatnssveit. Það fer örlítið í taug-
arnar á mér. Þegar Morgunblaðið
auglýsti starf „blaðbera á Mývatni“
sá ég strax að aðeins einn kæmi til
greina!
Mývatn löngum mesti
merkisstaður var.
Jesú bróðir besti
ber út Moggann þar!
  
Fjölmargir nýir möguleikar til
háskólanáms hafa opnast síðustu ár,
segir Hjálmar. En þegar hjóla-
brettagarður fyrir unga fólkið var
opnaður í hlaðvarpa Háskólans á
Akureyri, voru stjórnendur skólans
ekki allsendis ánægðir með það ná-
býli:
Ögn ég gladdist er ég frétti,
eflaust verður svo um fleiri,
að hægt er að læra á hjólabretti
við Háskólann á Akureyri.
  
Þessa gerði Hjálmar á göngu-
skíðum í Hlíðarfjalli. Fyrir dyrum
stóð kvennaskíðaganga, sem hefur
fengið hið skemmtilega nafn „Í spor
Þórunnar hyrnu.“
Fagurt er í fjallsins hlíðum,
fáa betri staði ég þekki.
Hér gekk Þórunn hyrna á skíðum
(Helgi magri nennti ekki).
  
Eitt lítið snjókorn eða kannski tvö
féllu til jarðar á Akureyri í gær en
hurfu jafn harðan. Starfsmenn í
Hlíðarfjalli eru hins vegar klárir í
slaginn og ætla að verða á undan
náttúrunni; Jesú bróðir besti er
sagður hafa breytt vatni í vín en
Hlíðarfjallsmenn hafa flutt snjó-
byssur sínar úr geymslunni og byrja
að breyta vatni í snjó við fyrsta tæki-
færi.
  
Tveggja stiga frost var í fjallinu í
gær. Snjóbyssurnar verða ræstar
þegar frostið hefur náð fimm gráð-
um fimm daga í röð.
  
Starfsmenn skíðasvæðisins
stefna ótrauðir að því að opna braut-
ir fyrir almenning 1. desember. Opn-
að var 3. desember í fyrra.
  
Rúmlega helmingur nemenda
Menntaskólans á Akureyri verður í
Reykjavík um helgina; eitthvað á
fimmta hundraðið af 750. Skóla-
félagið stendur fyrir ferðinni; til-
gangurinn er að styðja við bakið á
liði MA í Morfís-keppni auk þess að
njóta menningar af ýmsu tagi. Þetta
kallar maður að taka þátt í félags-
lífinu af krafti.
  
Tónleikastaðurinn Græni hatt-
urinn á sér marga vini og þeir verða
ekki sviknir um helgina. Nýjasta
stjarnan í íslenskum tónlistarheimi,
Ásgeir Trausti, verður með tvenna
tónleika annað kvöld ásamt Snorra
Helga. Plata Ásgeirs, Dýrð í dauða-
þögn, er vinsælasta plata landsins.
  
Paul McCartney verður ekki á
Græna hattinum á laugardags-
kvöldið, en þar treður hins vegar upp
aðalgítarleikari Bítilsins fræga síð-
ustu ellefu ár ásamt vinum sínum.
Auk McCartneys hefur Rusty unnið
með Elton John, Willie Nelson, Sin-
éad O’Connor, Meat Loaf, Neil Dia-
mond svo einhverjir séu nefndir!
  
Flóra, þar sem eru bæði verslun
og vinnustofur, er flutt í gamla Kaup-
félagshúsið, sem sumir kalla svo, við
Hafnarstræti. Margvísleg starfsemi
hefur verið í húsinu frá því það var
reist af Pöntunarfélagi Eyfirðinga
(síðar Kaupfélag Eyfirðinga) í upp-
haflegri mynd árið 1898, þ. á m.
prentsmiðja, ljósmyndastofa, ferða-
skrifstofa, ræðismannsskrifstofa,
tannlæknastofa, verslanir, steinasöfn
og stjórnmálastarfsemi.
  
Í tilefni af flutningi Flóru í Hafn-
arstrætið verða vinnustofur hússins
opnar gestum og gangandi á laugar-
daginn kl. 15 til 17.
Morgunblaðið/Skapti Hallgrímsson
Upp og ofan Það sem fer upp kemur aftur niður; starfsmaður Slippsins gengur frá borði skips sem er í viðgerð.
Af Jesú bróður besta og tilbúnum snjó
Við erum
á Nýbýla
veginum
!
(gamla T
oyota hú
sið) sími
571 6222
Opið virk
a daga 1
2-18
laugarda
ga 12-17
Avis léttir þér
útborgunina!
Komdu og gerðu bílakaup sem eiga sér engin fordæmi.
Hvort sem þú staðgreiðir eða fjármagnar bílinn hjá
Landsbankanum aðstoðar Avis þig við kaupin.
Bílafjármögnun
LandsbankansAvis
Þú
www.avisbilasala.is
Bílasala
Nissan Qashqai 2011
Söluverð 4.150.000 kr.
Bílafjárm. Landsbankans 3.320.000 kr.
Eftirstöðvar 830.000 kr.
Avis hluti 335.000 kr.
Þín útborgun 495.000 kr.
Heildarverð til þín 3.815.000 kr.
VW Polo 1.2 2011
Söluverð 1.880.000 kr.
Bílafjárm. Landsbankans 1.504.000 kr.
Eftirstöðvar 376.000 kr.
Avis hluti 150.000 kr.
Þín útborgun 226.000 kr.
Heildarverð til þín 1.730.000 kr.