Morgunblaðið - 02.11.2012, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 2. NÓVEMBER 2012
Ingveldur Geirsdóttir
ingveldur@mbl.is
Jóhanna Barðdal, doktor í málfræði
og starfsmaður háskólans í Bergen í
Noregi, fékk nýlega styrk upp á 11,1
milljón norskra króna frá European
Research Council (ERC) til að ljúka
við stórt verkefni sem gengur út á að
skoða föll í indóevrópskum tungu-
málum. Jóhanna hefur fengið þrjá
styrki á síðustu fjórum árum til að
vinna verkefnið. Þeir hljóða í heild
upp á 35 norskar milljónir, eða um
780 milljónir ísl. kr., sem er með því
hæsta sem Íslendingur hefur fengið í
rannsóknarstyrki. „Þegar ég byrjaði
á verkefninu sumarið 2008 fékk ég
rannsóknarstyrk frá Bergen forskn-
ingsstiftelse upp á 12,3 milljónir
norskar. Síðan fékk ég peninga frá
norska rannsóknarráðinu 2011 upp á
níu milljónir norskar og svo þennan
núna og mun hann duga mér til að
ljúka við verkefnið,“ segir Jóhanna.
Ellefu málaflokkar
Verkefni hennar felst í því að rann-
saka ákveðna formgerð í öllum indó-
evrópsku málaflokkunum, sem eru
ellefu talsins. „Íslenska er ger-
manskt mál og germönsk mál eru
einn undirflokkur í indóevrópskum
málum. Við erum að skoða elstu text-
ana á hverju málstigi. Við skoðum
strúktúra eins og í íslensku: mér leið-
ist, mér þykir hákarl góður og mig
langar. Því hefur verið haldið fram
um íslensku að þessi liður hafi ekki
verið frumlag í forníslensku þótt
hann sé það í nútímaíslensku, að
þetta sé breyting sem hefur orðið á
íslenskunni.
Við erum að rannsaka þróun svona
strúktúra þar sem er frumlag sem er
ekki í nefnifalli og skoðum þau sagna-
sambönd sem koma fyrir með auka-
fallsfrumlagi. Við söfnum sagna-
samböndum frá elsta skeiði allra
ellefu indóevrópsku málaflokkanna,
berum saman og sjáum á grundvelli
þess hvort við þurfum að endurgera
þessa formgerð fyrir frummynd á
evrópsku eða hvort við þurfum að
ganga út frá því að þetta sé formgerð
sem hafi orðið til eftir að þessir mála-
flokkar aðskildust hver frá öðrum. Þá
þurfum við að ganga út frá því að
þessar formgerðir hafi orðið til út frá
sjálfum sér.“
Jóhanna segir að þau séu að skoða
texta á forníslensku, fornháþýsku og
gotnesku biblíuna sem er frá 500.
„Svo erum við að skoða latneska
texta, forngríska, fornindverska og
fornpersneska. Með þessum styrk
munum við fara í að skoða tokkarísku
og hettitísku, sem eru tveir mála-
flokkar sem hafa dáið út.“
Þegar verkefninu lýkur 2018 verð-
ur gerður gagnagrunnur þar sem öll
sagnasamböndin sem finnast í rann-
sókninni eru sett inn. „Við erum að
vonast til þess að fræðimenn sem eru
að skoða önnur mál hafi áhuga á því
að setja sín gögn inn í gagnagrunn-
inn. Ef það tekst er hægt að fara að
gera rannsóknir á formgerðum og
finna út hvað er sérstakt fyrir mál-
fjölskyldur og hvað ekki. Verkefnið
mun líka varpa ljósi á þróun á nýrri
aðferðafræði og verða sérstök þekk-
ingarsköpun á indóevrópskum mál-
um.“
Morgunblaðið/Árni Sæberg
Föll rannsökuð Jóhanna Barðdal, doktor í málfræði, hefur fengið þrjá styrki að andvirði alls 780 milljóna króna á
síðustu fjórum árum til að vinna stórt verkefni sem gengur út á að skoða föll í indóevrópskum tungumálum.
Verkefni um indó-
evrópsk tungumál
 Hefur fengið styrki í heild upp á 780 milljónir ísl. kr.
Nokkur fíkni-
efnamál komu til
kasta lögregl-
unnar í fyrra-
kvöld en fíkni-
efni fundust á
þremur stöðum í
Hafnarfirði.
Lagt var hald á kannabisefni sem
fundust í bílskúr og þá tók lög-
reglan í sína vörslu marijúana og
amfetamín sem fannst við húsleit í
íbúð í fjölbýlishúsi í bænum.
Loks fannst marijúana í bifreið
en við stýrið var maður sem tengist
Hells Angels. Sá hafði þegar verið
sviptur ökuleyfi en viðkomandi var
gert að hætta akstri.
Þrjú fíkniefnamál til
kasta lögreglu í
Hafnarfirði
Bónus var með lægsta verðið á mat-
arkörfunni þegar verðlagseftirlit ASÍ
kannaði verð í lágverðsverslunum og
stórmörkuðum á höfuðborgarsvæðinu
síðastliðinn laugardag.
Matarkarfan var ódýrust í Bónusi
en dýrust í Nóatúni. Verðmunurinn
var 22%. Matarkarfan var næstódýr-
ust í versluninni Iceland en þar kost-
aði hún 2% meira en karfan hjá Bón-
usi. Í síðustu könnun ASÍ fyrir mánuði
var matarkarfan ódýrust í Iceland.
Á eftir Iceland kom Krónan, þá
Fjarðarkaup, Nettó og Hagkaup.
Verslanirnar Kostur, Samkaup-Úrval
og Víðir vildu ekki vera með.
Mestur verðmunur á banönum
Af einstaka vörum í matarkörfunni
var mestur verðmunur á ódýrustu fá-
anlegu banönum sem voru dýrastir á
379 kr./kg í Hagkaupum en ódýrastir
á 147 kr./kg hjá Iceland, verðmunur-
inn var 232 krónur eða 158%. ASÍ seg-
ir að ekki sé víst að þar hafi verið
bornir saman bananar í sama gæða-
flokki.
Mikill verðmunur var einnig á rauð-
um 26% Gouda-Góðosti sem var dýr-
astur á 1.799 kr./kg hjá Hagkaupum
en ódýrastur á 1.090 kr./kg hjá Ice-
land. Verðmunurinn var 709 kr./kg
eða 65%.
Minnstur verðmunur að þessu sinni
var á Fjörmjólk sem kostaði 144 kr./l
hjá Iceland og 145 kr./l hjá öllum hin-
um verslununum.
Matarkarfan samanstendur af 48
almennum neysluvörum til heimilis-
ins, t.d. mjólkurvörum, morgunkorni,
grænmeti, kjöti, drykkjarvörum, ýms-
um pakkavörum og dósamat.
Lægsta vöruverðið í Bónus
 2% munar á verði á vörukörfu í Bónus og Iceland  Dýrasta vörukarfan í
Nóatúni  Mestur verðmunur á banönum en minnstur á fjörmjólk
Verð á vörukörfunni
» Bónus 16.791 króna
» Iceland 17.154 krónur, +2%
» Krónan 18.059 krónur, +8%
» Fjarðarkaup 18.658 kr. +11%
» Nettó 19.597 krónur, +17%
» Hagkaup 19.647 kr., +17%
» Nóatún 20.523 kr., +22%
Jóhanna hefur verið í samvinnu við Þórhall Eyþórsson fræðimann í
enskudeildinni við Háskóla Íslands frá því árið 2000, en þá var hún
gestadoktorsnemi við Háskólann í Manchester en Þórhallur var með
póstdoktorstöðu þar. „Hann er sérfræðingur í sögulegri setningafræði og
indógermönskum málum. Við höfum verið í náinni samvinnu æ síðan og
verkefnið byggir á okkar fyrri rannsóknum. Það má því segja að við Þór-
hallur höfum þróað þetta rannsóknarsvið saman,“ segir Jóhanna.
Hún er nú með þrjár manneskjur í vinnu við verkefnið en ERC-
styrkurinn gerir það að verkum að hægt verður að ráða fleiri í vinnu.
Þróuðu rannsóknarsviðið
Í NÁINNI SAMVINNU
Fjallabyggð hefur farið í gegnum
öryggisáætlun í umferðarmálum
sveitarfélagsins í heild sinni, í sam-
ráði við sérfræðinga Vegagerð-
arinnar. Búið er að gera tillögur
um biðstöðvar fyrir hópferðabíla,
bæði á Siglufirði og í Ólafsfirði.
Tilefni þessarar vinnu er bana-
slys sem varð á Langeyrarvegi á
Siglufirði í nóvember 2011, þegar
ekið var á þrjár 13 ára stúlkur sem
voru að koma út úr hópferðabíl.
Ein stúlknanna lést og önnur slas-
aðist alvarlega.
Eins og fram kom í Morgun-
blaðinu í gær hefur Rannsóknar-
nefnd umferðarslysa skilað sinni
skýrslu um slysið og m.a. beint
þeim tilmælum til sveitarfélaga í
þéttbýli að skipuleggja almenn-
ingssamgöngur þannig að hóp-
ferðabílar stoppi eingöngu á bið-
stöðvum ætluðum til að hleypa
farþegum inn og út.
Sigurður Valur Ásbjarnarson,
bæjarstjóri í Fjallabyggð, segir að
á Langeyrarvegi sé búið að leggja
útskotin en biðskýli eigi eftir að
koma upp. Nú sé skólabílnum ein-
göngu heimilt að stoppa við
skólana til að hleypa nemendum út
og taka inn.
Fjallabyggð endurskoðar öryggisáætlun í
umferðarmálum í kjölfar banaslyss
Z-Brautir og gluggatjöld
Faxafeni 14 - 108 Reykjavík - S. 525 8200 - z.is
Úrval - gæði - þjónusta
Fjölbreytt úrval
af veggfóðri