Morgunblaðið - 02.11.2012, Blaðsíða 22

22 FRÉTTIRInnlent
MORGUNBLAÐIÐ FÖSTUDAGUR 2. NÓVEMBER 2012
Egill Ólafsson
egol@mbl.is
Guðjón Ólafur Jónsson, verjandi
Gunnars Þ. Andersen, fyrrverandi
forstjóra Fjármálaeftirlitsins, segir
að það sé nauðsynlegt fyrir vörn
málsins að ákæruvaldið afli gagna
um viðskipti Bogmannsins ehf. og
Landsbankans í júní 2003.
Gunnar er ákærður fyrir brot á
þagnarskyldu þegar hann hafði
frumkvæði að því að gögnum um
kaup Landsbankans á Bogmannin-
um var komið til DV. Guðjón Ólafur
hefur gert kröfu um að ákæruvaldið
afli gagna um þessi viðskipti. Þau
séu nauðsynleg fyrir vörn Gunnars í
málinu. Eigandi Bogmannsins var
Guðlaugur Þór Þórðarson alþingis-
maður.
Guðjón Ólafur sagði þegar málið
var tekið fyrir í héraðsdómi í gær,
að ákæruvaldinu ætti að reynast
auðvelt að afla þessara gagna því að
ákæruvaldið hefði aflað sér heimilda
til að rannsaka þessi gögn á fyrri
stigum. Því miður hefði saksóknari
ekki nýtt sér þessa heimild til fulls.
Hann minnti á að þegar dómari tók
afstöðu til beiðninnar kom fram í úr-
skurði hans að gögnin vörðuðu rann-
sókn málsins.
Guðjón Ólafur sagði ekki nægjan-
legt fyrir ákæruvaldið að leggja
fram reikningsyfirlit um þessi við-
skipti. Sýna yrði fram á að þessi við-
skipti milli Landsbankans og Bog-
mannsins hefðu raunverulega átt sér
stað.
Segir gögnin ekki
varða úrlausn málsins
Helgi Magnús Gunnarsson, vara-
ríkissaksóknari, krefst þess að kröf-
um verjanda verði hafnað. Hann
sagðist vera tilbúinn til að afla þess-
ara gagna ef það hefði einhverja
þýðingu fyrir úrlausn málsins. Sak-
arefnin væru um að Gunnar hefði
rofið þagnarskyldu og þessi viðskipti
kæmu sakarefnunum ekkert við.
Hann sagði að við rannsókn mála
væri oft aflað gagna sem síðan
reyndust ekki skipta máli varðandi
sjálf ákæruatriðin. Ákæruvaldið færi
ekki að leggja fram gögn í máli sem
væru óþörf og kæmu málinu ekkert
við. Það væri ábyrgðarhluti að gera
slíkt, ekki síst þar sem gögnin vörð-
uðu þagnarskyldu. Þagnarskyldan
hefði einhvern tilgang og það ætti
ekki að fara út fyrir hana að óþörfu.
Guðjón Ólafur sagði að hann gæti
ekki sýnt fram á að gögn væru þýð-
ingarlaus þegar hann hefði ekki séð
þau. Ákæruvaldið segði að tilteknar
hvatir hefðu rekið Gunnar til að leka
upplýsingum um viðskipti Bog-
mannsins til fjölmiðla. Ákæruvaldið
yrði að sýna fram á hvaða hvatir
hefðu legið að baki þessum gjörðum
til að Gunnar gæti varið sig.
Dómari mun kveða upp úrskurð í
málinu í dag.
Krefst rannsóknar
á Bogmanninum
 Tekist á um hvort saksóknari eigi að afla frekari gagna
Morgunblaðið/Styrmir Kári
Héraðsdómur Gunnar Andersen, fyrrverandi forstjóri Fjármálaeftirlitsins, mætti við þingfestingu málsins.
Rannsóknarnefnd umferðarslysa,
RNU, hefur lokið við rannsókn á
banaslysi sem varð í Fagradal að
morgni hins 12. október á síðasta
ári.
Slysið atvikaðist með þeim hætti
að fólksbíll fór yfir á rangan veg-
arhelming vegna hálku og lenti
framan á aðvífandi vörubifreið.
Leiddi það til þess að 17 ára stúlka,
sem var ökumaður fólksbifreiðar-
innar, lést. Farþegi sem var með
henni í bílnum slasaðist á hné og
baki.
Fram kemur í skýrslunni að und-
ir fólksbílnum hafi verið slitin sum-
ardekk auk þess sem stoðgrind
bílsins hafi verið ryðguð og veitt af
þeim sökum minni vörn.
Slysið átti sér stað í brekku í
Fagradal. Ökumaður fólksbifreiðar-
innar var á leið upp brekku. Um
sama leyti var vörubifreið ekið úr
gagnstæðri átt. Fólksbifreiðin hafi
tekið að rása í hálku yfir á rangan
vegarhelming. Tilraunir ökumanns
vörubifreiðarinnar til að draga úr
ferð og beygja af veginum hafi ekki
borið árangur vegna hálkunnar. Af
þeim sökum náði hann ekki að
hægja ferð svo neinu næmi áður en
bílarnir skullu saman.
Í rannsóknargögnum lögreglu
kom fram að vegurinn var hálku-
laus í um eins kílómetra fjarlægð
frá slysstað. Þaðan hafi hálkan farið
stig vaxandi þar til um 500 metra
frá slysstað að flughált varð. Á
þessum kafla hækkar vegurinn úr
220 í 260 metra yfir sjávarmál og
segir í skýrslunni að erfitt hafi ver-
ið fyrir ökumenn að greina þá
skyndilegu ísingu sem myndaðist.
Undir lok skýrslunnar hvetur
rannsóknarnefndin innanríkisráðu-
neytið til að fella niður ákvæði um
undanþágu ökunemenda á Austur-
landi, Vesturlandi og Vestfjörðum
til æfinga í akstri í skilyrðum þar
sem veggrip er lítið. Ökunemar á
þessum svæðum fá nú bráðabirgða-
ökuskírteini þrátt fyrir að hafa ekki
lokið þriðja stigi ökunáms þar sem
akstur er æfður við slíkar aðstæð-
ur. Ástæðan er sú að þar hafa ekki
fundist nægjanlega stór svæði fyrir
æfingabrautir.
vidar@mbl.is.
Skyndileg ísing
kom ökumönn-
um að óvörum
 Skýrsla um banaslys í Fagradal
Morgunblaðið/G.Rúnar
Banaslys RNU gaf út skýrslu um
banaslys í Fagradal.
Banaslys í Fagradal
» Fólksbifreið rann til í hálku
og lenti framan á vörubifreið
sem kom úr gagnstæðri átt.
» Ökumaður fólksbifreiðar var
17 ára stúlka og lést sam-
stundis.
» Skyndileg ísing leiddi til
þess að bílarnir skullu saman.
„Það er ekki ver-
ið að snupra þá á
einn eða neinn
hátt,“ segir Guð-
bjartur Hann-
esson velferð-
arráðherra um
Morgunblaðs-
grein Gísla Páls
Pálssonar, for-
manns Samtaka
fyrirtækja í vel-
ferðarþjónustu, í gær, þar sem hann
segir að ráðherra hafi sýnt dóna-
skap með því að svara ekki beiðni
um að mæta í afmælisboð samtak-
anna.
Guðbjartur segist fá margar
beiðnir um að mæta hér og þar og
hann reyni alltaf að komast á við-
komandi atburð. Því sé gefið já-
kvætt svar í fyrstu og síðan séð til
hvort það gangi eftir en í þessu til-
felli hafi hann því miður ekki getað
mætt. Þegar hann komist ekki sé
gjarnan boðið að senda fulltrúa í
staðinn en það hafi eitthvað misfar-
ist að þessu sinni. Hins vegar hafi
hann mætt ítrekað hjá samtökunum.
Fram kemur í grein Gísla Páls í
gær að samtökin eigi mörg ósvöruð
erindi hjá ráðuneytinu. Guðbjartur
segir að ekkert slíkt liggi á sínu
borði en hann ætli að athuga málið í
ráðuneytinu. „Það er auðvitað alvar-
legt ef þeir fá ekki sín svör,“ segir
hann.
Ráðherra tekur vel
í allar beiðnir og
reynir að mæta
Guðbjartur
Hannesson
Dr. Hannes
Hólmsteinn Giss-
urarson flytur
erindi á fundi
Konfúsíusar-
stofnunarinnar:
„Maó: Sagan sem
hefur verið
sögð“, í stofu 207
í aðalbyggingu í
dag kl. 13. Hann-
es mun ræða um
ævisöguna Maó: Sagan sem aldrei
var sögð, eftir Jung Chang og Jon
Halliday, en hún kom út á íslensku
2007. Ver hann verkið fyrir ádeil-
um sem fram hafa komið. Hannes
þýddi Svartbók kommúnismans á
íslensku 2009 og gaf 2011 út 624
bls. sögu kommúnistahreyfing-
arinnar íslensku.
Ræðir um ævisögu
Maós og ver verkið
Hannes Hólmsteinn
Gissurarson
Styrktartónleikum sem vera áttu í
Skjólbrekku í Mývatnssveit laugar-
daginn 3. nóvember er frestað
vegna veðurs og veðurútlits.
Kristján Jóhannsson söngvari
hafði frumkvæði að skipulagningu
tónleikanna og átti allur ágóði að
renna til bænda sem urðu fyrir
tjóni í hamfaraveðrinu sem geisaði
í september s.l. Áhugi er á að koma
öðrum styrktartónleikum á síðar,
segir í tilkynningu.
Tónleikum frestað
vegna veðurútlits
STUTT
Lagerrými
Lagerbakkar
Brettakerfi
Smávörukerfi
Árekstrarvarnir
Milligólf
Brautarholt 26-28 | 105 Reykjavík
Sími 511 1100 | www.rymi.is | www.riverslun.is