Morgunblaðið - 02.11.2012, Blaðsíða 25

FRÉTTASKÝRING
Hólmfríður Gísladóttir
holmfridur@mbl.is
Þegar leifar fellibylsins Sandy bár-
ust norður yfir Kanada snemma í
gærmorgun voru 4,9 milljónir
Bandaríkjamanna á austurströnd-
inni enn án rafmagns. Almennings-
samgöngur voru smám saman að
hökta í gang í New York-borg en
þúsundir stóðu í löngum biðröðum til
að ná strætisvagni frá Brooklyn og
yfir til Manhattan og þá mynduðust
langar bílaraðir við bensínstöðvar í
bæði New York-ríki og New Jersey.
Að minnsta kosti 85 eru látnir eftir
að fellibylurinn gekk á land og
margra er enn saknað. Á miðvikudag
áætluðu yfirvöld í New Jersey að
enn væru tuttugu þúsund manns
fastir á heimilum sínum vegna flóð-
anna og í gær stóðu björgunarað-
gerðir enn yfir. New Jersey er það
ríki sem Sandy lék hvað verst; þar
fóru heilu hverfin nánast á kaf og
heilum húsum skolaði langar leiðir.
„Finnum leið til að segja já“
Á ferð sinni um New Jersey á mið-
vikudag sagði Barack Obama
Bandaríkjaforseti að hann hefði
fyrirskipað teymi sínu að láta engan
bíða lengur en fimmtán mínútur eftir
símtali; hvorki borgarstjóra, ríkis-
stjóra né héraðsfulltrúa. „Ef þá
vantar eitthvað, þá finnum við leið til
að segja já,“ sagði hann.
LaGuardia-alþjóðaflugvöllurinn
var opnaður í gær og fjórtán af 23
neðanjarðarlestarleiðum New York-
borgar sömuleiðis. Um fjögur þús-
und strætisvagnar voru í akstri til að
bæta fyrir þær lestarleiðir sem enn
voru lokaðar en svo mikil örtröð
myndaðist á leiðunum yfir Austur-
ána á miðvikudag að borgarstjórinn,
Michael Bloomberg, fyrirskipaði að
vegtálmum skyldi komið upp og eng-
ir bílar færu á milli nema með þrjá
farþega eða fleiri innanborðs.
Þá bárust slæmar fréttir frá olíu-
félaginu Shell, sem sagði í tilkynn-
ingu að Sandy hefði orsakað olíuleka
í olíuveri í Sewaren í New Jersey.
Bandaríska strandgæslan, sem hef-
ur yfirumsjón með hreinsunarátak-
inu, telur að allt að 1,1 milljón lítra af
díselolíu hafi lekið í sjóinn.
Hrekkjavökunni frestað
Í New York-borg stóð til að skólar
yrðu lokaðir út vikuna og á elsta
sjúkrahúsi landsins, Bellevue, var
ákveðið að flytja 500 sjúklinga annað
eftir að flæddi í kjallara byggingar-
innar og rafmagn fór. Skipuleggj-
endur New York-maraþonsins sögðu
hins vegar að það myndi fara fram á
sunnudag eins og áætlað hafði verið
og lofuðu að það myndi ekki hamla
endurreisnarstarfinu.
Öðrum viðburði var hins vegar
slegið á frest, sjálfri hrekkjavökunni,
en ríkisstjóri New Jersey, Chris
Christie, skrifaði á miðvikudaginn
undir tilskipun þess efnis að
hrekkjavökunni væri formlega frest-
að þar til á mánudaginn, 5. nóvem-
ber.
AFP
Öldurót Á ferð sinni um flóðasvæðin í New Jersey á miðvikudag skoðaði Barack Obama Bandaríkjaforseti m.a.
skemmdirnar á bryggjunni í Seaside Heights og rússíbanann sem skolaði á haf út þegar Sandy gekk á land.
Biðraðir eftir bensíni
og strætisvagnaferðum
 Björgunaraðgerðir standa enn yfir í New Jersey
Uppbygging
» Minnisvarðinn um fórn-
arlömb árásanna 11. sept-
ember í New York varð illa úti í
flóðum í fárviðrinu.
» Bruce Springsteen, Billy
Joel og Jon Bon Jovi eru meðal
tónlistarmanna sem koma
fram á tónleikum sem sjón-
varpsstöðin NBC hyggst halda
til styrktar fórnarlömbum
Sandy.
FRÉTTIR 25Erlent
MORGUNBLAÐIÐ FÖSTUDAGUR 2. NÓVEMBER 2012
Kínversk stjórnvöld greindu í gær
frá nýjum tillögum um leiðir til að
binda enda á blóðbaðið í Sýrlandi,
sem þau lögðu fram við Lakhdar
Brahimi, sérlegan friðarfulltrúa
Sameinuðu þjóðanna og Araba-
bandalagsins, í vikunni.
„Í nýju tillögunum er að finna upp-
byggilegar nýjar uppástungur eins
og vopnahlé, sem yrði komið á svæði
fyrir svæði og skref fyrir skref, og að
koma á bráðabirgðastjórn,“ sagði
Hong Lei, talsmaður kínverska ut-
anríkisráðuneytisins. „Tillögurnar
byggjast á nýjustu framvindu mála,
viðleitni Sameinuðu þjóðanna og
milligöngu sérlegs sendifulltrúa
Brahimi,“ sagði hann.
Það hefur verið afstaða stjórn-
valda í Peking að stuðla að því að
miðla málum milli „hlutaðeigandi að-
ila“ en þau hafa verið andsnúin íhlut-
un alþjóðasamfélagsins. Utanríkis-
ráðherrann Yang Jiechi ítrekaði á
miðvikudag, þegar hann fundaði með
Brahimi, að finna þyrfti pólitíska
lausn á málinu en viðurkenndi að
ástandið í Sýrlandi færi versnandi.
Alls 28 hermenn létust þegar sýr-
lenskir uppreisnarmenn réðust á
þrjár eftirlitsstöðvar við þjóðveginn
á milli höfuðborgarinnar Damascus
og borgarinnar Aleppo í gær, sam-
kvæmt samtökunum Syrian Ob-
servatory for Human Rights. Sam-
tökin sögðu að í einhverjum tilfellum
hefði verið um það að ræða að særðir
fangar hefðu verið teknir af lífi.
holmfridur@mbl.is
Kalla enn eftir
pólitískri lausn
varðandi Sýrland
 Viðurkenna að ástandið fer versnandi
AFP
Átök Yfir 36.000 manns eru taldir
hafa látist í átökunum í Sýrlandi.
Sýrland
» Brahimi mun leggja fram
nýjar tillögur um úrlausn átak-
anna í Sýrlandi á fundi örygg-
isráðs SÞ í nóvember.
» Utanríkisráðherra Rússa,
Sergei Lavrov, sagði á miðviku-
dag að ef vesturveldin héldu
fast í það markmið að koma
Bashar al-Assad frá völdum
myndi blóðbaðið halda áfram.
Hollensk ekkja hefur höfðað mál á
hendur rómversk-kaþólsku kirkj-
unni, sem hún segir bera ábyrgð á
sjálfsvígi eiginmanns síns. Konan
hefur farið fram á að kirkjan greiði
henni 100 þúsund evrur í miskabæt-
ur, sem samsvarar rúmum 16 millj-
ónum íslenskra króna.
Eiginmaður konunnar framdi
sjálfsvíg fyrir um tveimur áratug-
um, þá 58 ára gamall, en að sögn
konunnar, sem býr í borginni Enc-
hede, var hann beittur kynferðisof-
beldi af kaþólskum prestum í mörg
ár án þess að það kæmist upp.
Hollensk rannsóknarnefnd komst
að þeirri niðurstöðu í fyrra að tugir
þúsunda hefðu verið fórnarlömb
kynferðisbrotamanna innan kaþ-
ólsku kirkjunnar á því 65 ára tíma-
bili sem var til skoðunar.
Í skýrslu nefndarinnar kom enn
fremur fram að a.m.k. 800 ein-
staklingar höfðu framið kynferðis-
glæp innan kirkjunnar á árunum
1945-2010.
Kirkjan beri ábyrgð
á sjálfsvígi mannsins
AFP
Trú Kaþólska kirkjan hefur verið
ásökuð um yfirhylmingu.
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
SENDUM Í FYRIRTÆKI OPIÐ VIRKA DAGA FRÁ 11-20
Á Krúsku færðu
yndislegan og
heilsusamlegan
mat.
Opið frá 11-20
alla virka
daga