Morgunblaðið - 15.01.2013, Blaðsíða 17

Morgunblaðið/Golli
Kjör Óvissa hefur ríkt um hvort kjarsamningum verði sagt upp fyrir 1. febrúar en þá eiga laun að hækka um 3,25%.
Ómar Friðriksson
omfr@mbl.is
Líkur hafa aukist á að samninga-
nefnd ASÍ og fulltrúum Samtaka at-
vinnulífsins takist á næstu dögum að
ganga frá samkomulagi um endur-
skoðun kjarasamninga. Viðræðurn-
ar komust á skrið eftir útspil SA fyr-
ir helgi, sem lýstu sig reiðubúin til
viðræðna við ASÍ um að stytta samn-
ingstíma kjarasamninga til 31. des-
ember nk. og hefja viðræður um
undirbúning næstu kjarasamninga.
Að sögn Vilhjálms Egilssonar, fram-
kvæmdastjóra SA, varð til plagg
með ákveðnum hugmyndum að lausn
í viðræðunum yfir helgina, sem lagt
var fyrir stjórn SA í hádeginu í gær.
Samninganefnd ASÍ fór einnig yfir
þessar niðurstöður á fundi eftir há-
degi.
Samþykkt í meginatriðum á
stjórnarfundi SA í gær
Stjórn SA samþykkti hugmynd-
irnar sem fyrir liggja í meginatriðum
en að sögn Vilhjálms eru þó ákveðin
atriði sem menn vilja fá nánari skýr-
ingar á og lagfæra þurfi orðalag.
Til að koma til móts við sjónarmið
verkalýðshreyfingarinnar hafa SA
fallist á frekari styttingu samnings-
tímans, þannig að núgildandi samn-
ingar gildi til 30. nóvember. Um-
samdar hækkanir komi því til
framkvæmda 1. febrúar eins og
samningarnir kveða á um. Jafnframt
er í plagginu kveðið á um að þegar í
stað verði hafin vinna við undirbún-
ing að næstu kjarasamningum, unn-
ið verði markvisst að því með raun-
hæfum aðgerðum að halda
verðbólgu í skefjum, sem ASÍ leggur
mikla áherslu á, og reynt verði að ná
samstöðu um meginþætti atvinnu-
stefnu til að glæða hagvöxt, skapa
störf og bæta lífskjör.
Gylfi Arnbjörnsson, forseti ASÍ,
segir að viðræðum miði áfram miðað
við opnun samninganna í nóvember
og að byggt verði á því að ráðist verði
í aðgerðir í verðlagsmálunum þannig
að næstu samningar geti hvílt á
meiri stöðugleika. Atvinnurekendur
hafi ekki viljað fallast á að hækka
laun meira 1. febrúar en kveðið er á
um í samningunum.
Skiptar skoðanir eru innan raða
ASÍ en að sögn Gylfa líta menn til
þess að þingkosningar fara fram í
apríl og ef samningum yrði sagt upp
núna, sé hætta á að gerð samninga
dragist fram eftir árinu. Betra gæti
verið að fá umsamdar hækkanirnar
1. febrúar og vinna svo markvisst að
verðlagsmálunum, því mikil verð-
bólga eigi stærstan þátt í að forsend-
ur samninga hafa brostið.
Skoða álögur á vöruveltu og
auka aðhald í verðlagsmálum
,,Atvinnurekendur voru til í að ljá
máls á því að stytta samninginn og
að samtökin myndu vinna saman.
Þeir lögðu til atvinnumálin en við
höfum viljað ræða við þá um forsend-
ur verðlags og aukið aðhald að verð-
bólgu,“ segir hann. Menn vilji ræða
forsendur fyrir verðlækkunum, m.a.
að skoða ýmsar álögur á vöruveltu
en jafnframt verði líka að auka að-
hald að verðhækkunum bæði fyrir-
tækja og opinberra aðila með raun-
verulegum aðgerðum. Þegar hefur
verið ákveðið að auka verulega verð-
lagseftirlit ASÍ og veita þarf fyrir-
tækjum meira aðhald, að sögn Gylfa.
Skýrast mun á næstu dögum hvort
endanlegt samkomulag næst um
þessi atriði en mikil fundarhöld eru
fyrirhuguð í dag og á næstu dögum í
landssamböndum og aðildarfélögum
ASÍ. Fallist viðsemjendur á þessar
meginhugmyndir ætti að mati Vil-
hjálms ekki að vera mikil vinna eftir.
Útlit fyrir að kjarasamningar
haldi og gildi til loka nóvember
 Útlínur sam-
komulags um end-
urskoðun samn-
inga í fæðingu
FRÉTTIR 17Innlent
MORGUNBLAÐIÐ ÞRIÐJUDAGUR 15. JANÚAR 2013
Á kjördæmisþingi
Samfylkingarinnar
í Norðvesturkjör-
dæmi í Borgarnesi
á laugardag var
samþykktur fram-
boðslisti flokksins
fyrir komandi
alþingiskosningar.
Á listanum eru
jafn margar konur
og karlar, en efstu
sæti skipa Guðbjartur Hannesson
ráðherra, Akranesi, Ólína Þorvarð-
ardóttir alþingismaður, Ísafjarðar-
bæ, Hörður Ríkharðsson kennari,
Blönduósbæ, og Hlédís Sveinsdóttir,
sjálfstætt starfandi, Akranesi.
Viðhaft var flokksval við röðun í
efstu sæti á lista sem fór fram með
póstkosningu dagana 12.-23. nóv-
ember 2012. Fimm buðu sig fram og
701 tóku þátt eða 46,9% skráðra fé-
laga í kjördæminu. Í flokksvalinu
varð Guðbjartur efstur með 533 at-
kvæði og Ólína önnur með 435 at-
kvæði. Hlédís varð þriðja með 443
atkvæði en vegna fléttulistaaðferðar
færðist hún niður fyrir Hörð sem
kom fjórði út úr flokksvalinu með
479 atkvæði. Benedikt Bjarnason,
frá Ísafirði, varð fimmti með 379 at-
kvæði en hann vermir nú sjöunda
sætið á endanlegum lista sem val-
nefnd stillti upp og lagði fram tillögu
um á kjördæmisþinginu. Að sögn
Ólafs Inga Guðmundssonar, for-
manns kjördæmisráðs Samfylking-
arinnar í Norðvesturkjördæmi, var
listinn samþykktur á kjördæmis-
þinginu með dynjandi lófaklappi.
Leiðir lista
Samfylk-
ingarinnar
Guðbjartur
Hannesson
BMW X5 MODERN LINE
= ALLT INNIFALIÐ
Nú bjóðum við BMW X5, í nýrri MODERN LINE útgáfu, hlaðinn aukabúnaði. Nýja útgáfan er t.a.m. með 8 gíra sjálfskiptingu,
BMW Professional hljómtæki, 18" álfelgum, leðurinnréttingu með rafdrifnum, upphituðum framsætum og minnisstillingum,
fjarlægðarskynjurum að framan og aftan, Bluetooth tengibúnaði fyrir síma, Cruise Control, glæsilegum viðarlistum í
mælaborði, sjálfdekkjandi baksýnisspegli, toppgrindarbogum, málmlit og þægilegu Servotronic léttstýri.
BMW xDrive 30d
6,7 l / 100 km* – CO2 195 g – 7,6 sek. í hundrað Verð: 12.890 þús.
BL Sævarhöfða 2, sími 525 8000
E
N
N
E
M
M
/
S
ÍA
/
N
M
5
6
13
2
*Miðað við uppgefnar viðmiðunartölur framleiðanda um eldsneytisnotkun í blönduðum akstri.
Hrein
akstursgleði
BMW
www.bmw.is