Morgunblaðið - 15.01.2013, Blaðsíða 22

BAKSVIÐ
Ingvar P. Guðbjörnsson
ipg@mbl.is
V
ið töldum okkur hafa
leyfi frá Reykjavíkur-
borg til að fara í malbik-
unina og vorum með
leyfi frá 2007 til fram-
kvæmda. Við fórum af stað en þá
kom bréf frá Isavia þar sem þeir
báðu okkur um að stöðva fram-
kvæmdina,“ segir Árni Gunnarsson,
framkvæmdastjóri Flugfélags Ís-
lands, um framkvæmdir félagsins
við malbikun á bílastæðum við flug-
stöðina á Reykjavíkurflugvelli.
Borgin lét stöðva framkvæmd-
irnar síðasta sumar að kröfu fjár-
mála- og efnahagsráðuneytisins og
Isavia, sem fer með reksturinn á
flugvellinum. Landið er í ríkiseigu.
Leitað var svara um stöðu máls-
ins hjá borginni. Í svari frá yfirlög-
fræðingi skipulags- og byggingar-
sviðs borgarinnar kemur fram að
fátt standi í vegi fyrir veitingu bygg-
ingarleyfis fyrir framkvæmdinni
annað en samþykki landeigenda.
Lítil hreyfing í langan tíma
„Við erum búin að sækja um
byggingarleyfi og höfum lagt fram
allt sem þarf en ekki samþykki land-
eigenda því Isavia eða ráðuneytið
hafa ekki viljað gefa okkur slíkt
leyfi,“ segir Árni um stöðuna.
Hann segir málið lítið þokast
áfram. „Nokkur símtöl fyrir jól, en
nánast engin hreyfing á þessu máli í
þó nokkuð langan tíma.“
Svo virðist sem langt sé í land
með að málið leysist, miðað við sjón-
armið þeirra sem að því koma. Í
svari Isavia um stöðu málsins segir:
„Stefna Isavia er að félagið annist
sjálft endurbætur á slíkum lóðum,
m.a. með tilliti til jafnræðis með not-
endum Reykjavíkurflugvallar.
Stjórn Isavia hefur lýst áhyggjum af
því að aðalflugbraut Reykjavíkur-
flugvallar fellur út af skipulagi
Reykjavíkurborgar árið 2016 en það
mun jafngilda lokun flugvallarins í
þeirri mynd sem nú er. Hefur stjórn
félagsins af þeim sökum ákveðið að
ekki skuli ráðist í kostnaðarsamar
endurbætur á flugvallarsvæðinu
fyrr en stefna ríkis og borgar liggur
skýr fyrir um framtíð flugvallarins.“
Málið á sér nokkurn aðdrag-
anda. Árið 2007 sótti FÍ um leyfi til
að taka land undir malarborið bíla-
plan. Veitt var vilyrði og sú fram-
kvæmd kláruð. Aldrei var þó sótt um
byggingarleyfi og það voru meðal
annars rök borgarinnar fyrir stöðv-
un framkvæmda. Síðasta sumar hóf-
ust svo framkvæmdir við enn viða-
meira bílaplan sem til stóð að
malbika. Bréfaskipti fóru af stað á
milli lögmanna ríkis og flugfélagsins
og endaði með því að framkvæmdin
var formlega stöðvuð af borginni.
Í október svaraði fjármála-
ráðherra fyrirspurn Kristjáns L.
Möller, alþingismanns, á Alþingi.
Þar sagði ráðherra meðal annars frá
því að flugfélagið hefði hafnað boði
Isavia um að ríkið tæki að sér verk-
ið. En það boð mun hafa verið sett
fram til að gæta jafnræðis gagnvart
rekstraraðilum á flugvellinum. Jafn-
fram kom fram í svari ráðherra að
landið við flugvöllinn væri mjög tak-
markað og því mikilvægt fyrir starf-
semi hans. Flugfélagið telur sig hafa
rétt á umræddu svæði. Þar stendur í
dag húsgrunnur flugskýlis sem
brann árið 1975 og er bílum lagt inn-
an hans að sögn Árna.
„Við höfum sett þessa möl
sem þar er og séð um lýsingu,
snjómokstur og haldið utan um
þau bílastæði þannig að það
hefur verið inni á okkar um-
ráðasvæði í tugi ára. Við töldum
okkur hafa ákveðinn rétt til að
framkvæma þetta […] Við höfum
verið til viðræðna við Isavia
um að þeir kæmu að
þessu verki,“ segir
Árni.
Engin lausn á bíla-
stæðum flugvallarins
Morgunblaðið/Ernir
Reykjavíkurflugvöllur Frá því framkvæmdir við malbikun bílastæða við
flugvöllinn voru stöðvaðar síðasta sumar virðist lítið hafa gerst til lausna.
22
MORGUNBLAÐIÐ ÞRIÐJUDAGUR 15. JANÚAR 2013
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Það beraststundumskrítnar
fréttir frá núver-
andi ríkisstjórn. Í
gær sagði Jóhanna
Sigurðardóttir að Samfylkingin
útilokaði samstarf eftir kosn-
ingar við flokk sem ekki héldi
áfram að ganga í ESB. Látum
eins og hún hafi eitthvert um-
boð til að setja fram slík skilyrði
fyrir hönd flokksins sem er loks
að losna við hana úr formanns-
stólnum og þá felur yfirlýsingin
ekki annað í sér en tilraun Jó-
hönnu til að útiloka Samfylk-
inguna frá stjórnarráðinu. Hún
hefur haft frumkvæði að verri
málum en það. Kannski vill hún
að virkum valdaferli þessa
flokks ljúki með sér. Það er
vissulega ánægjuleg tilbreyting
að mega fagna því verði Jó-
hönnu að ósk sinni. Önnur
skrýtin frétt úr sömu átt var um
að ríkisstjórnin hefði ákveðið að
„hægja á aðildviðræðunum við
ESB“. Fulltrúar Samfylking-
arinnar fullyrtu í upphafi að
þessum viðræðum myndi ljúka í
ársbyrjun 2012.
Margoft hefur verið farið
fram á að „samninganefnd“
Össurar Skarphéðinssonar upp-
lýsti hvort hún hefði „samið“
um eitthvað sl. þrjú ár. Enginn
samningamanna hefur treyst
sér til að benda opinberlega á
eitt einasta atriði sem rís undir
því að teljast afurð beinharðra
samninga á milli aðila. „Samn-
ingaviðræðurnar“ hafa falist í
því að „samninganefnd“ Íslands
mætir til stækkunarstjóra ESB
með skýrslur um hvaða reglur
sambandsins ríkis-
stjórnin eða Al-
þingi hafi innleitt
síðan hist var síð-
ast. Þetta minnir
helst á þegar litla
barnið kemur heim úr skólanum
og sýnir foreldrinu spjaldið sitt.
En þrátt fyrir allar þessar
skýrslur, sem enda með því að
„kaflar eru opnaðir og lokaðir“,
þá kannast enginn við, hvorki í
ráðuneytum né á þinginu, að
nokkur innleiðing hafi farið
fram í tilefni „samninga-
viðræðnanna“! Þegar menn
furða sig á slíkri þverstæðu er
gefið undarlegt svar og næsta
ótrúlegt.
Mestu ómerkingarnir í
„samninganefndinni“ segja:
Það er ekki verið að aðlaga neitt
vegna umsóknarinnar. (Og ekki
er verið að semja um neitt.) Á
hinn bóginn hefur stjórnkerfið
verið að hraða innleiðingu
reglna sem dregist hafði að inn-
leiða vegna EES! En þegar
svikulir „samningamenn“ eru
spurðir um hvað það verk hafi
með „samningamennina“ að
gera vefst þeim tunga um tönn,
svo sem vonlegt er.
Fréttin sem gefur til kynna
að í því felist undanlátssemi við
Steingrím að „hægja á“ samn-
ingaviðræðunum núna er
hlægileg. Steingrímur er að
biðja um frið fram yfir kosn-
ingar og að honum verði hlíft
við óhjákvæmilegri umræðu um
einstakasta svikaferil íslenskra
stjórnmála. Svo ætlar hann að
taka upp sama þráðinn eftir
kosningar, fái hann tækifæri
til.
Forráðamenn ríkis-
stjórnarinnar virð-
ast veruleikafirrtir}
Lokar sig úti
og hendir lyklinum
Rétt er það semumhverfis-
ráðherra sagði á
þingi í gær að
rammaáætlunin
byggist á langri
vinnu. Hugsunin á
bak við rammaáætl-
unina var að sem mest samstaða
mætti nást um nýtingu og vernd
náttúru landsins og að horft yrði
á landið og náttúru þess heild-
stætt. Meðal annars þess vegna
hefur vinnan tekið langan tíma
og þess vegna voru vonir bundn-
ar við að hægt yrði að leggja nið-
ur deilur um einstakar virkjanir.
En allt fór á annan veg. Ríkis-
stjórnin gerði áralanga vinnu að
engu með því að grípa inn í á
lokasprettinum og rjúfa friðinn
sem ríkt hafði. Í hrossakaupum
voru ákveðnir kostir settir til
hliðar og rammaáætlunin er þar
með ekki lengur heildstætt verk
heldur brotakennt og háð duttl-
ungum núverandi stjórnvalda.
Málið var að lokum keyrt í gegn-
um þingið í fullum
ágreiningi og án
þess að nokkurt til-
lit væri tekið til
stjórnarandstöð-
unnar.
Stjórnarliðar
höfðu verið varaðir
við því hvaða afleiðingar þessi
vinnubrögð myndu hafa en þeir
létu sér ekki segjast. Þeir
neyttu aflsmunar í stað þess að
fara leið sátta og samræðu sem
þeir á tyllidögum segjast aðhyll-
ast.
Niðurstaðan af þessu er ein-
föld: Sú rammaáætlun sem Al-
þingi samþykkti í gær hefur
ekkert gildi nema fram að næstu
kosningum. Næsta þing hefur
engar skyldur gagnvart ramma-
áætlun ríkisstjórnar Jóhönnu
Sigurðardóttur og ákvarðanir
um vernd og nýtingu auðlinda
Íslands verða ekki byggðar á
þingsályktun gærdagsins –
nema ef til vill fram að næstu
kosningum.
Rammaáætlun
ríkisstjórnar
Jóhönnu Sigurð-
ardóttur gildir
aðeins fram í apríl}
Friðurinn rofinn
M
egrun er orð sem hefur alltaf
farið í taugarnar á mér, það er
ofnotað og hefur enga inni-
stæðu fyrir þeim áhrifum sem
það hefur á fjölmarga.
Öfgarnar í kringum orðið megrun eru líka
miklar en orðið hefur víða borið á góma undan-
farnar vikur. Janúar er sá mánuður sem allir
ætla að reyna að bæta líf sitt á ýmsa vegu enda
virðist það óhjákvæmilegt miðað við það sem
margir fjölmiðlar setja fram sem skyldu-
hegðun um þessar mundir.
Fjölmiðlar hafa nokkur áhrif á líkamsímynd
fólks og sjaldnast á jákvæðan hátt. Í byrjun
janúar hófu þeir strax að fjalla um líkamann,
hvernig það væri hægt að megra hann með tíu
góðum ráðum á tíu dögum, eða hvað ætti að
gera til að líta út eins og þessi eða hinn. Bestar
eru þó fréttirnar af Kim Kardashian Hollywoodstjörnu
sem er þunguð, þó aðeins komin nokkrar vikur á leið og
strax eru farnar að berast fréttir af því hvernig hún ætlar
að berjast við þau áhrif sem meðgangan mun hafa á lík-
ama hennar. Fréttir um hvernig hún ætlar að æfa á með-
göngunni til að fitna ekki, hvernig hún ætlar að komast
hjá væntanlegu sliti og hvernig hún ætlar að fá „fyrri“ lík-
ama aftur eftir fæðinguna.
Þessi fréttaflutningur þykir sjálfsagður án þess að
hugsað sé út í þær afleiðingar sem hann getur haft. Megr-
unarfréttum er yfirleitt beint að konum og þær skrifaðar
af konum. Skilaboðin eru að við skulum ekki voga okkur
að vera sáttar við líkama okkar, normalhegð-
unin er að vera í megrun. Í því samhengi má
velta fyrir sér hver græðir á því að moka út
megrunarfréttum; hafa auglýsendur kannski
áhrif á miðlana, er þetta það sem konur vilja
lesa eða er það bara orðið viðurkennt í sam-
félaginu að við eigum alltaf að vera ósáttar við
eigið útlit og leitandi að „betra“ lífi?
Jo Swinson, jafnréttisráðherra Bretlands,
vakti athygli á megrunar-öfgunum í lok des-
ember þegar hún ritaði opið bréf til ritstjóra
breskra tímarita. Þar benti hún þeim á að ef
að þeir auglýstu „töfralausnir“ eftir jól gætu
þeir verið að stofna heilsu lesenda sinna í
hættu. Hún sagðist skrifa ritstjórum bréf til
að benda þeim á að megrunarkúrarnir sem
þeir væru að lofa væru oft hættulegir og að
þeir ættu frekar að kynna lesendum sínum
heilbrigðan lífsstíl. Í grein um málið í Guardian segir
Swinson að hin óraunsæa mynd af grannri konu sé of út-
breidd í auglýsingum og fjölmiðlum.
Swinson sagði að konur gætu gert meira til að hjálpa
hver annarri við að hunsa þrýstinginn frá fjölmiðlum um
að vera mjög grannar. Konur ættu að standa saman í að
byggja upp sjálfsmynd hver annarrar, ekki vera svona
sjálfsgagnrýnar á eigið útlit og ekki svo tilbúnar til að
gagnrýna holdafar annarra. Hún sagði að sú mynd sem
fjölmiðlar drægju upp af konum sýndi ekki hina sönnu
mynd af þeirri fjölbreyttu fegurð sem væri þarna úti.
Amen. ingveldur@mbl.is
Ingveldur
Geirsdóttir
Pistill
Heilsuspillandi töfralausnir
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
„Að sjálfsögðu er þetta svæði
sem við erum búin að nota í ára-
tugi og okkur finnst það vera
nokkuð sérstakt að koma fram
með það núna að gera til þess
kröfu að þetta svæði sé ekki
okkar umráðasvæði. Í sjálfu sér
má líka segja að við höfum oft
og tíðum verið að leita eftir því
að Isavia sjái um ýmsar fram-
kvæmdir hér innan girðingar á
því svæði sem við höfum talið
að þeir séu skilgreindir rekstr-
araðilar á,“ segir Árni Gunnars-
son, framkvæmdastjóri Flug-
félags Íslands, og nefnir
lýsingu fyrir farþega til
og frá flugvél, sópun á
hlaði og fleira. „Okkur
fannst skjóta svolítið
skökku við að þeir hefðu
allt í einu áhuga á því að
taka að sér framkvæmd
sem er utan girð-
ingar,“ segir
Árni.
Hafa notað
svæðið
í áratugi
FLUGFÉLAG ÍSLANDS
Árni
Gunnarsson