Morgunblaðið - Sunnudagur - 06.01.2013, Síða 38

Morgunblaðið/Styrmir Kári
Hver eru bestu fatakaupin þín?
Bestu fatakaupin mín eru klárlega Ilaria-leðurjakkinn minn úr Kultur, ég er búin að
nota hann endalaust mikið við ýmis tækifæri. Einnig er kanínuvestið mitt í miklu uppá-
haldi og nota ég það yfir leðurjakkann þegar kólnar í veðri.
En þau verstu?
Úff, ég hef gert mörg slæm fatakaup í svona „must have“-maníu og svo þegar hún
rennur af manni skilur maður hvorki upp né niður í því sem maður var að kaupa. Held
samt að verstu kaupin mín hafi verið þegar ég keypti mér há leðurstígvél í Evu gallerí
með háum hælum. Ég gleymdi því í augnablik að ég væri 183 cm á hæð og notaði ekki
háa hæla … mig minnir að ég hafi síðan gefið mömmu þau.
Hverju er mest af í fataskápnum?
Ég er algjör jakkafíkill og myndi segja að það væri
mest af jökkum í fataskápnum mínum. Einnig er allt
að fyllast af skóm eftir að ég tók við www.skór.is. Eins
gott að ég er komin með fataherbergi
Hvar kaupir þú helst föt?
Ég sá um NTC heildverslunina í mörg ár og á
marga gullmola í skápnum mínum frá því tímabili og
einnig bætti ég vel í skápinn þegar ég bjó síðasta ár
úti í Kaupmannahöfn. Ég versla núna aðallega þegar
ég fer til útlanda.
En þegar ég kaupi hérna heima þá kaupi ég skóna
mína í Kaupfélaginu og á netinu hjá mér. Ég kaupi
buxur frá Five Unit, Cheap Monday og Diesel úr
Gallerí Sautján og einnig efri parta og jakka frá
Modeström. Spariföt í Kultur og krydda svo skáp-
inn með eitthverju skemmtilegu úr Top Shop. Einnig er mikið af flottum basic-vörum og
blússum í Companies. Síðan kaupi ég skemmtilega fylgihluti í Kastaníu.
Áttu þér uppáhaldsverslun?
Ég elska að ráfa um í Magasin í öllum litlu shop in shop búðunum. Monki, All
Saints og French Connection búðirnar eru í miklu uppáhaldi. Einnig er Norr
sem er í hliðargötu út frá Strikinu í Köben í miklu uppáhaldi en hún selur bæði
fallega muni fyrir heimilið og ótrúlega fallegan fatnað frá ýmsum merkjum. Það
er líka alltaf gaman að kíkja í H&M og kaupa fullan poka fyrir lítið.
Áttu þér einhvern uppáhaldsfatahönnuð?
Mér finnst Malene Birger gera fallegan fatnað á viðráðanlegu verði. Annars er
ég ekki með neinn einn uppáhaldshönnuð heldur finnst mér gaman að blanda
saman frá ýmsum hönnuðum. Uppáhaldsmerkin mín eru All Saints, Malene,
Modeström, French Connection og Five Unit. Uppáhaldsskómerkin mín
þessa dagana eru Vagabond, Six Mix og Mjus.
Hvaða þekkta andlit finnst þér með flottan stíl?
Ég myndi vilja læðast í skápinn hjá Siennu Miller og Blake Lively, og
blanda stílnum þeirra saman.
Ef þú þyrftir ekki að kíkja á verðmiðann, hvaða flíkur eða fylgihluti
myndi þig langa til að eignast?
Efst á óskalistanum mínum er falleg stór taska frá Marc Jacobs. Síðan
myndi ég kaupa mér nýjan leðurjakka og kápu frá All Saints. Einnig sá ég
mikið af fallegum kjólum frá French Connection þegar ég var í London um
daginn sem ég myndi skella með í körfuna.
Áttu þér eitthvert gott stef, ráð eða mottó, þegar kemur að fata-
kaupum?
Ég kaupi klassísk föt í gæðum frá flottum merkjum sem nýtast mér í lengri
tíma og verða þau svona gullmolar í skápnum mínum. Síðan poppa ég upp skápinn
með nýjum straumum á hverju „seasoni“ og nota ég ódýru merkin til þess. Mér
finnst einnig mikilvægt að kaupa góða og fallega leðurskó. Einnig er algjört „must“
að eiga stóra og fallega leðurtösku.
Ef þú kæmist í tímavél, á hvaða tískutímabil myndirðu vilja fara?
Ég væri til í að vera uppi á Viktoríutímabilinu í einn dag, síðan myndi mér lík-
lega fara að leiðast. Það væri gaman að prófa að vera í korselett og dragsíðum kjól.
Annars finnst mér tímabilið um 1960 vera mjög heillandi en þá var mikil gróska í
fatahönnun. Það var mikið af ótrúlega fallegum kjólum og kápum sem myndu stand-
ast tímans tönn í dag. Audrey Hepburn var einmitt upp á sitt besta á þessu tímabili
og gerði marga kjólana fræga.
Leikkonan Blake Li-
vely er alltaf smart.
Mathew Imaging/WireImage.com
Sienna Miller er í uppáhaldi.
VILL LÆÐAST Í FATASKÁPA HJÁ BLAKE LIVELY OG SIENNU MILLER
Kaupir helst
klassísk gæðaföt
CHRISTINA GREGERS VÆRI TIL Í AÐ SKREPPA AFTUR Á VIKTORÍUTÍMA-
BILIÐ BARA TIL AÐ GETA PRÓFAÐ AÐ VERA Í KORSELETTI OG DRAG-
SÍÐUM KJÓL. HÚN SEGIST ÞÓ HELST VERA VEIK FYRIR JÖKKUM.
Eyrún Magnúsdóttir eyrun@mbl.is
Christina Gregers.
* Ég er algjörjakkafíkill og
myndi segja að
það væri mest
af jökkum í
fataskápnum
mínum
Audrey
Hepburn
*Föt og fylgihlutir Hertogaynjan Kate Middleton gaf heitustu Hollywood-stjörnum ekkert eftir í fatavali á liðnu ári »40