Morgunblaðið - Sunnudagur - 06.01.2013, Qupperneq 53

6.1. 2013 MORGUNBLAÐIÐ SUNNUDAGUR 53
Létt og leikandi Vínartónlist
verður í öndvegi á tón-
leikum kvennakórsins Emblu
í Hofi á Akureyri á sunnudag
klukkan 17. Einsöngvarar eru Alda
Ingibergsdóttir og Haukur Stein-
bergsson. Salonghljómsveit Akureyr-
ar leikur og Roar Kvam stjórnar.
2
Unnendur ævintýra og
Hringadróttinssögu Tolki-
ens flykkjast í kvikmyndahús
þessa dagana, að sjá fyrsta
hluta Hobbitans. Hvort sem gestir
kjósa tvídídd eða þrívídd, 48 ramma
á sekúndu eða bara gamla lagið, þá er
kvikmyndin hin ágætasta skemmtun
… og von á tveimur til.
4
Ef veður leyfir ættu Austfirð-
ingar að skondra í menning-
armiðstöðina Skaftfell á laug-
ardag milli kl. 16 og 20. Þar
er sýnt myndbandsverk Mariko Taka-
hashi, The Shades of Blue, en hún
hefur kannað ljósaskipti á Seyðisfirði.
5
Janúar er fyrirtakstími til að
sækja leikhús og uppselt er á
margar sýningar um helgina,
til að mynda á Mýs og menn í
Borgarleikhúsinu. Þó er hægt að fá
miða á fjölskyldusýningar sem enginn
ætti að vera svikinn af, eins og á Gull-
eyjuna í Borgarleikhúsinu og Dýrin í
Hálsaskógi í Þjóðleikhúsinu.
3
Þrettándahátíð hefst klukk-
an 18 á sunnudag við KR-
heimilið. Eftir samsöng og
nikkuleik verður gengið niður
að Ægisíðu þar sem bál verður tendr-
að og hver veit nema tröll og furðu-
verur skjóti upp kollinum.
VIÐBURÐIR HELGARINNAR
1
Haf, jörð og himinn nefnist bók semkomin er út með þýðingum ÞórsStefánssonar á ljóðum 23 skálda frá
Álandseyjum. Elstu skáldin eru fædd fyrir
nær einni öld en það yngsta er rétt tæplega
tvítugt. Íbúar Álandseyja eru innan við 30.000
talsins, þeir tala og skrifa sænsku en eru
finnskir borgarar.
„Það kann að vera vegna þess hvað íbú-
arnir eru fáir, rétt eins og hér á Íslandi,“ seg-
ir Þór þegar hann er spurður að því hvað
valdi að svo mörg forvitnileg skáld finnist á
eyjunum. Hann segir bækur sumra skáldanna
hafa verið gefnar út í Helsinki, en einkum
verk þeirra eldri, þau yngri séu í hálfgerðu
reiðuleysi hvað útgáfu varðar.
Auk þess að fást við yrkingar sjálfur hefur
Þór á undanförnum árum lagt sig eftir því að
þýða verk erlendra samtímaskálda. Hefur
hann meðal annars sent frá sér söfn með þýð-
ingum frönskumælandi skálda frá Belgíu og
Afríku og er þetta sú fimmta í flokki sýn-
isbóka hans. En hver er sérstaða álensku
skáldanna?
„Ég er oft spurður að því hvað sé sérstakt í
ljóðheimunum í þessum bókum mínum en ég
sé alltaf hvað er líkt með þeim,“ svarar hann.
„Mennska skáldanna er alltaf aðalatriðið. Þau
fjalla um mannlegar tilfinningar og líf.
Álensku skáldin eru samt einhvernveginn ná-
lægt jörðinni, þau fjalla um dagleg störf og
hafa náttúruna nálægt sér. Það höfum við
líka, Íslendingar. Skáldskapurinn er sameig-
inleg afurð mannkynsins.“
Þegar Þór er að kynna sér skáldskap á
ólíkum svæðum þá dregst hann alltaf að nú-
tímaljóðum. Sú var einnig raunin á Álands-
eyjum en Þór dvaldist á eyjunum haustið 2011
við öflun efnis í bókina.
„Það var gaman að kynnast mörgum þess-
um skáldum. Hjá þeim yngstu kveður nokkuð
við rokkaðan tón, það er hasar og rokk í ljóð-
um þeirra,“ segir Þór. Flest ljóð bókarinnar á
Karl-Erik Bergman sem er fæddur árið 1930.
„Hann er afar öflugt ljóðskáld og hefur gefið
skáldum á eyjunum tóninn. Hann setur í gang
einhverja skriðu af skáldum. Bergman er
jarðbundið skáld, hann skrifar um sína vinnu,
sjósókn og hvunndagslega hluti, sem eru ráð-
andi í bókinni. Hann er sterkur og áhrifamik-
ill, og merkur brautryðjandi,“ segir Þór.
Elsta skáldið í bókinni er Atos Wirtanen
(1906-1979) en hann kom með nýjan tón inn í
álenskan skáldskap; Þór segir þann tón óma
nokkuð í öllu ljóðasafninu. „Mér finnast þetta
annars allt skemmtileg skáld. Þau hafa at-
hyglisverða nálægð við jörðina og eru engir
skýjaglópar. Það held ég stafi af smæð sam-
félagsins.“
Fjölmiðlar á Álandseyjum hafa sýnt þýð-
ingastarfi Þórs áhuga og hefur hann verið í
viðtölum í blöðum og útvarpi þar.
ÞÓR STEFÁNSSON HEFUR ÞÝTT LJÓÐ SKÁLDA FRÁ ÁLANDSEYJUM
Skáldskapur nálægt jörðinni
„ÞAU HAFA ATHYGLISVERÐA NÁ-
LÆGÐ VIÐ JÖRÐINA OG ERU ENG-
IR SKÝJAGLÓPAR,“ SEGIR ÞÓR STEF-
ÁNSSON UM ÁLENSK LJÓÐSKÁLD.
Einar Falur Ingólfsson efi@mbl.is
„Mér finnast þetta annars allt skemmtileg
skáld,“ segir Þór Stefánsson.
Morgunblaðið/Ernir
„Allar persónur í Njálu voru til og allt hefur gerst sem þar kemur fram. Svo eru hlutirnir fegraðir líkt og litadýrðin í málverkum Ásgríms,“ segir Jónas.
Morgunblaðið/Ómar